أضف سؤال أو موضوع جديد          

دقيقة من فضلكم .. ابي اركب كاميرا للسيارة ومحتاج توضيح

up 5 down 5
mr959 430
قبل 10 سنه



السلام عليكم ورحمة الله وبركاته

كل عام وانتم بخير

ابي اركب كاميرا للسيارة وعرفت طريقة التركيب

بس متوهق في سلك مدري وين اركبه

للتوضيح انا لقيت صورة نفس اسلاك الكاميرا اللي معي

وعدلت عليها بحسب اللي فهمت من طريقة التركيب

ابي بس توضيح سلك رقم 3 وين اركبه ؟

::: تحديث :::

لقيت الطريقة بعد بحثي في قوقل

السلك رقم 3 المشار إليه في الصورة

يوصل مع السلك الموجب للمبة الريوس

يعني بإختصار

سلكين يوصلون مع الخط الموجب (الاحمر)

وسلك يوصل مع الخط السالب (الاسود)

والباقي عليك تمديد الكيبل للشاشة

وثم توصيل السلك الاحمر الأخير مع ظفيرة الشاشة

والعادة اسم السلك Reverse

وعلى فكرة كل كاميرا لها مخطط معين مو الكل نفس الطريقة







إبلاغ إبلاغ



الردود


اشور عليك انك توديها عند واحد فاهم علشان لا تجيب العيد 

تحياتي


up 0 down 3
ابواحمد.2007 2086
قبل 10 سنه



يا رجال السالفة كلها تمديد اسلاك وتجريح سلك لمبة الريوس

ما تستاهل اوديها لمحل وليش ما اتعلم بنفسي ؟!

بس هذا السلك مدري وش سالفته


up 3 down 1
mr959 430
قبل 10 سنه



يعطيكم العافية
خلاص لقيت الطريقة


up 2 down 0
mr959 430
قبل 10 سنه



اذا كنت انت اقصد الاسلاك الحمراء القصيرة . فانا قد ركبتت 3 كميرات وما عمري وصلتها في اي شئ اخليها كذا لا اشبكها ولا شئ


up 0 down 0
ننايف 101
قبل 10 سنه



ياليت تفيدنا بالطريقة 


up 0 down 0
ننايف 101
قبل 10 سنه



تشبكها مع سلك لمبة الريوس
وظيفة هذا السلك : لما تعشق الريوس يخلي الكاميرا تظهر في الشاشة اتوماتيك 
عدم توصيل السلك يؤدي الى عدم ظهور الكاميرا في الشاشة بالتالي لازم تدخل على الكاميرا بنفسك بشكل يدوي
ولا يأثر على عمل الكاميرا

وانا نصيحتي لك ، اذا عندك استطاعة تركبه بنفسك فهو شيء جميل ويكسبك خبرة وخفة باليد وتركيبها سهل جداً 
انا مركبها بنفسي قبل 5 سنوات وشغاله زي الفل
اصعب مافيها هو التخريق للكاميرا فقط والباقي سهل


up 3 down 0
فورد530 1323
قبل 10 سنه



طيب افيدونا علمونا   من تجاربكم


up 0 down 0
malek990 52
قبل 10 سنه



فورد530 864
صح كلامك السلك يشبك مع السلك الموجب للمبة الريوس


up 1 down 0
mr959 430
قبل 10 سنه



ومافي افضل من الشغل بنفسك وعلى مزاجك وترتيبك بس اول اعرف كيف طريقة التركيب ومافيه خوف ابداً دام عندك الطريقة الصحيحة

يعني البنقالي افضل منا في التركيب !!!

ليش حنا ما نطور نفسنا ونتعلم

قبل فترة كنت ابي اركب مراية تعتيم وبوصلة وفريت كهربائي واحد واحد والكل يقول مايعرف لها واخر شيء ركبتها بنفسي وكلها سلكين فقط وهذا لها اكثر من سنة وشغالة زي الفل

وناوي اركب مراية ثانية بس تعتيم وبوصلة ودرجة الحرارة والتركيب بنفسي


up 1 down 0
mr959 430
قبل 10 سنه



انا نزلت تحت الدركسون عندي مره اناظر ولقيت ثلاث افياش الاحمر والاصفر و الابيض واستغربت منها !!!! واللي زاد استغرابي ماهو مشبوك فيها شي ؟

تهقون انها للكاميرا ؟

سيارتي تاهو 2008 



up 1 down 0
sehly11 648
قبل 10 سنه



احسنت دارك ايفل
هذا مقصدي لما احفزك على الشغلة
انا الان الحمدلله اركب اشياء في السيارة اتحدا اكبر كهربائي يركب مثلي ، وهذا بفضل الله اولا ثم بفضل التعود
قبل كم اسبوع مركب ليد بار على الماركيز .... هيا بالله من قد سواها هههههههه
طبعاً التركيب في البيت 
ودي انزل موضوع بس متكاسل جداً


up 1 down 0
فورد530 1323
قبل 10 سنه



Sehly11 
ما اعتقد للكاميرا
سيارتك وش نوعها امريكي والا سعودي؟
فيها شاشة او لا ؟
وياليت تحدد الاسلاك من اي جهة جاية بالضبط، من جهة المسجل مثلا ؟


up 0 down 0
فورد530 1323
قبل 10 سنه



تم التركيب والحمد لله زي الفل وشغل يدي :)
بس عندي استفسار
انا شاشتي من نوع اندرويد اصدار 4.4.2 كتكات
كيف اخلي الكاميرا تشتغل مع البرامج وتصور صور وفيديو ولا مايصير ؟؟!
لان اذا ادخل برنامج الكاميرا يقولي "يتعذر الاتصال بالكاميرا"
وبس تعمل مع الريوس ؟

هذه صورة من اسلاك الشاشة
http://i.imgur.com/dJ5Wxn4.jpg
http://i.imgur.com/HSA2J2H.jpg


up 0 down 0
mr959 430
قبل 10 سنه