وجهية اللاند كروزر جكسار J. هل تتعدل

ما فهمت موضوعك بشكل كامل

لكن هي واحد من اثنين

يا انك تقصد ان موترك اللي بالصوره

وودك ترجعه شد بلد عادي

وهذا شيء اكيد , وتقدر , وركب شمعات 2007 وشبك 2007 وصدام 2007 اللي في لحيه بيطلع ابداع

_____

يا انك تقصد ان عندك جيب جي 

وناوي تعدله مثل اللي بالصوره

وانا اقولك ايضا تقدر وعلى طول

لان هالقطع جاهزه تركب على طول , فك ركب

لكن شكلها سيء , خلها شد بلد افضل

_____

ما ادري وش قصدك بالظبط , لكن حاولت ارد بردين على اللي فهمته , وان شاء الله ما اكون جبت العيد :)

الرد الاول هو الصح الله يبيض وجهك يالامير

ماحبيت شكلم كذا ماجاز لي على قولتك ٢٠٠٧ وخط بيطلع ممتاز ونكنلها بجنوط هلل

وياك الله يسعدك , وابد سوينا الا الواجب , وانا احب اللاندكروزر خصوصا شكل 2006 و 2007 , بالصدام الطويل اللي فيه لحيه 

وانت بعد ما شاء الله بتركب شمعات جديده و شبك جديد و صدام و راح ترشه

بيطلع الوجهه نظيف وابداع كانه جديد ومخزن

وشوفلك قطع الغيار اللي بمخرج 17 ان كانك بالرياض 

تحصل القطع رخيصه جدا جدا ونوعيات ممتازه 

موفق ياغالي :)

ترا الشمعه حلوه بس لو تشيل اللمبه الصفرا تطلع تمام 
غير الشبك والصدام للهدد و حط اللوحه جهه السواق 
-----------:-
اذا ناوي تضبطه صح 
رجع شمعات البلد مع شبك 2007 
و كفرات بوالين مع جنوط هلل 
واصطبات ليد ورا 
و اريل فوق اخر التنده ويطلع السياره اللي ما بعدها 

ب اختصار حوله هدد 

بس كثر ارايل ورا تراهم طايحين فيها هههههههههه 
انا لو معي زيك والله ل احكره ّ
شكله كان مع واحد راعي بر مايهم الشكل كثر الهوا اللي يدخل المكينه 

ال GX-R J من تعديلات ابو جميل الخايسة شمعات صيني مركبها تصفر مبااااااشرة اخوي انا شفت ناس عدلو الخلفية ل ٢٠٠٧ تركب الامامية والله اعلم يبيلها كبوت ورفارف ماتركب

الهدد شكله حلو بس لو امثر اريل بينشبوني الدوريات ههههههههه

تعديلات ابو جميل ماش يخرب مايزين

الله يعافيك ابو يزيد ماقصررت

اخوي يتعدل 
حتى الكبوت مايحتاج تغير بس الشمعات والشبك والصدام
ومن الخلف الصدام الخلفي والاصطبات 
واتمنى اكون افدتك

شكرا ابو عطية بارك الله فيك