عاجل بخصوص سعر تويوتا فورنتشر ؟

نسيت اذكر الموديل 2013

اللي اعرفه انه فورنتشر 4 سلندر سياره سيئه جدا وبدون دبل يعني لو بتأخذ اينوفا افضل لك

ياراعي الموضوع اعتبر نفسك تسال عن هيلوكس

وعليكم السلام ورحمة الله وبركاته

نصيحة لوجه الله عليك ب6 سلندر ودبل واذا تقدر تنتظر شوي لان موديل 2016 تغير شكة بالكامل وبالتوفيق  

صادقين يا اخواني عارف انه هايلكس مصندق لكن السياره باخذها للسواق علشان الوالده وانعرض علي من زميل لي وقلي شوف كم يسوى بامانه وسوم 

واللي فكرت فيه انه تحت الضمان وللسواق ويمسك سعر وتويوتا علشان كده والرجال بسافر وابغى اعرف حقه بما يرضي الله فعلا

دامه للسواق توكل على الله وخذه احسبك بتسافر فيه وتطلع البر وشوف راي الاخوان

وترى فيه مواتر جيوب وكاله افضل واريح وياباني

للامانة الراحة فيه معدومة تماما ودامك تبغاه للوالدة الله يحفظها شوف لها سيارة مريحة معنا واحد نفس اللي قلت عليه من أقسى السيارات في العالم صحيح حق كرف ويمسك سعره لكن في المقابل الراحة = 0

موتر رفيع بيتعب الوالده بالصعود و النزول
و يا خوفي على هالسواق يطلع غشيم
يلف بسرعه و يقلب او يريوس على بزر ما يشوفه
الانوفا افضل للسواق و ان كانت مرتفعه شوي لكن آمن

الرجال سئل عن السعر ماسئل عن السياره مواصفاتها 
ومثل ماقال يبيه يمسك سعر للبيع ويبيه للسواق 

ياخوي خذ باجيرو ٢٠١١ سعره مايعدي ٦٠ الف 
جلد ٦ سلندر مكينه٣.٨ قير عادي واوتو فتحه كبيييره زينون ايرباقات كامله والكامل هو الله حساسات جناح ياباني١٠٠٪ مثبت سرعه 
كراسي كهرباء كشافات ضباب مكيف مركزي ف الصف الثاني والثالث 

تراه عملي وبالنسبه لي اشوفه احسن من الفورتشنر الملفففق الي مافيه ولا شيء وسعره ناااار ومكينه هايلكسس والله حراام 

بدامك تبيه للوالده ربي يحفضها لك خذلها شي مريح وكمل معروفك الله يكتب اجرك مثلا خذ باجيرو. وانا اشوفه افضل من الفورتشنر بكثير 

سبب آلام الظهر الاول 

مراتب البرادو و الفورشنر قاسية جدا 
اذا سافرت عليها تحس بذلك

خير ان شاءالله قلت شيء غلطط ؟؟؟ الله يشفيكم ياشياطين الانس 

الي اعرف الانوفا دايم ياخذوها لسواقين...

الكبار والله ما يناظرون الا وش كبره وش صغره السياره ناس عاشو على الارض وتعب الحياه
تبي الراحه للوالده الله يحفظه خذ فكتوريا طامه بالركبه والنزله وهاديه 

اولا الله يخلي لك الوالده ويحفظها 

ثانيا قيمة الموتر تتراوح من 60 - 65 

وكذلك من وجهة نظري انك احسنت اﻷختيار 

خذ العلم من واحد عمره 37 سنه شريت وجربت 
جميع انواع السيارات تقريبا 

الموتر ما عليه كلام 
وعزمه ممتاز جدا بالنسبه لمكينه 4 سلندر 
ركوبه ممتاز ولا اشوف انه مثل ما يقال سيء 
صحيح انه ما يقارن بالكاديلاك لكنه مو بطال


واللي يقول ان مراتبه قاسيه فهو صحيح مراتب ال 6 سلندر 
قاسيه جدا 
بعكس ال 4 سلندر فهي لينه جدا مقارنة بالسته

موتر ماعليه كلاااام 
والله مهما تجور عليه انسى يخرب 
موتر يجمل ولا يغدر فيك مهما كانت ظروف قيادتك له

واللي يقول انه سريع انقلاب وكذااا 
اقول له لا يغرك شكله ؛ ثقله كله تحت فهو يعطيك مركز ثقل ممتاز 

تسمع نصيحتي 

لاااا تحيل عنه 

جزاكم الله خيرا جميعها وبارك الله فيكم ماقصرتم 

الله يكسر يد اللي سوى دس لايك واللي خلاه يرجع موضوع قديم اصلا