القياده واستخدام الجوال
14
4
إضغط هنا للإخفاء
بسم الله الرحمن الرحيم
السﻻم عليكم ورحمة الله وبركاته
كل عام وانتم بخير يا احلى الحلوين من العايدين الفائزين
سامحوني على القطعه والله مشغول بس متابع المنتدى
كيف حالكم عساكم بخير بشروني عنكم
اليوم بتكلم عن موضوع سوالي شغله في حياتي
الي هو القياده واستعمال الجوال
انا استغرب من الناس الي تستعمل الجوال وتسوق بالله خايف من المﻻيين تضيع من يدك
م
يقولوا من اهم اسباب الحوادث تسوق وتستعمل الجوال والله انقرف من بعض الناس الي يستعمل الجوال وهو يسوق
ياما شفت ناس قدامي هو في وادي والسواقه في وادي
وﻻ بعض الاحيان في الدائري ينشغل بالجوال وهو ماشي 120 وﻻ 130 بالله لو ضرب عليك كفر وﻻ خش عليك واحد تقدر تتحكم بالسياره اتحداك
يا اخوي عندك شغله مهمه على الجوال وقف على جنب خلص شغلتك وامشي ما يحتاج يعني ماهي رياضيات وﻻ فيزياء
انا نادر استعمل الجوال واسوق ياليت استعمله صح بس ادق على واحد واطفيه
انا بتكلم عن الناس الي تخش تويتر وانستقرام و وستاب هههههه
رجاء يا شباب ﻻ احد يستخدم الجوال وهو يسوق تخيل صدمت وﻻ سويت حادث عشان شغله تافهه
حتى لو صدمه بسيطه انت فاضي تسمكر وترش وتروح الورش
زي واحد قبل اسبوع ماشي في شارع حجم الشارع مسارين يعني سيارتين تمشي في جهه وحده
انا ماشي شويه واحد قدامي ماشي في النص ﻻ يمين وﻻ يسار
سبته شويه قلت يمكن ينتبه انه وراه سياره ويوخر
والله ما انتبه علقت عليه البوري وخر يمين مشيت من جنبه لقيتو مشغول بالجوال
قلته شيل الخرا هذا اللي في يدك هههه استغفر الله
الناس وراها اشغال وانت مروق وماشي في النص وكل شويه تدبل فرامل ومافي احد قدامك
فرجاء يا شباب تبغى تسوق وتستخدم الجوال استخدمه لﻻتصال بس ومو اتصال بالساعات اتصال خفيف بس
وتساب تويتر وانستقرام كل هذي البرامج لها وقت عشان تشوفها
عندكم مواضيع واخبار ﻻ تقصروا في الردود
واعذروني على القصور
الله يوفقكم جميعا وكل عام وانتم بخير
إبلاغ
الردود
مشكور اخوي موستنح علی النصيحة ولك لايك علی الموضوع
4
1
كلامك صحيح ولللاسف بعضهم لا جيت تتجاوز فجىاة تحصله داخل عليك شوي شوي
وذكرتني باخوي ما غغير يضرب بواري على الناس و ولاسىلته اقول ليه يقولي مشغول بالواتساب هذذا ما تدري
وسبحان الله دايم يمر وفعلا كلامه تحصله منزل راسه او الشاشه منيره على وجه وطاق المكيف على وجهه وما عليه من احد
3
1
ممتازه جدا فكرتك واكثر الناس اللحين بيشتروا من السماعه بالبلوتوث بس المشمله مو هنا المشكله في اللي يمسك الوتساب والتويتر وغيرها ايش الحل معاه
هﻻ ابو خلودي1
انتبه الله يجزاك خير طيب انك اتصرفت وما صدمت اللي قدامك
هﻻ اخوي صوت العزاوي
صرت ما تنزل مواضيع فينك مختفي
عجبني اخوك مثلي مشغول بالجوال ومزعج الناس علق عليه البوري
0
1
4
1
ولله مشكلة
برمضان حصلت واحد بخط مكة يتفرج يتيوب بالايباد حاطه ع الدركسون
الله سبحانه وتعالى يقول
( ماجعل الله لرجلين من قلبين في جوفه)
صدق الله العظيم ...تأملو الاية جيدا. ..في جميع امور حياتنا.
3
1
انا ما يقهرني الا لما اجي اكلم شخص وكلام مهم وهو موب عندي مشغول بالجوال واتساب فيسبوك .... الخ
تصرفات تخليك تعرف الي قدامك رجال ولا من جمبها ههههه
1
1
والله دايم اصلح واضبط بالسيارة بس مااصورة معي حاليا الكشافف وبطلنا اجهزة ذكية واكتفيت بالايباد
ان شاء الله لي موضوع بحاول انزله اليوم
وشكررا لك
1
1
1
1
هذا لو ضرب عليه كفر خلي الايباد ينفعه وشكرا لمرورك
توما هوك
هﻻ حبيب قلبي
بالنسبه الي تكلموا وينشغل بالجوال هذي يبغالها موضوع كامل والله يقهروني الي زي كذا ياخي
صوت العزاوي
رجعت للعصر الحجري ها ابو كشاف اجل تصدق والله انه افضل جوال ياشيخ يتحمل وشاحن وضد المويه وضد الرصاص كمان ههههههههه
سكودر
هﻻ والله كيف حالك طيب
مو عشان كذا نزلت الموضوع بسبب الاشكال هذي سولنا هم وغم وحنا نسوق
0
0
* قروب : ( برنامج الورد اليومي )
* الفكرة : هو قروب مخصص للورد اليومي من القرآن الكريم، وتنطلق فكرة هذا القروب من مبدأ عدم هجر القرآن الكريم، حيث يقوم مدير القروب بإرسال ( صفحتين ) يومياً في صباح.
وكما قيل . ( قليل دائم خير من كثير منقطع)،
* للاشتراك : ارسل . ( اشتراك ) على الرقم 00966537597323
ونسأل الله أن يجعل القرآن الكريم حجةً لنا يوم القيامة.
1
0
نص الآية الشريفة هو (ما جعل الله لرجلٍ من قلبين في جوفه)
وليس (لرجلين) ، أتمنى على جميع إخواني الانتباه جيداً عند
الاستشهاد بالآيات الكريمة ، الله يحفظ الجميع في هذا المنتدى
الطيب .
1
0
جزاك الله خير
جاسم الدوحه
جزاك الله خير ما تقصر
0
0
او تشتري قطعه تحطها فوق راسك واول ما يجيك اتصال ترد بالصوت بدون ما تمسك الجوال ..
بس اللي في زحمه ويقعد يسولف !
في الملك فهد اشوف موتر قدامي حاطط يوتيوب ويتفرج على برنامج ... سكت وش اقول ولا وش اسوي .. تعديت وسفهته
قبل 8 سنه و 9 شهر