اوريون 2010 ولا النترا 2015

لو انت راعي سفريات خذ ال 6 سلندر بس يكون نظييف مفحوص
ولو استخدامك بالمدينه عليك بالجديد

^^
مثل ما قال الرجال الطيب 

الاوريون مغريه بصراحه 
لكن التفكير العقلاني انك تاخذ سياره جديده على يدك تكرفها على الاقل ٥ سنين بدون ماتطلب منك شي

الله يجزاكم خير 
انا كلامي من تجربه ولو اني مكانك باخذ السته سلندر
سافرت ع كورلا 2013 تعبتني بالخط 
حتى لو منت راعي سرعه 
فيه فرق لما تمشي 140 بكورلا او النترا 
او انك تمشي 140 في اوريون او افالون بتكون السته سلندر مرتاحه اكثر وتتجاوب معك

الجديد على يدك محد ركبه ولا حمل عليه وكرفه ويعيش معاك ويجمل 

السلام عليكم ورحمة الله وبركاته

والله انك تاخذ جديد على يدك تكون عارف اش فيه 
احسن لك 

اما تاخذ مستعمل 

وش عرفك سوى الصيانات الدوريه ام لا 
يمكن ما يغير الزيوت بوقتها 
يمكن و يمكن ويمكن 
والسياره انكرفت 5 سنوات 
ماتعرف اش خيرها او شرها 

انصحك بالجديد 

تقبل مروري

تحياتي

الله يسعدكم ويرضا عليكم ماقصرتو 

لو انا مكانك باخذ اوريون لأن 2010 مو قديم وغير هذا فرق اكيد بين الإلنترا والاوريون

اغلب الاوريونات مهلوكة من الخطوط وتلاقي اهمال بتغيير الزيوت والفلاتر وتلاقيها مرشوشة وجهيتها واجد من العج 

خذ الجدييييد ولا تشاور الانترا تنفع مدينة وخطوط بسرعات معقولة صيانته معقولة الاوريون قطعها غالية مرة

2010 مر عليه اكثر من 5 سنين ولا عاد تحصل نظيف ابدا ابدا وتلقاها ماشيه 150 الى 200 الف !! 

خذلك جديد على يدك وعندك خيارات كثيره من 55 الى 65 ومنها التيما 2014 ب58 . اوبتما اوتو 2015 ب 59 . مازدا 6 ب 67600 . سوناتا 2016 ب 66 الف . طبعا مكينه 2000 سي سي للاوبتما والسوناتا 

موفق

عندي رأي مختلف جدا

لكن هذا رأيي الشخصي ويمكن صاحب الموضوع يعجبه الرأي

دامك وصلت لسعر 65 الف

الافضل تروح المعارض الصالات الجمركية

تشوف لك جينيسيس 2009 فل الفل 8 سلندر سعتها 4.6 قزاز دبل عازل صوت
شاشة فأرة للتحكم بالشاشة تحكم بالطارة تبريد مقعد السواق وتسخين ايضا
تسخين مرتبة الراكب
زنون
انوار ليد خلفية
داخلي بيج


طبعا ليه قلت هالكلام

اول شي راسيه

مواصفات حلوة جدا من مكينة الى عزل الصوت

وايضا يضمنون لك خمس سنوات ب 1400 ريال فقط

الضمان يشمل

مكينه قير دفرنس

كمبروسر

فرامل

في حاجة خامسة والله نسيتها 

وايضا القطع يتحملون لحد 3 الاف ريال والباقي عليك عند كل اصلاح

يعني تروح عندهم يصلحون ب 3 الاف

تجي بكرة يدفعون ايضا 3 الاف

الكلام هذا كله عن تجربة شخصية ولم اسمع من احد

والسلام عليكم

وليش بالذات اوريون 
خذ سوناتا مثلا ولا ازيرا 2012 اسعارها بالخمسينات

الله يخليك ويبارك فيكم

الله يخليكم ويبارك فيكم