أضف سؤال أو موضوع جديد          

زيت الدركسون وزيت الفرامل

up 2 down 3
goood boy 291
قبل 6 سنه و 10 شهر



السلام عليكم ورحمة الله وبركاته
تقبل الله صيامكم وقيامكم

يا اخوان عندي كامري ٢٠٠٦ 

زيت الهيدرولك او زيت الدركسون وزيت الفرامل 
ما زودته من سنه او اكثر  يعني ما ينقص ولله الحمد
فا ابغئ اغير الزيت كيف الطريقه اني افضي
عشان اجدد الزيت

لاحد يقولي روح ورشه او بنشري ابي اغير بنفسي

وشكراااا 

ال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لا تلمسه ولا تتعبث فيه دامه زين ما احد يغيره فقط تزيد النقص ان وجد ولو فضيت زيت الفرامل بتتقروش صح يبيلك تنسيم كل الكفرات وببتعب فيها على غير فايدة 


up 3 down 1
benz lover -74
قبل 6 سنه و 10 شهر



الله يعطيك العافيه اخوي بنز لوفر بس احس الزيت ماله لزوجه


up 0 down 1
goood boy 291
قبل 6 سنه و 10 شهر



صعب تغيره بنفسك  


up 0 down 4
sell 236
قبل 6 سنه و 10 شهر



حبيبنا زيت الفرامل والهيدروليك مايكون لزج لانه سريع الدوران والحركة لازم يكون خفيف والا يخرب باكم الفرامل وتضرب الدودة


up 1 down 1
benz lover -74
قبل 6 سنه و 10 شهر



تعجبني ياقود بوي 
ويعجبني فيك الاصرار انه انت اللي تبي تشتغلها بنفسك


up 3 down 3
ابو فرح مازدا 538
قبل 6 سنه و 10 شهر



والله الي اسمعه من المنتديات والموقع في النت يقولون لازم يتغير زي زيت القير كل 100 الف او كم سنه


اما كلام الورش والي احنا نطبقه ما نغير الا زيت المكينه وزيت القير

اما زيت الفرامل والدركسون لنا سنين نسوق ولا غيرناااه ابدا
ولا شفنا مشاكل من عدم تغييره
تبي تجرب انت ما عندك مشكله جرب كلها ما راح تكلف عليك 100 ريال
اهم شي لا تشتري الا اصلي
وترى بعض محلات قطع الغيار نصابين يقولون لك اصلي وهو تجاري

ابحث عن الاصلي عند كم محل لين تتأكد من شكل العلبه الاصليه وبعدين غير


up 1 down 1
متابع بصمت 92
قبل 6 سنه و 10 شهر



خلوه يجرب وبعدها راح يروح الورش غصب عنه


يابن الحلال هذي ماتتغير الا فيه تهريب من الليات والمواسير حقت الفرامل

او اذا غيرت العلبه كامله وايضا الباكم

دام الفرامل عندك ممتازة خلها مثل ماهي

يقولك المثل خلك على قردك لايجيك اقرد منه


up 1 down 1
العمري الزهراني01 5
قبل 6 سنه و 10 شهر



زيت الفرامل يتغير كل ٤٠ الف كم حسب الصيانة الدورية لسيارات تويوتا لان الزيت يمتص الرطوبة من الجو ويضعف ضغط الزيت ودرجة غليانه
واهم شي عند التغيير لازم تعبي زيت اصلي بنفس الدرجة المطلوبة dot3 او dot4 حسب الموجود على غطاء علبة زيت الفرامل يفضل زيت تويوتا وبالنسبة لزيت الدركسون ما اتوقع يحتاج تبديل هذا مقطع يوضح تبديل زيت الفرامل


up 2 down 2
_rahal_ 198
قبل 6 سنه و 10 شهر



http://m.youtube.com/watch?v=7grT6xU6b3A


up 1 down 0
_rahal_ 198
قبل 6 سنه و 10 شهر



اي زيت يتعرض لحرارة و هواء و رطوبه و احتكاك
زيت الفرامل يتغير اذا تعرض للهواء او فيه رواسب او تغيير لونه كثير من الناس يشتكي ان الفرامل تسخن و السبب هو الزيت و تغييره من الكفرات الاربعه و يفضل تبدا من الكفر الامامي الايسر ثم الخلفي  الايمن ثم امامي ايمن ثم خلفي ايسر و تاكد من خروج الهواء و لا ينقص عن min و ابحث في اليوتيوب عن المحترف و زيت الفرامل افضل الزيوت wanger 21 الامريكي و الالماني للازرق 


up 2 down 0
khalidoo 1167
قبل 6 سنه و 10 شهر



الدركسون يتغير اذا تغير لونه و تغييره بسحب اللي في العلبه و اضافه مثله و استخدم زيوت مطابقه و ممتازه و و اعيد الطريقه مررررررات كثيره لما يتغير لون الزيت كامل 


up 2 down 0
khalidoo 1167
قبل 6 سنه و 10 شهر



اشفطه ياخي دامه مصنفه معك وزده


up 0 down 0
برتقان -13
قبل 6 سنه و 10 شهر



ججون سيلفر رد على الخاص 


up 0 down 0
صوت العزاوي 523
قبل 6 سنه و 10 شهر



عب العلبة الفرامل اذا هي ناقصة لاكن لا تغيرها لانه اذا غيرتها كاملة بيدخل هواء ويبغالك تنسيم وقروشة 


up 0 down 0
slimansa 30
قبل 6 سنه و 10 شهر



ياخوي بسيطه جدا
اشفط زيت الدركسون والفرامل وعبه جديد
كررها كل يومين الين تشوف الزيت صافي 
من ناحية اللون وألتزم بنوع الزيوت الموصى
من المصنع بتلقاها يا في الدفتر ولا الغطاء

وانتبه تسويها والسياره شغاله!!
 بعد ماتخلص من الشفط والتعبيه 
قفل الاغطيه وشغل الموتر ودبل للفرامل 
ولف الدركسون مع تحريك الموتر بشكل بسيط
لان اكبر ضرر على الباور وملحقاته
هو لف الدركسون والموتر ثابت!!

انا مسويها على موتري وبدون ورش وقلق 
( مايحك جلدك غير ظفرك ) وطريقة التغيير 
منتشره غي المواقع الاجنبيه وايضا فيه موضوع
للاستاذ اصيل حجازي في موقع مكشات 
وصدقني لو تتابع الاستاذ اصيل حجازي 
بتصير عندك معلومات وتتعلم تشتغل بيديك
وكل اللي يسويه لوجه الله لتوعية الشعب من الغش
وجشع الورش وغيرهم 

الله يوفقك 


up 3 down 0
عبدالله 711 791
قبل 6 سنه و 10 شهر