ما رأيكم في كفرااااات الهانكوك صناعة اندونيسيااا ؟؟؟

شوف اخوي من واقع تجربة الهنكوك غير الكوري مو كويس مجربينه من قبل 

فيه بديل للهنكوك وصدقني بتدعيلي اذا حصلته كفر اسمه كومهو كوري التصنيع كديته سنتين ونصف ولا قال شي 

عندك ايضا يوكاهاما ياباني لين وممتاز 

التويو سريع المسح 

البرجستون غالي وقاسي 

جوديير الاصلي من الوكاله فقط اما برا ملعوب فيه 

ماكسس جربناه على كفرات مقاس كبير وماش سيئه 

وان شاء الله اكون افدتك 

الهانكوك الاصلي وكيله بن شيهون  بلد الصنع كوري الاصل  الكفرات انواع واشكال  وفيه انواع صينيه كويسه  

اهم شي عليك انت تقرا تاريخ الصنع ودرجه الحراره a والسرعه   ودرجه الاحتاك

والله الهانكوك مغيرة في شهر 12 الي راح 
وممتاز جدا والى الان رائع ماخليتبه مكان
من الباحه الى مكه جدة تبوك جيزان ابها الطايف 
الى الان ماشي علية 50 الف وياقي فية نص عمر

بس الكوري الاصلي اذا لقيت الكوري ركب ولا تشاور

جرب كومهو الصيني جاي شد بلد بالاكسنت تاريخ 1310 و كد معي حتی قبل شهر غيرت طقم كامل ماكسس 

الكومهو الصيني يكد سنوات غيرته باقي فيه نص عمر بس التغيير بسبب التققات و التحبيل بسبب العمر الطويل .
الماكسس من 11 سنة الوالد يستخدمه و ممتاز التجربة كانت علی اكسنت 2002 و جراند شيروكي 98 و الان اكسنت 11 و لينه و ما لها صوت و ما تحبل بسرعة .


الماكسس تايلاندي بتقنية برازيلية 
النكسن سمعت عنها حلوه و فيه نوعين ممتازات n8000 /n5000 ماني متاكد من الارقام ولكن الشركة بشكل عام ممتازة .

كفر ماكسس الرياض الغرابي ب 150 بعد المكاسر و قبل ب 170 للاكسنت جنط 14 المقاس 175/70/14  يعني الطقم ب 600 ريال تاريخ سنة 15 

الأخوان افادوك في الكفرات انا افيدك في المنظم تلقه في الموقع قيمته 200 ريال ويتركب بس علي البطارية تقدر تركب له اسلاك علي الدينمو 

طيب وش انعم نوع كفرات 

يعني رخيص و كويس 

لاني مركب نانكج تايوان بس شوي قاسي 

ابي نوعيه سعرها متوسط 

هي ماعدله كل مازادت قساوة الكفر  كل مازاد تحممله وطول عمره  وكل ماصار ليين  يتمسح بسرعه

عاد انت اختار وش تبي 

البرجستون قاسي ولكن عمره طويل ويتحمل  وكذالك الهانكوك والقوديير

التويو ياباني ليين وحلو ولكن يتمسح بسرعه
النكسن برضو ياباني وتابع للتويو
الهانكوك الكوريه  حلو وهو وسط  لاهوب لين مره ولا قاسي مره ويتحمل

انا عندي قاعده ما اخذ كفرات  مصنعه في بلد غير بلد المنشاء عشان اريح مخي

المهم اذا غيرت كفرات خذ الفاتوره ودبسها مع صك البيت عشان لو صار شي  تعرف تاخذ حقك

نسيت اقولك انا مغير من الهانكوك الى النكسن الياباني  والفروقات كالتالي 

بحكم ان سيارتي جيب

الهانكوك جاي اعرض شوي ومطباته قاسيه ويخلي السياره ثقيله شوي

بعكس النكسن خفيف وناعم شوي  ولكن غير راسيه السياره احسها تلعب 
وللعلم التويو والنكسن كلها من شركه وحده وضمانها مدى الحياه  بس اهم شي احتفض بالفاتوره

الكمهو شركه كوريه معروفه وليس صيني.

شفلك نكسن كوري هو اللي يجي اللحين مع أغلب سيارات هونداي و كيا الكورية  

كفرات الكمهو كوريه زينه مركبة على موهافي الواحد 600

شكرا لكم جميعا اعضاء وزوار ومشاهدين ومشاركين ما قصرتو الله يعطيكم العافية والصحة ,,,

بعد استشارة وتفكير اخذت ماكسيس بحكم ان السيارة صغيرة سيدان فا ان شاءالله اختيار موفق للماكسس وغير كدة العالم كلها كانت مغيرة للماكسيس لما كنت عند راعي البنشر كان دوري الثالث وكان بعدي ناس كمان ماسكين سرا :]

مبروك أخوي ريان خير ماسويت والله يعطيك خيرها ويكفيك شرها

وصدقني كفرات الماكسس التايوانية راح تخدمك  مثل الهانكوك واحسن  

وكيل هانكوك بنى  سمعة من أيام كان كفر الهانكوك سعره يساوي سعر الكفر الصيني حالياً

وأنا قد نزلت موضوع  وكان واحد من المواضيع  اللي فيه تجربة  عن كفرات الماكسس  

بس الظاهر انك اخذتها وركبتها عند بنشري بسعر القطاعي

كان المفروض تاخذها من عند وكيلها الهاجري بكيلو3 أرخص وتاريخها احدث


على العموم الله يطرح لك البركة فيها 
وبالتوفيق إن شاء الله

اخذتها من كيلو 3 من الوكيل مثل ما قلت الهاجري مع التركيب والضمان ومديل السنة جديد ^____^

هانكوك اندونيسي تاريخي معاه مو طيب , اخذت طقم 4 كفرات 800 ريال طلعت فيهم خط مكة والشرقية في الخط جدا مريح وناعم , 
صار علي حادث في الكفرين الامامية وبدلتهم ب 2 جدد نفس تاريخ ال 4 الاولات يعني اللي قدام جدد واللي ورا مستخدمة 6 شهور 
قبل فترة كعيت فرامل قوي مرة وبحكم ان ما عندي ABS الكفرات جاتها مسحية وانعدمت رجة وازعاج لكن خاب ظني في الكفرات 
ما توقعتها كذا سريع تنمسح 
غيرت ال 2 اللي جاتهم مسحية ب 2 جدد وللحين مستمر عليهم 

يعني 8 كفرات خلال 6 شهور مدري حظي نحس مع الكفرات 

هانكوك الكوري رخيص انصحك فيه