مشروع تغيير مكينة من 6 سلندر إلى 8 سلندر

المسألة ماهي تركيب وفك وخلاص 
شف الحذاف قواعد المكينة 
اشوفها في الباترول القديم تكلف ١٨ تقريباً شغل مزبوط
يمكن في البرادو تكلف اقل بحكم انه تويوتا ويمكن اشياء مايحتاج تغيرها

في مثل هذه التعديلات دائما أفضل حل إنك تبيع موترك وتاخذ 6 سرندل
لأنه في النهاية بيطلع في أفضل الأحوال فرق 2000 إذا ما طلعت بخسارة بعد ومنت جايب نفس الستوك مهما كان

إن كان من باب الهواية والتفنن فاتكل على الله .. بس لو بغيت أداء وكذا احس ما تسوى

انت راح تحول كهرب المكينة وراح تزبط معك ان شاء الله لانك بتغير مكينة ياباني وتحط ياباني 
المشكلة لو حولتها لغير الياباني يعني امريكي راح تطلع لك مشاكل بالكهرب

لكن توكل على الله وحولها وتأكد من اتساع المكينه ل المكان 
وبالتوفيق 

أشكر كل من رد ولكم أحلى لايك 
المكينة حسب ما سمعت إنها تركب بدون مشاكل واحتاج لتغيير ظفيرة فقط 

لأنه نزل نفس مكينة اللكزس على GX شبيه البرادو 

مافي شي مستحيل 8 سلندر تركب لكن بشروط:
ميكانيكي ممتاز ولة خبرة بترهيم المكاين و
اختيار مكائن حديثة لانك قلت بتشتري مكينه الـ 430 ونادر جداً انك تلقى مكينه مهي مفكوكة لان اكثرها ( رجيع وموظبة ) وانا من ناحيتي لو اني مكانك مراح اغامر بتغيير المكينه لانها اولاً واخيراً برادو وال6 سلندر فيه من ناحية حجمة تعتبر مناسبه

اتوقع تركب مكينة لاند gxr460 

لان اللكزس الgx نازل عليه مكينه 8سلندر 460 

هذا اللكزس اخو البرادو 

خسارررره انحش الترهيم متعب والبرادو ال ٦ ماعليه كلام بطل

يا الغالي منت احسن من اللي صنعها اول شي بتكلفك وراح تواجه السلبيات اكثر من الايجابيات شغل ترهيم روس وبساتم وثلاجه وبلاخير المستفيد اللي بيركبها من باب النصيحه

بسيطة بيع البرادو و اشتري شبيهه لكزس GX 460
و الافضل تشوف لك لاند V8 او باترول SE

الفحص الدوري مايقبلها 

يا الغالي انت حدد ليه بتركب v8 عشان تطعيس وﻻ عشان مقاوم اذا تطعيس فاشوف ان مكينة 430 التورك فيها ضعيف لكن حقت ممشى خط يمكن مكينة موترك التورك فيها اقوى من 430 اذا بتركب واتوقع انها تركب بدون تعديل كبير اللي هي زي ماقالوا الأخوان مكينة اللكزس gx460 اللي هو شبيه البرادو شف مكينة وش نوعها ﻻن تايوتا مكاينة تركب على كذا موتر وممكن تلقاها على موتر غالية وموتر ثاني رخيصة بسبب نوعية السيارة وﻻ يغرك سعر المكينة اهم شيء انها تركب على كراسي الوكالة ويتحملها القير ﻻن مكينة اللكزس 400 قيمتها في الامارات 2500 وتطلع بعد التركيب والتجليس على كراسي جديدة وتحويلة للقير وفز للضفيرة بحدود 18 تقريبا شف كيف طلع مبلغ كبير على ان سعر المكينة رخيص

والله خليك على مكينتك لا تندم لا سمح الله 
نفسك في سيارة 8 سلندر بيع السيارة واشتري 8 
هذه وجهة نظري

صاحب الموضوع يا ريت تدلني على اللي يبي يركب لك مكينة اللكزس ابعثلي عالخاص

ان كانك تبي المشي خطوط من واقع تجربتي اف الفصلة فقط بورشة العثيم بصناعية الرواف ببريده عن الاخ ابو ابراهيم 
ومع الخطوط انا اضمن لك ضمان ان اي واحد مركب مكينه لكزس ما راح يطلع عليك 
عندي ولد خالي مركب مكينه لكزس gs على باترول ترهيم الامارات وانا على فورتشنر من خط والله ماهو حول الفورتشنر 


والنصيحة الاهم خل الموتر على وكالته افضل لك والراي رايك 

ركب حقت اللكزس وانت مغمض