التنازل او بيع ؟

والله مدري هل اذا تنازلت يعطونك مقابل او لا مع اني معتقد يعطونكك..
لاكن بقولك الباقي 52 .. اقساد لو تعطيهم كاش ينزل المبلغ شوي 
انت شف كم يجيب موترك بالمعارض ان جاب فوق الخمسين ..
رح للشركه قول لهم بعطيكم كاش  كم يصير المبلغ اتوقع ينزل من المبلغ 
وان جابت حول ال60 كيشهم وبعها بالمعارض الفايده لك .

  اخوي  لاكن  فيه سؤال مهم  اذا  تخلصت من السسياره   

  بتبلش  ماعندك سياره  
يعني  
1)  يا بتشتري مستعمل ماتعرفه  وممكن   تطيح بسياره مكدوده   
2)  بتضطر   تطلع سياره منتهي بالتميلك وترجع  اقساط من جد  وجديد
،،،،،،،،،،،،،
فا  وانا اخوك   تركد شوي  
انت قلت انك مليت من السياره  
وطبعا معك حق الانسان بطبعه ملول
حل بسيط  
لمع السياره من الداخل  ، غير  التنجيده  والفرش  ، اذا هي طيس   طقلها جنوط حلوه 
  ،،  يعني حاول تغيير  بالسياره   لتصبح  شكل جديد عليك  

وان شاء الله  تمشي معك الامورر
لان لو بعت صدقني  بتندم  ندم كبير
انت  ممكن متوهق شوي بالدفعه الاخيره  حاول تجمع لها من الان ،،،

والله يوفقك

السيارة بتطلع عليك بخسارة مهما كان .. نصيحتي خلها معك طلع قيمة اللي دفعته فيها و بعدين خذ غيرها 

أصلاً دامك أخذتها أقساط يعني أنك منت كاش و لا أنت شاري سيارة فخمة و السيارات اللي بحدود سعر

الكامري كلها نفس الشيء و بتمل منها .. 

ايضا   
اذا  رجعت السياره للوكاله ،،  فا هم بيحسبون الكيلو اللي قطعت  ، مع المده مع مدري ايش
مع الدفعه الاخيره  مع الاقساط اللي سددت انت

وطبعا  لازم هم يطلعون في فائده كبيره   ،
لاتتوقع انك بتستفيد   هذا شغل وكالات ،،  
يعني لازم ياكل منك   ثم ياكل من بيعة السياره على غيرك 

انتبه  وخل موترك معك وتعوذ من ابليس ،،،،،   
ومثل ماقال كوبرس 
اللي قبلي

الباقي 52 الف

السياره الحين ما تسوا 50 الف ريال كاش , يعني لو دفعت للشركه 52 بتطلع خساره عليك

تنازل عنها وخذ 10 الاف والله يعوض عليك في 62 الف

لكن صراحه انت غلطان وبقوه بسبب تنازلك

الموتر دافع فيه قيمه مهب سهله , خله لين ما ينتهي خلاص , بعد 5 سنين , بعد ماتكرفه كرف , وبيعه , حلل قيمتها عزيزي

مليت منها اغصب نفسك , رح ركب لها جنوط اذا كانت جي ال , جناح خلفي , اسطبات ليد , اي شيء جديد , شاشه

غير من لوكها وستايلها وان شاء الله تعجبك 

الله يعطيكم العافيه ياشباب على الردود

اكثر من واحد نصحني قال خلها معك وخلصها وارتاح بعدها سو اللي تبي

شوركم وهداية الله

نعم الافضل انك تخليها... وخلص اقساطها بالكامل وتمتع فيها ومثل ماقالولك الشباب غير من شكل السيارة بإضافة اكسسوارات خفيفة كل شهرين
ولما تخلص يسير عندك سيارة ملكك... وتقدر تاخذ غيرها وبعدين ياتبيعها او تخليها للزحمة والمشاوير البسيطة

الايجار المنتهي بالتمليك كله خسارة ما في ربح ابدا لذلك الكل يحذر منه لان الفايدة كلها بتكون لشركة التاجير وليس انت