ربع مخبط2010 لازم تؤظيب كم يكلف اؤ الافضل تغير المكينه

شف نصيحتي تغير المكينة صح بيكون غالي لكن لما توظب بيسير في مشاكل كثيرة انت في غنا عنها من تهريب زيت واضاعة وقت في الورشات فنصيحة واله نصيحة من اخ لاخيه انك تغير المكينة افضل افضل افضل

حتى لو وضفت في افضل ورشة توضيب لا لا لا لا لا لا غير المكينة افضل 

هلابك اخؤي يااسر شرفني مرؤرك نعم كلامك سليم100% بعض الورشاات قاالوا لي غير المكينه افضل..

ولعلمك اغلب مكاين التشليح  رجيع وموظبه توظيب مش حالك 
ويعطيك ضمان شهر وبعدها ياتخبط ياتسلك معاك انت وحضك 
التوظيب احسن لك .. واذا تبي تشليح شف لك سياره مصدومه 
وخذ مكينتها لان اغلب اللي فاكينها وجاهزه موظبينها عندهم وماتمشي شهر
الا وهي مخبطه

كثير من الورش ترفع سعر التوضيب عشان يجبرونك تاخذ مكينه تشليح او مجدده و لا تعرف هل هي موضبه كامل او لا و القطع ممتازه او لا فلالفضل توضبها ولو كان غالي 

انا كان عندي سابقا اكورد 2002 وخبطت مكينته وبعدها بفتره خبط القير 

وركبت مكينه وقير مستورده ياباني 

ولله الحمد سافرت عليها من الرياض لدبي اكثر من 4 مرات بعد تركيب المستورد واستخدمتها سنتين 

الين بعتها وهي سليمه بالفحص 

فماادري لو فيه مكاين مستورده للربع خذ من واقع تجربه انظف من مكاين التشليح 

اغلبها مفككه وانا شفت بنفسي اي موتر يجيبونه يجيبون الرافعه حقت المكينه ويبدون يفكفكون بالسياره وبالمكينه 

وماتدري يبدلون قطع بالمكينه ماتدري وش ذمتهم فيها 

وانت لك الخيار 

موفق 

في عندي فكرة مدري عنك لكن ليش ما تركب مكينه اقوى مجرد اقتراح لاغير 

ياهلا وياامرحبا بكم جميعاأأ وشرفني مرؤركم الرااقي ونعم اخؤي أبو خالد انا افكر بمكينة لكزس 8 سرندل..

رح للكويت وركب مكينه شاص او مكينه ربع راس واحد ازين لك من الراسين.

اخؤي صبر الكويت مؤب فااضي له...وتسلم على النصيحه.. واهلا بك اخؤي ساامي نعم قيمته 14 الف وبشؤف التؤظيب ومكينة اللكزس تكلف مع ترهيم كامل حؤل20 الف...

ركب لكزس بس الله الله لا تسرع بالخطوط 

ترى الربع ماينمزح معه 

بس شوف خذها مني بحكم أني اعرف ناس مركبين 
مكائن لكزس و ls1 
الورش فيك فيك فمن الحين احسب حسابك 
بس للأمانة الكزس اررحم بكثير من ls1 
وإذا كانك قريب من القصيم فيه واحد اسمه بدر 
الحمد معروف شغله وترهيمه اغلب المرهمين مواترهم عنده 

افضل ماكينة لكزس 
Ls.400 لموديل ٩٨ الى ٢٠٠١

اخوي متاكد انها خبطت  شيك علي طربت البنزين
مره انا ماشي وطفت السيارة علي في الخط وحسبتها خبطت 
طلت من طربة البنزين لاتفك المكينة الي متاكد من التخبيط 

التوظيب افضل وامن من انك تاخذ مكينة مخروطه اخر خرط ولا عمود منتهي ولا تسخن.
هذي سيارتك ومكينتك وانت تعرفها ..وظب واذا انك بالمدينة تعال خاص ادلك على ميكانيكي مجرب وممتاز من ناحيت نقص الزيت وووووو.
.اذا تبغاه ارسلي على الخاص

هلا بكم.. أبو ريم الموتر فيه بسااتم,.. متااكد منه ونعم يافيصل الربع غير منااسب للسرعه فؤق ال200 وهلابك سلوم لاكن على كم اسعاارهم...

التوظيب افضل حلولك وترا قطع الوكاله وقطع الدرجه الاولى الياباني لايكاد يكون بينهم اختلاف وظب قطع ياباني درجه اولى احسن وافضل لك 
وتكلفك برخيص وتعيش معاك5سنين او اكثر
يشهد الله ان امورنا ممتازه كل سياراتنا موظبه وشوفها تكد كد غير طبيعي والعالم ماسكه التوظيب مشاكله كثيره
بالعكس التوظيب تغير كل قطعه بالمكينه الصوف جديده يعني كل شئ بحالة مصنعه
والله لو تمرنها صح قسما بالله توقف جنب الكبوت ماتسمع صوت لابتشغيل ولا خلافه

هلابك والله اخؤي احمد شريف انا بتؤكل على الله وبؤظبه وشرفني مرؤرك الرااقي...