ما سبب الطقطقة في ماكينة كامري 2007

هههههههههه 

اعتقد صوت طرمبة الماء 

الرجه ونزول الضغط وخاصه عند تشغيل المكيف سببها الثروتل

اللي هي بوابة الهوا نظفها وترجع مثل اول .

أخوي zzrrsszz هذه المشكلة تبدأ عند تشغيل السيارة في البداية، وأحيانا أشغل المكيف يرفع المؤشر ما ينزله.

الطقطقه ياخوي صوت البلوف 
يبغالها وزن 

جزى الله الإخوة أصحاب الردود..
الآن طرمبة الماء، البلوف..
لو أحد الإخوة واجه هذه المشكلة يساعدنا أيضاً..
الله يجزاكم الجنة

اذا دفع المكيف ضعيف غير فلتر المكيف يركب في الدرج
الاشياء الثانية صعب تحديدها

و عليكم السلام و رحمة الله و بركاته

اخوي شيك علي مايلي 
كلتش المروحة للمكينة
رمانة وكلتش الكمبروسر
الرمانات وشداد السير للميكنة
طرمبة الموية بالمكينة
واخر شي الله يبعدك عنه ممكن يكون
 صوت السبايك في المكينه

حياكم الله إخواني الأحبة..
أول أمس رحت أعيد على أخ عزيز وسبحان الله بيته بجانب الصناعية بجدة..
وأنا راجع البيت مؤشر البطارية نوّر ومؤشر آخر في التابلو نور أيضاً..
وأصبح سحب السيارة ضعيف جدا.. المكيف طفى!! الراديو طفى!! والبطارية جديدة!!
لفيت وارجعت لميكانيكي اللي أصلح عنده دايماً..
قلت للرجال الوضع اللي صار.. قال فوراً هذا الدينامو!! يبغالو تغيير..
وهذا حال الكامريات والكورولات.. دينامو وكمبريسور..

قلت بالله افحص بنفسك.. فتح الباب تفل على الدينامو.. اتبخرت التفله!! قال شايف الدينامو منتهي عندك..
رجع تفل مرة ثانية اتبخرت التفله مباشرة.. قال الدينامو مولع نار.. خلاص منتهي..
قلت طيب و الحل؟ قال روح التشليح جيبلك واحد مركب على السيارة ولا تاخذ إلا يفكوا أمامك من السيارة..
قلت كم ثمنه جديد قال حول 1500 ريال!!

سألته السيارة اتوصلني البيت (30 كيلو) قال تقطعك إنت وأهلك في نص الطريق!!
خليت السيارة عنده لأني بعد ما طفيتها ما اشتغلت والحمد لله على كل حال..
ثاني يوم رحت التشليح ما أخذت بوصية الميكانيكي.. أخذت دينامو مفكوك بـ350 ريال

رحت الميكانيكي قلي وش هذا؟؟ قلت خير؟ قال هذا هونداي أكسنت يا طيب ما هو بكامري!!
رجعت التشليح رجعته ولفيت لقيت دينامو 2010 مفكوك والرجال أقسم بالله أنه فكه بيده من السيارة..
قلت ماشي ودفعت 400 ريال..

رحت للميكانيكي لما ركبه صوته عااااالي، وصوت الدينامو اللي عندي صوته أخفض..
قال نصيحه رجعه وجيب غيره... ولا تاخذ إلا مركب على السيارة وخليه يفكه أمامك.. وحاول اتجربه قبل ما تاخذه..
ارجعت للتشليح رجعته وسبحان الله في واحد بينزل سيارة كامري مثل موديل سيارتي..
قلت كام قال 600 الدينامو، المهم أخذته بعد الجدال بـ400.. وبعد ما فكه أمامي..

"اللهم بارك اللهم بارك عليها" ركبه الميكانيكي بمائة ريال والسيارة انحلت فيها أمور كثيرة ..
يعني مشكلة الطقطقة راحت.. مشكلة ضغط الهواء طبيعية جداً.. كان في رجة راحت .. والبطارية تمام التمام بعد إعادة الشحن..

فاللهم لك الحمد..


باقي مشكلة الكمبريسر.. سألت عن سعر الجديد قالوا في نوعية دينسيس "أظن" ما هو أصلي سعره 1250 ريال..
وفي التشليح يطلبوا 1000 ريال، ومع المفاصلة يمكن يبعيوه بثمانمية ريال..
والميكانيكي يطلب على تركيبه 400 ريال..

أطلت عليكم .. لكن والله لأجل الفائدة وحتى ما تقعوا بأخطائي.. والجميع يستفيد من تجربتي..

والحمد لله رب العالمين..

أمر آخر للفائدة..
دينامو الكامري نفسه في موديلات من 2007 إلى 2011.. والميكانيكي قال أيضاً 2012 نفسه..
بالنسبة لكمبريسر الدينسيس راعي المحل شكر فيه وقال مستواه مستوى الأصلي على ذمته..