أضف سؤال أو موضوع جديد          

زيت قير كامري 11

up 4 down 1
tke-tke 47
قبل 6 سنه و 12 شهر



سلام عليكم ورحمه الله وبركاته

ادري اني اشغلتكم بالاسئله لاكن اخر سوال ههه

الحين انا فحصت الموتر وطلع عندي زيت القير على نهايته لازم يتغير 

والمشكله هنا اللي يفحص يوصي علي يقول اذا غيرته احمال يخبط القير 

سئلت اكثر من واحد قالو لي بترومين كويسه او من الوكاله  الحين لو غيرته من الوكاله يعطوني ضمان اذاا جا للقير شي 

واذا رحت اغيره هل اغيره عن طريق الشفط او كيف اغيره بافضل طريقه واذا غيرته هل اغير من طريقه سواقتي لحد ما امشي عدد كيلوات معينه او لا 

والله يعطيكم العافيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غير زيت تويوتا وفلتر اصلي رقم 1 زيت تويوتا الاصلي العبلة الفضية تحصلة بقطع الغيار تويوتا الاصلي وسعر العلبه 90 ريال  وش تبي في زيت بترومين ركب زيت حق الوكاله متخصص برقم القير 


up 3 down 2
سكودر 14928
قبل 6 سنه و 12 شهر



ياخوان كفايه وسوسه الله يهديكم انا كان. معاي كامري 2007 قبل سنه وزيت القير مره معدوم وشريت زيت تويوتا وفلتر اصلي من النهدي وغيرته عند ميكانيكي اعرفه من زمان ونظفو لي الكارتير وصبينا الزيت ومشيت عليها فوق 50 الف واحلى مايكون وبعت السياره ولا شفت منها شر الحمدلله شغل يد 100 ريال اخذ بس


up 0 down 0
mt3b bn man8or 437
قبل 6 سنه و 12 شهر



كم ماشي موترك واخر تغييرة كم مشيت عليها اتبع الخطوات التالية وان شاءالله مايحصل لموترك اي شي
1/الشغلة بسيطه واي ميكانيكي يسويها بس فية شغل ترتاحلة ومرتب مايحوس الشغلة  يعني شفلك ميكانيكي ممتاز واذا انت في جدة ابدلك على واحد تركي ياخذ شغل يد 200 ريال بس شغل نضيف
2/ فلتر تاخذة من الوكالة وزيت تويوتا الجديد توة نازل علبته رمادي فاتح العلبة السوداء لاتاخذها مايصلح ووجه كارتير اصلي

3/اذا غيرت الزيت وانتهيت عشق الموتر على جميع الاوضاع كرر العملية 3 مرات
4/ اول 100 كيلو بعد ماتغير الزيت لاتعطيه دعسات قويه وخلك على 80 الى 100 الى 120 لاتعديها
5/ قبل ماتمشي بعد نغيير الزيت سجل كيلوات العداد واحسب حسابك كل 60 الف بالكثير 70 الف يتم تغيير زيت القير
باذن الله بعد هالخطوات مايجي موترك اي خلل 


up 2 down 2
الرفاعي33 13914
قبل 6 سنه و 12 شهر



وش رايك تتركه ما تغير شيء وانا اضمنه لك بيخدم 5 سنوات قدام بدون مشاكل

لكن تغيره ما تضمنه ولا 5 شهور


up 4 down 3
ابراهيم التركـي 1067
قبل 6 سنه و 12 شهر



اذا تعديت 100 الف كيلو بدون ما تغيره لا تغيره ابد لانه 
راح يخبط عليك و يتعبك 

و الزيت مهم جدا انك تاخذ اللزوجه اللي تناسب سيارتك 
لان اللزوجه المختلفه راح تخرب القير .. ابحث بالنت او 
اسال الوكاله او شوف الكتالوج لو باقي عندك 




up 0 down 0
cobrax -83
قبل 6 سنه و 12 شهر



المشكله اني توني شاري الموتر وهو ماشي حول ال 300 ولا ادري عن راعيه الاول هو كان يغيره ولا لا 


up 1 down 0
tke-tke 47
قبل 6 سنه و 12 شهر



قبل يومين واحد هنا باالمنتدئ معه كامري 2008
يقول غيرت زيت القير وخبط 
واذا انت ناوي ودها الوكاله وخل يعطونك ضمان واذا ارفضو
خل موترك لاتعبث فيه


up 0 down 0
باترول 2020 2623
قبل 6 سنه و 12 شهر



2011 و ماشيه 300 الف !!!!!!!!!!!!!
دامها وصلت لها الممشى لا عاد تغيره لانه في خوف 
بإذن الله امورك طيبة


up 0 down 0
rraammooss 965
قبل 6 سنه و 12 شهر



اذا تعديل المسافه حقت التغيير لا تغير لانك ما تضمن حل راح يضبط و لا يخبط و استخدم الزيت المناسب بالكتااوج مع الفلتر 


up 0 down 0
khalidoo 1167
قبل 6 سنه و 12 شهر



ي رجال شوف الي يصلح لك 
انا اعرف لي واحد غير زيت قير كامري ١٠
على ٨٠ والحين ماشيه ٢٦٠ الف والى غيره 
والأمور طيبه 


up 0 down 1
دوريه 187
قبل 6 سنه و 12 شهر



أشور عليك ياخوي
زيت وفلتر الجير لا بد من تغييره
وأنصحك بضرورة تغييره (في الوكالة)
فقط لا غير ، والمعروف أن الوكالة تعطيك
ضماناً على المواد وشغل اليد لمسافة 3000 كلم .
(في وكالة تويوتا عندنا .. أي شغل يتمّ في ورشة الوكالة
عليه ضمان لمسافة 3000 كلم) .
ومهما يكون النظام في الوكالة بالسعودية ، فلا شكّ
أن الشغل عليه ضمان بشكل أو بآخر .. وإلا فما الفرق
بينها وبين غيرها؟
بالذات زيت القير مع الفلتر ، لا ترضى بغير شغل الوكالة
لمصلحتك ، والأمر لك طبعاً .


up 0 down 0
جاسم الدوحة 187
قبل 6 سنه و 12 شهر



نصيحتي يا الغالي كان معي كامري 2008 توني مشتريها ومن لقافتي قلت بغير زيت الغير مع الفلتر شاري القطع من الوكاله وبعدها ابتدات المشاكل عندي في التبديلات والله المستعان


up 1 down 0
عاش بو علي 500
قبل 6 سنه و 12 شهر



اسمع مني انا راح علي قير كامري  ٢٠١٠. تماتيك وهي ماشيه ٨٠ بس مو بسبب الزيت لا انفجر اللديتر ودخلت مويه على القير 
نصيحتي شيك اولا على اللديتر اذا قديم غيره حتى لو تجاري يمشيك سنتين قدام  وانت مطمن ورخيص ب ٢٥٠ ريال وعليه ضمان سنه والاصلي ب ١٨٠٠   يعني لو كل سنتين تغير تجاري اوفر لك من الاصلي 

الشي الثاني من خلال خبرتي  لاتغير الزيت كامل غير نصه فقط مع الفلتر  وعلى ضمانتي  هو يجي اربعه لتر في الكارتير غير اثنين لتر. 
وكامل الزيت في القير ٧ لتر بس ٣ لتر ماتقدر تغيرها موجوده في الطنجره والهدف منه اذا غيرت زيت جديد يعمل مؤامه وتوالف مع الزيت الجديد لكن مشكلتك انت الممشى كثير. اذن غير نص فقط ٢ لتر وراح يختلط مع ال٥ لتر الباقيه ولايأثر على القير فقط يعطيه نوع من اللزوجه وبعد شهر غير ايضا ٢ لتر واستخدم كم سنه راح يمشيك ان شاء الله. 


up 0 down 0
سيزو 420
قبل 6 سنه و 12 شهر



دخلت ف سيل ومن بعدها صار عندي مشكله ف القير 
فما ادري ايش المشكله 

كامري ٢٠١٠


up 0 down 0
علي الزهراني 1897
قبل 3 سنه و 8 شهر