أضف سؤال أو موضوع جديد          

نصيحه لوجه الله عدم التعامل مع البسامي الازرق SMB

up 15 down 8
أستشاري الحب 6468
قبل 5 سنه و 9 شهر



السلام وعليكم وررحمة الله وبركاته 
اسعد الله مسائكم وكل عام ونتم بخير 

وينعاد عيدكم 

اخواني مثل ماهو واضح من الاعلان نصيحه لوجه الله احذركم من التعامل مع شركه نقل السيارات سعيد الزفت البسامي اقسم بالله لاول مرة تعاملت معاهم 
وليتني ما تعاملت اقسم بربي اني كني اشحت منهم شحنت سيارتي من الخفجي للطائف كل الشركات تقول اسبوع ونا الحين بكمل ثلاث اسابيع وللحين ما استلمت سيارتي 
وقد جربت قبل الفايز والسلطان والرسام والبسامي الاخضر اقسم بالله ما عمري شفت هلخدمه بالعكس البسامي الاخضر منظم ومسجل ارقام تلفونات المكاتب وموقع تستفسر فيه عن سيارات ورقم موحد للاستفسار وموظفين يردون 
بعكس هذي الشركه اقسم بالله شركه زباله اعزكم الله الموظف اخلاقه تجاريه ومواعيد كذابه وللحين والله ما استلمت سيارتي وكل يوم اتصل واستفسر لين وصلت للسواق نفسه يقول لي انا ما حركت اصلن من الدمام من يلي قال لك السيارة طلعت للطائف هنا عاد كسر مجاديفي وفكرت في الشكوى 
بس مني عارف وين اشتكي واذا اشتكيت عاد في هلبلد يلي بيشتكي هو يلي بياكل تبن وقلت لواحد من الشباب عسكري قال لا تتعب نفسك حقك مهضوم مع تاجر فاسد وكذاب وله واسطاته واذا اشتكيت من الشرطه بتتحول للمحكمه والمحكمه يبي لها محامي واذا ما حضر خصمك الجلسه الاوله يعطونك موعد بعد ثلاث شهور واذا بعد ما حضر يعطونك جلسه ثالثه واقعد ردد يالليل مطولك 
ومنت مستفيد شي ابدا غير ضياع فلوسك ووقتك وفكرت بالسالفه وطلع فعلا ايديني مربطه مقدر اسوي شي وانقهرت وانغبنت مع اننا في ايام عيد متسلف سيارة واحد من الشباب الله يجزاه الف خير ومنحرج منه لي الحين اسبوعين متسلفها ولا حياه لمن تنادي بس دامي ما اقدر اسوي شي 
قلت اقدر اساعد غيري انصح واحذر ما يطيحون في شبك هذي الشركه القذره حسبي الله ونعم الوكيل والله لايوفقهم بحق هذا اليوم ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا لا اا هاهاعاه


up 0 down 0
بـن يــحـيـي
قبل 9 شهر



انا اتعامل مع البسامي الاصلي الاخضر خدمة جميلة شحنت سيارتي بورش من الدمام الى الرياض ثاني يوم الساعة خمس جتني رسالة منهم بوصول السيارة


up 0 down 0
مكرم الضيف
قبل 8 شهر و 3 أسبوع