أضف سؤال أو موضوع جديد          

تورطت بباص ايجار وهرب مالك الباص ارجو النصيحه

up 8 down 3
فـهـــــد الفهد 449
قبل 6 سنه و 4 شهر



تحيه طيبه احبابي واخواني في الله 
اخواني الغالين بموقع حراج انا اخوكم محتاج جدا نصيحتكم وتوجيهاتكم واعتبركم اخواني 

شفت اعلان بموقع حراج لتاجير باصات فاتصلت بالمعلن وابديت رغبتي بتاجير باص لمده شهر واتفقنا على المبلغ 
بقيمه 4000 ريال لمده شهر تشمل بالعقد المشاكل الميكانيكيه والصيانه والكفرات وغيره يعني اي مشكله تحصل 
بالباص خلال شهر يتكفل فيها وجاء لشركتي بالباص وطلعت اشوفه لقيت الباص مناسب كبدي وشكل خارجي
بس ما جربته لان على كلامه ممتاز فوقعنا على العقد واخذ فلوسه واخذت سند ونسخه من العقد وجاء
سواقي واخذه جربه يوم كامل وجاني اليوم الثاني وذكرلي ان الباص في مشاكل مويه المكيف تدخل جوا الباص
والكفرات ممسوحه ولمبات المكينه والزيت طالعه فورا اتصلت بصاحب الباص وما رد علي لمده يومين
والان وقفت باصه عشان لا تحصل مشاكل اكبر والى الان وانا متعطل ومحروق على الفلوس وعدم المبالاه
من صاحب الباص . ارجوكم دلوني على الطريق وش اسوي

شكرا جزيلا  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خل الباص عندك لين يجي راعيه ..


up 2 down 3
omar 9900 38
قبل 6 سنه و 4 شهر



دام معك العقد والسند اشتك عليه وخذ رقم لوحة الباص ودور بالمرور من مالكها عشان تاكد


up 4 down 0
ahamd9477 119
قبل 6 سنه و 4 شهر



مالك حق تطالبه بأي شيء حتى لو تشتكي

طالما وقعت انك تتحمل كل شيء

انا اشوف انك تستخدمه موية المكيف تدخل عليك عادي ما منها ضرر كبير

كلها شهر وترجعه له

لمبات المكينه ما عليك السياره تمشي لو كانت طرمبة او شيء كان حتى راعيه خاف يجي فيه ويخرب

كفرات ممسوحه عاد هذي قدامك ما شفتها مصيبه

المهم انا اشوف انك تستخدمه تحلل الفلوس اللي دفعتها فيه 

وارسله رسالة نصيه او بالواتس اليوم قوله الباص انا وقعت العقد معاك على اساس انه سليم

وطلعت فيه المشاكل الفلانية واذكرها كاملة سواء رد عليك او ما رد

تكون هذي حجه معك لو بحال اشتكى بعدين ان الباص كان سليم تكون انت بلغته من اول يومين

لكن هو ما يرد ومطنش عارف المشاكل اللي فيه 

الشيء الثاني اذا جاء نهاية المدة وقف الباص بمكان ما يعرفه وقوله انت كذبت علي

حتى الكفرات كاتبها بالعقد انها تشملها الصيانة

قوله السياره والله ما بتشوفها الا بعد شهر ثاني تبي تشتكيني روح اشتكي او رجع نصف المبلغ

لان الباص متهالك

وخله هو اللي يروح يشتكي واذا استدعتك الشرطة قولهم الباص كان موجود ورفض يستلمه

مثل ما كذب اكذب انت بعد


up 19 down 8
ابراهيم التركـي 1067
قبل 6 سنه و 4 شهر



أنت الغلطان وأنا خوك المفروض جربت الباص قبل توقع العقد 
لأن الزمن ذا ماتضمن اخوك فمابلك بالغريب لكن عوافي 
حاول تكلم صاحب الباص بطريقه وديه وفهمه الموضوع 
حتى لو رجعلك الجزء الأكبر من فلوسك حاجه طيبه
لأنه نظاماً مايلحق شيء .


up 5 down 1
ابو فيصل 12 0735 242
قبل 6 سنه و 4 شهر



ما احد يجاوب بون قراءة العقد بينكم. هو اللي يحدد ارسل خطابات رسمية اول باول هذا اهم شئ. 


up 0 down 0
abassam10 200
قبل 6 سنه و 4 شهر



اولا انت غلطان وهو نصاب


لكن مادام طبعه كذا دواه بعد ماتنتهي المده سحب فييه

لا ترد عليه وعامله مثل ما يعاملك

وبعد مايشفى غليلك دق عليه وعطه سيارته

لكن حاول معه خلال هالايام يمكن يرد عليك 


up 4 down 1
ألو مرحبا 1895
قبل 6 سنه و 4 شهر



واحد زي هذا المفروض تحلل ابو الباص تطلعها من عيونه


up 2 down 2
benz lover -78
قبل 6 سنه و 4 شهر



انت متاكد انه راعي الباص ولا الباص مسروق ؟


up 1 down 2
ابو ابراهيم2021 352
قبل 6 سنه و 4 شهر



راع الباص ما اخطا بشي 
غشامتك هي الخطا 
يعني بتستاجر سياره
ماتفحصها ؟ 
والله راع الباص
مايلحقه شي  بالنظام 


up 2 down 2
غرييب2012 71
قبل 6 سنه و 4 شهر



أسحب عليهه وبعد شهر اذا دق عليك قفل جوالك ولاترد عليه وخذ الباص ووقفه بمكان مايعرفه الجن الازرق واذا الشرطة جاتك قولهم
العقد انتهى وصاحبه ماجا ماشفته .. كلنا نعرف نكذب


up 0 down 0
جاسم 12 -251
قبل 6 سنه و 4 شهر



طيب ليه يكذب يمكن يبتليه ربي اقترح عليك تدور اسم راعيه بالمرور من اللوحة اللي عليه وتاكد اذا هو نفس اللي استاجرته منه ولا لا 


up 0 down 0
ahamd9477 119
قبل 6 سنه و 4 شهر



ذكرتني بموقف حصلي امس جا واحد بالعمل ما اطيقه لكن مجبور اني اتكلم معاه بحكم العمل واعطاني ورقة وقالي وقع هنا واعطيني صورة هويتك !!!!!! استغربت قلت ليه قال شي عادي هيا وقع بسرعة واخذ الورقة واقرا اش مكتوب !!مكتوب كفيل غارم يعني بياخذني كفيل عليه اذا ما دفع فلوس يحاسبوني انا ! فا رفضت التوقيع والمشكلة انو زعل ناس غريبة


up 5 down 0
ryyan555 703
قبل 6 سنه و 4 شهر



جمعه مباركه حبايب قلبي ومشكورين على الردود واستفدت منها 

الحل الى راح اسويه حصلح بعض الخرابات واشتري كفرات واكرف ام امه واذا جاء اخر الشهر حطلعله الفواتير واقوله انت 
تهربت مني عشان ما تبي تصلحه وانا صلحته وهذي الفواتير هات قيمه الاصلاحات وخذ باصك ولو راح اشتكى 
حطلعلهم العقد واوريهم البند ان هوا يتكفل بالاصلاحات وما صلحها وانا مرسل رساله له ويتهرب واوريهم ان تاريخ الفواتير 
من بدايه كتابه العقد عشان لا يقول سلمتك هوا نظيف .. ونشوف اخرتها معاه ذا البرماوي 



up 2 down 0
فـهـــــد الفهد 449
قبل 6 سنه و 4 شهر



لاتصلح شيء
اكرفه زي ماهو
وقدم بلاغ رسمي باللي صار حتى لايضيع حقك



up 0 down 0
أبو ثامر 1982 118
قبل 6 سنه و 4 شهر



افججرهه اكرفهه وهو بخراباته والعن اصل اصله واذ خلص الشهر احذفه بوجهه وانتهينا


up 1 down 0
d7mae -84
قبل 6 سنه و 4 شهر



الله يعوضك خير وكل دقه بتعليمــه 

شوف اللي يناسبك 

وسوه ، ، ، 

ولو إني مكانك، بستخدمه بنفس ما هو وبرجعه له، وأستفيد من التجربه التأكد من الباص قبل كل شي ... 


up 0 down 0
محمد عبدالله عمر 635
قبل 6 سنه و 4 شهر



   الله يعينك  المفروض تشيك عليه    وفكرة ايقافه رائي جيد  حتى لاتكبر المشكله 
ومن رائي ان توقفه حتى يرد عليك صاحب الباص  واعتبر هذا  الاعلان  شهاده  ونشهد معك بان الباص متعطل من تاريخ الاعلان  

واذا عليك حاجة باص  عندي باص  25 راكب هونداي 2006    وباص صيني مودان  2006    وبالتوفبق للجميع  وترا الباصات للبيع  اللي يشاهد الاعن   والسعي لصاحب الاعلان هههه


up 0 down 0
mmm99m 23
قبل 6 سنه و 4 شهر