قطع تجاريه تباع بانها اصليه انتبه

السلام عليكم
يا اخوان باعطيكم الزبده باذن الله انني ما اطول عليكم

خرب الكمبروسر عليا وقلت ابغا الف الدنياء بالرياض لاختيار الكمبروسر المناسب
ورحت تشليح الحاير عند تشليح اسمه تشليح محمد بالصدفه مريته وقالي انا عندي جديد وكاله ب 1500 ريال رغم اني لقيته في القطع بعد حب الخشوم ب 3700 ريال

سالته قلت له اصلي متاكد قالي انا ماخذه من الوكاله وقد بعنا منه اكثر من 50 حبه قلنا بسم بالله نتوكل على الله وحاسبته واعطاني ضمان لمده يومين

اخذت القطعه ورحت لمحلات بيع قطع دونسو ووريته الكمبروسر قبل اركبه قلت له ابغا زي هذا قالي هذا صيني قلت شوف الاستكر مكتوب عليه ياباني
قالي طيب دقيقه راح جاب لي الاصلي وجاب لي التجاري

قالي هيا شوف هنا انا انصدمت
تشليح محمد ياخذو الصيني ويشيلو الاستكر الي عليها ويحطو استكر ان القطعه اصليه يابانيه

قالي هذا الصيني عندي ب 800 ريال
اما الاصلي ب 1600 ريال

رجعت وانا كلي قهر وغضب للحراميه وشغلت تصوير فديو وسالته قلت له هذا اصلي ها
قال والله عمنا يجيبه لنا قلت له وين عمك هات رقمه اعطاني رقم واتصل الا خويه الي داخل يرد واسمع صوته واقفل في وجهه واقوله ادينا رقم عمك
قال عمي ما يرد على احد قلت له هات رقمه مالك صلاح وبعد المحاولات اتصلت على عمه قلت له احنا في رمضان وفي العشر الاخر ياخي حرام عليك تغش الناس قالي الحين الرجال رجع فلوسك قلت ايه قالي خلاص اش عاد تبغى قفلت في وجهه
واقدمت بلاغ في وزارة التجاره على ذولا الحراميه

وهذي صور الكمبروسر التجاري الصيني

لذالك يا اخوان ارجو الحذر من شرا بعض القطع الرخيصه تحسب انها صيده وهي لعبه فيك

باذن الله سانزل مقطع الفديو بعد التواصل مع وزارة التجاره
ساخبركم بالباقي باذن الله