استماره السيارة قربت تنتهي

ما احد يقدر يحكم وش تحتاج السياره حتى لو تنزل صور لها

لابد من الفحص بشكل مباشر على ارض الواقع

استفسارك بالشكل هذا ماله اي قيمة

فيه مكاتب تجدد لك بدون فحص 
غالبا تلقاهم عند المعارض 

وياخذون ٤٠٠او ٥٠٠ 
وريح نفسك ومخك من الفحص 

كل شي خربان صلحه وتعدي الفحص

هل يدققون على المكينه ؟؟
وهل لو غسلت السياره بستم بتزيد نسبه النجاح لانه السياره لها فوق ٣ سنوات ماتغسلت بستم

روح للورش اللي مقابلة للفحص يلفقون لك اي شي بمبلغ رمزي وبضمان اجتياز الفحص

شفلك ديره قريبة منك مافيها فحص .. وطلع الاستمارة بيومها .. جربتها في كثير

انا فحصت سيارتي قبل كم يوم 
المساحات
جميع انوار السياره تكون تشتغل ومافيها كسور
القزاز الامامي مايكون فيه كسر
الكفرات ماتكون ممسوحه 
الفرامل تكون تكون تمسك في كل الكفرات يعني لهم نسبه يحسبونها
البريك يكون مشدود
اهم شي من تحت السياره مايكون فيه تهريب
لو فيه مساعد مفقوع او اي جلده مقطوعه ماتنجح
سوي الاشياء ذي وتوكل على الله ترى سهاله
ونسيت اقولك اوزن الكربون قبل تروح لهم

والله فحص عن فحص يفرق يعني مزاج
انصحك تجي بعد الظهر بساعه يعني الساعه 2 
تلقاهم مهلوكين و يمشون
اهم شي القزاز لا يكون فيه كسر يوصل 10 سم
الانوار كامله فليشرات شمعات اصطبات 
البوري و المساحات 
و غسلها بستم قبل تروح بدقائق لهم عشان التهريبات و كذا 
و الاهم ثم الاهم ثم الاهم الفرامل و الجلنط قدام و في الخلف 
و الاهم من كل ذا وزن الاذرعه 
هذا ما حصل معي قبل 3 اشهر 
فحصت ديهاتسو خرده و دققو في الوزن و الفرامل فقط

فيه معارض  تدفع  حدود  500ريال  وتمشي بالفحص  ،، افضل لك من  تصليح سياره  تكلفك اكثر واكثيرر وماهو مضمون انها تنجح بالفحص  

   نصيحه  شوف لك معرض  يمشيها    اذا السياره قديمه  وتعبانه   بتتعب  وتكلفك    بلاوي متلتله  وممكن ماتنجح بعد 
اذا السيارات  الشبه جديده   يدققون  على كل شي فما بالك بسياره   جرى  عليها الزمن واكل  

ياغالي ، فيه فرق
اذا كان الاستماره بتنتهي تجددها عن طريق موقع ابشر بس اول لازم تسدد الرسوم عن طريق الصراف .. بميه وخمسين ثلاث سنوات
وما يحتاج تفحص السياره اذا بتجدد الاستماره .. 
بالتوفيق ياغالي

رح بالاستماره اي قريه حولك فيها مرور مثال مرات شقرا يجدودن بدون فحص