سوال عن الفحص الدوري ؟

لا يالغالي ماحد بيقولك شي

جزاك الله خير يالغالي 

وبيض الله وجهك ماقصرت

مابيقول لك شي 

بس نصيحه اخويه 

بيع موترك اذا هو وكاله وزود عليه واشتري ٢٠١٤ الشكل اللي تبغاه 

جزاك الله خير 

بيض الله وجهك

ووجهك يالغالي           

ياغالي علمنا كم كلف التحويل ماهو تشطف

جزاكم الله خير 

اخوي منخشق

لسى والله ما حولت بس مايكلف اكثر من ٣٥٠٠ الاف اذا القطع تجاري 

اذا القطع اصلي بتكلف فوق ٧٠٠٠ الاف 

والتشطيف ماعرف والله وش تقصد

نصحيتي لك شغل تلفيق ما يصلح حتى انت بنفسك ماراح تستانس بعد التعديل لانك بتحسها ملفقه 

انصحط تبيع اللى عندك وتاخذ 2014 منها جديد وتكده قدام ومنها الشكل اللي تبيه تضرب عصفورين بحجر 

انصحك*     للتعديل

مارح يقولون شي ياخوي وش دراهم هم ماعندهم سالفة يابن الحلال عدلها وتوكل على الله وبالنسبة للي يقوله بعها واشتري 2014 ترا فرق السعر شاسع ماتدرون وش ظروف الرجال اتوقع لو معاه المبلغ ماشاور احد وشراه على طول 

بيض الله وجيهكم

لاكن فرق السعر لو ابيع السياره بزيد عليها تقريبا ٥٠ الف علشان اخذ ٢٠١٤

فقلت احول ب ٥٠٠٠ الاف ولا ازيد ٥٠ الف

اخوي benz lover

انا اخاف يشوفون الاستماره ٢٠٠٦ والشكل ٢٠١٤

علشان كذا سئلت قبل ابدا التعديل 

الفحص ممكن مايقول شي لكن المرور او الشرطه نقطه تفتيش عالطول حجز
انتبه

البودي الواحد الفرق شرططونات واشياء لا تذكر ابو فلبين مايناظرون اللي نناظره حنا عليهم بالجوهر

يالغالي عدل وما راح يقولون شي
الفحص اهم شي عنده رقم الهيكل

لاكن لو طحت في يد عسكري يقدر يحجز سيارتك ولا تقدر تقول شئ 

بيني وبينك انا ما انصح فيها للاسباب التالية :

1- ان موترك مافيه الا العافية يعني شمعاته موجودة واموره زينة ماشاء الله تروح تخسر نفسك مبلغ وقدره ليه


هالمبلغ تستفيد منه في شي ثاني او كان موترك يبي لها تلقيطات تزبطه ولا تخليه معك



يعني لو الموتر لاقدر الله صار عليه حادث بسيط وتحتاج تغير الشمعات وتقول بقلبه نقول مايخالف لكن الموتر سليم واروح انا اعفسه بنفسي


ويمكن الوزنيات ماتجي صح ويصير فيه فراغات والشمعات بعد تجارية يعني نورك بيصير مخيس ولو تحسفت بعدين ماعاد يمديك ترجعه


ولا جيت بتبيع الناس تشوف 2014 وهو 2006 بتنحاش وتخاف يمكن جايه لفخ ولا شي او بيقول يستقعدون لي المرور فيه ، مهب ماخذه منك الا شريطي

هذا غير لو وقفتك دورية او تفتيش وصار دقيق استقعد لك عليه ويمكن يحجز الموتر



عموماً السالفة طويلة عريضة وتدخلك في متاهات ، ترى الراحة زينة دام الموتر يمشي ولا فيه الا العافية ليش اروح ادور الشقى لنفسي يقعد كم يوم في ورشة ويمكن يزبط ويمكن لا واتمشكل انا وياهم وخسارة دراهم وفوق كذا صدقني حتى وانت تسوقه منتاب مرتاح



تحياتي لك واتمنى وصلت المعلومة والراي في الاول والاخير لك