أضف سؤال أو موضوع جديد          

الجمرك و الاستيراد من الامارات

up 1 down 0
أبو نوفل vip 163
قبل 8 سنه و 11 شهر



ياربع أبغى أنسان ثقة في الامارات 

أبغى أستورد سيارة بس مأعرف كيف 

ممكن تعلمونا كيف طريقة الاستيراد و الجمرك و التوصيل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي .. واحد من قرايبي جاب له سيارتين من الامارات
اشتراهم عادي كانك مواطن هناك ... بس عشان تدخل السياره للسعوديه 
يبيلك لوحات تصدير .. و بطاقه جمركيه للسياره  .. و الشحن تجيبها لك نقليه من الامارات الى حتى لو تبي باب بيتك
.. بس خلني اقولك  وش يبون منك لما تدخل النقليه على جمرك السعوديه .. .. لوحات التصدير تكون معلقه على السياره .. و البطاقه الجمركيه تكون مع السواق اللي بيجيب لك السياره
كذا يكون سهل دخولها 
على حسب اللي قاله لي ان دخول السياره و لوحاتها و البطاقه كلفت ع السيارتين 16 الف ... بس يبيلك واحد من الجمرك نفسه تسأله و بيعلمك بالتفصيل الممل طريقة دخول السياره و كل شي 
اسف اخوي يمكن ما وصلت لك المعلومات كلها .. بس هذا اللي قاله لي .. تحياتي اخوي 


up 1 down 0
عبدالله الشهري1987 2362
قبل 8 سنه و 11 شهر



ما تشتري سيارة اماراتية الا و انت يا معك جنسية اماراتيه او مقيم هناك
غيرها ما تقدر تحط اللوحات الاماراتيه على السيارة

هذا اللي اعرفه بما يخص الامارات
لكن لما تدخل السيارة وش يطلبون منك الله اعلم
متابع للموضوع


up 0 down 0
ساكن الملحق 5
قبل 8 سنه و 11 شهر



لا يا اخوي ساكن الملحق .. في تصدير سيارات من الامارات ع السعوديه .. و يركبون لك لوحات مكتوب عليها تصدير .. مثلا تصدير دبي .. او تصدير الشارقه 
و سهل جدا لكن بالتفصيل والله ما ادري صراحه 
لكن يركبون لك لوحات اماراتيه لا ما يركبونها و انت بالاساس جايب السياره للسعوديه .. الا اذا كانت بمسمى الزياره 


up 0 down 0
عبدالله الشهري1987 2362
قبل 8 سنه و 11 شهر



الطريقه:
١-تشتري السيارة وتروح للمرور حقهم وتقولهم ابغا اسوي تصدير للسعوديه يعطونك اوراق تاخذها وتمسك الخط للسعودية
٢- قبل تخش الحد السعودي تروح للحد الاماراتي تخلص ورقه نسيتها وبعدين تخش السعوديه وتروح للجمارك وتدفع رسوم جمركيه ٥٪ من سعر السيارة
حسب تقييمهم للسعر 
٣- تاخذ اوراقك ويعطونك لوحات جمركيه ... وتخش السعودية
٤ تروح للمواصفات والمقاييس وتدفع ٣٥٠ يسوونلك فحص وبعدين تروح لاي جمرك يعطيك بطاقه جمركيه
٥- تاخذ البطاقه الجمركيه وتروح للمرور ويعطونك لوح سعودية وانتهينا

شغله معقده+ السعر في الوقت الحالي مو ذاك الفرق ماعدا السيارات الفخمه فيها فرق مثل الرنج واللكازس والاودي والبورش

+ مصاريف سفر 

بالتوفيق


up 1 down 0
de7my 51
قبل 8 سنه و 11 شهر



طيب من الكويت كيف يكون لو تكرمتوا 


up 0 down 0
ناصر تركي سليمان
قبل 8 سنه و 11 شهر