هايلوكس 2009

وعليكم السلام  القير العادي ماتخاف عليه   تقدر تزوده اذا نقص 
وتقدر تغيره بس لازم نفس اللزوجه الموصى بها  

القير العادي ما يتغير زوده اذا ناقص واذا ما في تهريب ماراح ينقص

السيارة لها 6سنوات واللزوجة ماعرفها يعني اذا غيرت الزيت القير مايخبط

وعليكم السلام ورحمة الله وبركاته 

إذا ناقص زوده وتأكد ان ما فيه تهريبات من الصوف والوجيه ، وان أردت أن تغيره أو تزوده أنصحك بزيت تويوتا الخاص بالقير

العادي يجي معبأ في براميل صغيرة ، وحكاية أنه إذا غيرت الزيت يخبط هذا الكلام غير صحيح ولا يستند إلى أي حقائق علمية ، 

والله أعلم . 

اللة يجزكم  خير

الله يجزاكم خير

غيرة بدون خوف القير العادي حتى لو ماشيه واجد ما عليها خوف بالعكس يتحسن القير افضل

راجع الكتالوج بنوع الزيت او شوف محلات قطع الغيار المعتمدة يعطونك المناسب

القير العادي بسيط ومشاكله قليله.. اغلب شي اللي تسويه تغير كلتش 
التخبيط يحصل في القير التماتيك اذا حطيت زيت مشي حالك
والافضل تتبع اللزوجة بالكتالوج تبع الوكالة والافضل منهم انك تاخذها للوكاله وتغيره هناك... يصير لا سمح الله اذا اخترب ترجع السيارة لهم وهم يصلحوها ببلاش لان هم اللي غيروه 
وبالتوفيق

العايدي ما يتغير يالغالي . والنقص تزوده ... لحد يفتي عليك

وعليكم السلام ورحمة الله....... عندي موتر دفع امامي قير عايدي المهم جلدة من جلد العكوس تقطعت واضطريت اغيرها وفكينا العكس ونزل زيت من القير وضبطنا العكس وركبناه ورجعوا العمال زودوا الزيت اللي نقص وبعدها القير تعشيقه مو طبيعي واوقات القير يطلع من النمرة اللي معشقها في النهاية غيرت زيت الفير كامل لكني دورت على نوع الزيت ويالله يالله حصلته المهم ان الموتر ضبط من بعدها زبدة الكلام ان زيت القير العايدي مافيه اي شي يتغير وعندي انا رجع احسن من اول ومافي اسهل من تغييره

اللي يقول مايتغير ترى ماشي على نظام
مع الخيل ياشقراء !
زيت القير العادي يتغير وانا مغير زيت قير 
قبل ٣ اسابيع لددسن لكن زيت مطابق للي في 
دفتر الوكاله وبعد التغيير التعشيق اختلف وصار
افضل الف مره 

حتى الزيت القديم صاير اسود ومليان برادة حديد
والريحه اعوذ بالله 

توكل وغير الزيت حسب الموصى في دفتر الوكاله