عطنا افضل تجربه لحماية وجه السياره فالسفر

انا مجرب شامبو الاطفال جونسون وسافرت عليه 2500كيلو والحمد لله كل الامور طيبه
تسوي طبقه وتخليها ربع ساعه وترجع تسوي طبقه ثانيه وتتركها اقل شي ساعه لحد مايجف الشامبو 
وعند غسل السياره ماشاء الله البدي مايتغير لونه بعكس الفيري يبقى لونه ويعدم البدي 
 لاكن عيبه الوحيد اذا صادفت امطار في الطريق الله يعينك ^_^
على رغوة الشامبو يعدم عليك الرؤية ماتقدر تشوف لازم توقف وهذا الموقف حصلي وانا نازل عقبة
الهدا بالطائف في يومها كانت امطار قويه توهقت فيها ،
الشمعات  مفصل عليها غطاء نورعند اصحاب الزجاج بسعر 150 ريال وقت السفر اركبه لاغير 

هلابكم ياشباب اللحمد لله سافرت ورجعت بالسلامه وبصراحه
مالقيت حل غير الفيري وكان حل ممتاز جدا للسافي لان قابلت سافي كثيف على طريقي
تحديداً بين الدرب والشقيق وكانت الامور من افضل مايكون بعد العوده وغسيل السياره ،.
بعض الامور اللي سويتها قبل السفر
1- حطيت عازل شفاف نوع كوري على القزاز الامامي حفاظا على القزاز الامامي
2- لزقت على الشمعات والكشافات لزقات كتب نوع تايون للحفاظ عليها فالسفر فقط لان ناوي 
اشيلها اذا رجعت فقط لان النيه كانت اخليها وقت السفر
3- غيرت الكفر طقم جديد بسبب حرارة الصيف ومسحيه بالكفر السابق ولاتنسى توزن علشان لايمسح الكفر،.
4- طبعاً موتري مو مغيم او عليه عازل حراري لان من وجهة نظري الاندكروزر مايصلح مغيم،، فلقيت 
حل في محلات التناجيد اللي هي الستاير وهي جديده ومنها مقاسات لسيارات مختلفه مثل اليوكن والكاديلاك واللكزز
ايضاً الالندكروزر فاعجبتني وركبتها وكان حلوه جدا خاصه اذا عندك عايله ومسافر تحميهم من حرارة وشعاع الشمس الخارجيه
فالنهايه اتمنى اكون افدتكم ببعض الاشياء اللي تسويها قبل تسافر،..
تحياتي جميعاً