اخواني ماهو رايكم بالكامري 2015 وارد السايرر

قسم ازعجتونا باكيا والمازدا كل موضوع القاكم فيه ... الرجال عاجبته السياره ويبيها وسؤاله عن السعر والمواصفات ما قال اخيركم انا بين الكامري وسياره ثانيه 

 
نصيحه بقيمتها خذ افالون مستخدم موديل 2010 بطاقة جمركية

وتقصدها عن طريق احد البنوك او الشركات في المعرض 

الكامري الموديل هذا سيء جدا صراحه من جميع النواحي 

والله ان رابح صادق دايم تمدحون بالكيا والمازدا ولا اشوفه باليومين مره او مرتين 

اذا أعجبتك توكل على الله وخذ الكامري سعرها طيب 
بس وش رأيك ب ٢٠١٦ شكل جديد اجمل 

المازدا والكيا عطيتوها اكبر من حجمها 
صح تصميم حلو وفخمة لكن الناس اذواق ولولا اختلاف 
الآراء لبارت السلع 
والرجال سألنا عن الكامري الكامري وبس 

أنا إنسان عندي قناعة ان السيارة اللي منتشره 
هي الممتازة مهما كان شكلها ونوعها سواء كوري 
وإلا ياباني وإلا أمريكي مع العلم أني من 
الناس اللي تعشق التيوتا  الربع والاف جي فقط والشفر والدودج 
صحيح ان تيوتا غالية بسعرها وقليلة مواصفاتها 
لكن تتحمل  أتكلم عن الربع  والإف جي 
صح ان الشفر على كلام الناس عله وحق ورش 
لكن يوم جربته طلع كفو ماطب الورشة الا بعد ما خبط بسبب طرمبة الزيت كنت استخدم زيت ثقيل
من ٢٢٠ الى ٣٣٠ الف كيلو  أتكلم عن الكابرس ٢٠٠٦ 
صح ان الدودج قطعه غالية لكنه مريح وراسي وأفضل 
من كل السيارات الكورية واليابنية من ناحية الأمان 
أتكلم عن التشارجر والسي ٣٠٠ واللي بفئتها ٢٠١١

صح ان الأكسنت والالنترا تكرف لكن أمانها زيرو 
اليارس والكورلا أفضل بكثير 
صح ان السوناتا اجمل واقوى من الكامري بس الكامري 
له شعبيته عند الناس 

صح ان التصاميم وجودة الديكورات قلت بالتايوتا لكن 
يبقى عنصر المحركات وعنصر الشعبية 

وَيَا  اخ wifi 
صح ان الكيا موهافي ٨ سلندر أقوى وأرخص 
لكن خليني انزل بالمفخرة طريق مردوم وانزل 
بالموهافي طريق مردوم واشوف مين اللي بيصمل 
ولا بيقرقع ويتفكك  ( صدق والله ) 
طريق مردوم يعني غير مسفلت ونقطع ٥٠ كيلو ونشوف 
مع العلم أني اكره المفخرة لانه غالي لكن افضل الربع 
والإف جي من تايوتا 
غير كذا بذكرلك انت والاخوان سبب رغبة الناس بتايوتا 
وهو أهم الأسباب 
روح للقرى والمحافظات بتلاقي لك محلات قطع غيار. 
ووكالات ببعض المحافظات 
 
بالاخير من يوم ما الناس طبت بالتأجير المنتهي بالتمليك 
ارتفعت السيارات الى ١٠٠ بالمئة 
السوناتا ارتفعت 
الهايلكس ارتفعت بشكل رهيب 
اليوكن ٤٠٠٠٠ ريال ارتفع السنة هذي بس 
التاهو 
المفخرة من جد صار سعره اكثر من خرافي ٢٣٠ الف 
١٨٠٠٠٠ كثيرة عليه والمفروض تكون لل vxr 
البرادو 
وسيارات كثيرة لو الشعب عنده ثقافة المقاطعة كان حنا 
بخير والاسعار نزلت لكن حب الناس للمظاهر 
هو اللي خلى الأسعار ترتفع 

قبل كم سنة كان الواحد اهم شي تكون السيارة مكيفة 
وتوديه وتجيبه اما أغلبنا الآن يبي بصمة رادار شاشة ودلع مال داعي 

واللي يقنع اننا نحب المظاهر ان الواحد اذا شاف الشكل 
أعجبه انهبل ما فكر لا بسعر ولا بقوة ولا أمان بعد الله 

ثلاث ارباع السيارات الحديثة بهذا النظام 
الله يوفقك يا صاحب الموضوع ويرزقك بالموتر اللي تبيه 
انت وجميع الأعضاء وآسف لو خرجت عن الموضوع شوي

موهافي افضل من اللاند اجل ههههههههههههههههههههههههههههههههههه
تسمع بالجيوب يابوي

ياحبيبي كلامك واضح .. التويوتا مبالغ بسعره
لكن ماتقارن الموهافي باللاند ابدا .. معروف الجيب بالبر والخط والتحمل والعمر والجودة
الموهافي ايش عندها عشان فيها تبريد مراتب صارت احسن !؟!

Al orainy

كفيت ووفيت بالرد 

وعلى طاري الرابتر يا wifi
ياخي الرابتر فئة حوض بيك أب ماتقارنه باللاند 
وبرضه الرابتر حجمه اهبل الصدق حوض طويل وحالته حاله مع انه بطل 
لكن تبلش فيه بالمواقف والزحمة وغير كذا سعره ترا أغلى من المفخرة 
زبدة الكلام 
بالجيوب تايوتا ونيسان لاتقولي لا كيا ولا هونداي أشباه الجيوب 
بالحوض f150 و سيرا و شاص 

واعتذر مره ثانية لصاحب الموضوع لانا غيرنا محور الحديث 

كثروا مسوقين شركات الكوري في كل مكان ..... 

وبتعرفهم من طريقة الكلام والكتابة !!

شوي يطلع لك حتى في حلمك .... 

٠السلام عليكم
يا اخوان الرجال طالب شوركم في سيارة معينة هو مقتنع فيها
ماطلب مقارنة

عالعموم ياصاحب الموضوع استخير الله قبل كل شي 
الموديل الجديد تغير خارجيا فقط ... اذا مايهمك التغيير الخارجي وفر دراهمك 
واشتري 2015 انا اشوف السعر طيب ان شالله
ولكن لو تبي 2016 خذ ليمتد من ابو جميل نفس المواصفات اللي ذكرتها ب 83 الف 
واكيد يقل سعرها شوي بالمعارض

اما سعر اعادة البيع لا علم لي فيه ولكن اتوقع يقل بسبب ان ثقافة مجتمعنا تحدك تشتري من وكيلك المحلي
حتى لو المواصفات اقل والسعر اعلى

ولا سيارات الخليج مولصفاتها المكانيكية نفس بعض اللهم اختلاف اكسسوارات واضافات 
وكل سيارات الخليج عليها كتابهة GCC يعني مواصفات خليجية

وان اصبت فمن الله وان اخطأت فمني ومن الشيطان 
كل عام وانتم بخير