سيارة كامري 2005 ومحتاج اعادة ترميمها من جديد

المكينة سوي لها توضيب لا تغييرها .
الشمعات هذ اصلي عشان توزيع النور و تقدر توزنها .
الصدام خذ اصلي لان التجاري ما يتخمل الهواء فا يتقوس زيادة .

ابعد عن الوكالة بالتصليح اسعارهم نار بشغل اليد 

١٥٠٠٠ الله يهديك تحطها على قيمة موترك وتاخذ ٢٠٠٩ نظيف حتى لو يدك داري وش بتقول ولكن صدقني خساير واجد تاخذ موديل احدث تفحصه وتشتريه

١٥٠٠٠ الله يهديك تحطها على قيمة موترك وتاخذ ٢٠٠٩ نظيف حتى لو يدك داري وش بتقول ولكن صدقني خساير واجد تاخذ موديل احدث تفحصه وتشتريه

ببيعها و 15 الف اللي مخصصها تحصل على قيمة الكامري و فلوسك اللي معك سياره موديل احدث وافضل

اما 15 الف ترميم كامري قديمة سلامات والله لو انها 2012 الشكل الاخير ما تستاهل تحط 3000 ترميم

فما بالك بالقديمة الله يصلحك بس

يخوي لتخصر عليها بهاذي القيمه لو تبيعها وتزود وتاخذلك افضل منها مثل مقال اخوي بنز 

بيعها وبقيمتها على 15 الف اللي منك . خذلك موديل احدث وانا اخوك . 

الترميم مكلف جدا



المكينة تركب لها مكينة 2011 ب 8000

الرش و السمكرة 4000 آلاف


العكوس 3000 آلاف


الواجهة اذا اصلي 4000 آلاف



ما تكفيك 20

الله يجزاكم خير ع الرد ، بس جد حطمتوني 
كنت متحمس لاصلاحها لانها عشرة عمر ولا ودي ابيعها 
وافكر اعطي الولد الله يصلحه يداوم عليها المدرسة 
لكن ما خطر في بالي ابيعها ، حتى لو عرضتها للبيع كم بتجيب ،، مبلغ قليل 
والحمد لله وزادكم من فضله عندي سيارة جديدة غيرها 
المهم الحين اهم شئ فيها هو نقص الزيت والبودي والباقي سليم غير من زود الحرص باغيرها 
بافكر واستخير الله وربكم يسهل بعون الله 

و عليكم السلام
اذا بتجدد بقطع تجاري و ياباني ممكن تخارج معاك
عدى المكينة غير لها مكينة من التشليح افضل
بتصير تبرق السيارة لا تخاف

اذا بتعطيها الولد الله يصلحه للمدرسه 
عليك بإصلاح المكينه سواءاً توضيب أو شنابر 
أو مكينه من التشليح ، لانه مستحيل بيفتح الكبوت ويعاير الزيت ههههههههه

وركب له شاشه Gps خله ينبسط 
أما البودي ما اشوفه ضروري ومهم دامه ولد صغير 
حط في بالك انه بيقبع بها ويحكحكها يمين ويسار 
وتخسر في البويه الجديده 

اسعد الله ظهيرتكم بكل خير 
يا شباب محتار اشتري مكينة وارد اليابان كم يقول صاحبها ولا اوضب مكينتي في الوكالة قطع غيار اصلي 
رغم انهم يقولوا ما تتتوضب هالنوعية 
ابي مشورتكم وتجاربكم 

وإذا كانت تنقص زيت عادي جداً لأن الكوامري 2003 - 2006 ينقص زيتها بسرعة وهذه سمة بهذه الموديلات 
لذلك ماتستاهل إنك تصلحها أو توضبها أو تشتري غيرها وماشاء الله سيارتك تعتبر مامشت كثير
كل ماهنالك خل معاك علبة زيت وكلما تعديت 2500 عبها شوي ... 
وصلت 3000 عبها شوي وصلت 3500 عبها شوي وصلت 4000 غير الزيت كلها
ليش تكلف على روحك وتضيع فلوسك على موديل قديم
والله أعرف لك واحد كانت معاه كراسيدا 93 يقول لها أكثر من 10 سنوات
وزيتها ينقص من يوم كانت مع أخوي الكبير وكان أخوي يعبيها شوية زيت بعد أن يقطع مسافة هو محددها
وأنا أخذتها من أخوي وأسوي مثله بالضبط . . . . . 
كلما قطعت مسافة محددة عبيتها شوية زيت ويكون معاي بالسيارة علبة زيت إحتياطية . . . . . 
واستمرت معاه 4 سنوات ( تخرج من الجامعة وتوظف ) باعها على واحد سوداني وأشترى موتر جديد . . . . . . 
أنت لدك يبي يأخذها منك وأكيد ماراح يروح بعيد , حده الديرة اللي أنتم ساكنين فيها 
لذلك خل ولدك يمشي حاله فيها إلين يتخرج من الجامعة على الأقل . . . . ( وانتبه لا يفحط عليها ) 
وخلال هذه السنوات تكون إن شاء الله إستثمرت الـ 15 ألف بمشروع ناجح تشتري فيها موتر جديد لولدك هدية  
أو ولدك إن شاء الله يتوظف ويكفيك . . . . . ( وجهة نظر )