تربيط السيارة

السلام عليكم ورحمة الله

كان عندي رجة في الدركسون واحسه ثقيل

المهم اول مرة وديتها للصناعية ورحت كذا ورشة بس كل واحد

يفتي من راسة الين ماوصلت عند واحد نزل تحت السيارة وقال

مسامير الاذرعه مو مشدودة واذا ماراح ثقل الدركسون والرجة

لاتعطيني شي قلت توكل على الله واشتعل

وبالفعل السيارة صارت تمام

هاذا الكلام قبل شهرين

ومن بدايت رمضان حسيت الرجة وثقل الدركسون رجعت
وامس وديتها النسيم عند حقين الكفرات قلت يمكن ترصيص لان

الرجة صارت اقوى وكل مارحت عند واحد قال ببدى اسوي ترصيص
وبعدها وزن اذرعه

ولما اقوله اذا ماطلعت ترصيص بتطلبني فلوسة قال اكيد وعلى
طول اسحب عليه
الين ماوصلت ورشة صغيرة عند محطة فيها مشحمة وكفرات وترصيص
ومكانيكي
اول مارفع السيارة قال يبي لك تربيط وترصيص واتحمل كلامي
ووافقت وكان شغله ممتاز
الي ابغى اوصله لكم يااخوان اذا العامل قال بااسوي شغلة ويمكن
تنفع او لا قول له انت تتحمل قيمة الشغله الي مابتنفع

الشي الثاني الكورولا ليش تحتاج تربيط كل فترة
وشكرا