صوت طقطقة في ماكينة كامري 2005 تم تحديث يوجد فيديو ثاني

4 2

لايمكنك التصويت حتى الحصول على 20 نقطة على الأقل
إضغط هنا للإخفاء

سلطان ابن عبدالله 184
قبل 9 سنه و 3 شهر

بسم الله الرحمن الرحيم .. 
السلام عليكم ورحمة الله وبركآتة ..
اسعد الله مسآئكم بكل خير ..
-
اخواني .. قبل لا اعرف وش المشكلة راح ابين لك .. بالتفصيل ايش الي صآر ..

اولا عندي سيارة كامري 2005 لها حوالي سنة [ موقفه ] ممشى الموتر [ 310.000 ]  شغلتها شركت الموتر .. امشيء على هوني .. مشيت تقريبا  سآعة كآملة ..
وجا اخوي .. وركب الموتر وانا معه .. دخل حاره ويزر على الموتر .. بالأول ثم الثاني .. ثم الثالث .. بعد ما هدا مشى شوي طلع صوت
طقطقة بالماكينة ..
وبما ان الموتر كان مبطي واقف .. رحت لأقرب محطة غيرت البطارية لانها كانت منتهية .. ثم شيكت على الزيت حصلته ناقص واجد
وعبيت زيت .. طبعا بعد الزيت الطقطقة مازالت موجودة

هذا فيديو .. للصوت وانا مانيب خبير بزيادة لكن شكل الماكينة [ ودعت ] .. رحت للصناعية .. اغلبهم يقولون توضيب !
اسقط عليها ماكينة افضل .. 

هنا المقطع .. تتوقعون الماكينة فالباي باي ؟ 
[[ https://www.youtube.com/watch?v=8nI--4bK5rE  ]]

وش انسب حل .. علماً بأن النية [ بيع ] .. ؟
تصليح ثم بيع ؟
ام بيع على نفس حالتها ؟

انتظر فزعتكم بيض الله وجيهكم =)




تحديث #١ الفيديو الثاني 
http://youtu.be/SQ4sSK97LsA

الحين مثل الي بالفيديو شغلت الموتر وادعس شيء بسيط اذا رفعت رجلي اعزكم الله عن البنزين تطفي السيارة ممكن يوضح لبعضكم المشكلة .. 

إبلاغ

الردود