استفسار عن إجراءات حادث

ليه 750 

اوافقك 150 حجز 
اما 600 سطحه  لا ابد مغلي عليك حده 500 او 450 سطحه بس 

انا لما اخوي سوى حادث بالاكسنت طلع عليه 100% لانه ما معاه رخصه وعاكس خط ومامن شامل جبت سطحه واتفقت ياخذ 450 من مكان الحادث الى شيخ المعارض الى الوكالة

لاتعطيه ابد 600 مغلي عليك وزود حده 450 او 500 اذا حابب تكرمه

يصير المجموع 650 

تحياتي لك 

اخوك احمد ال الشيخ

ممكن سوال ي شباب ؟ 
خويي يبي يشتري سياره بعد اجازات دوامات رسميه ؟ 

هل في مناوبين بالمعارض " بالشرقيه " ولالا ..



حمد لله ع سلامتك ي صاحب اعلان واسف ع دخولي .. 

الله يعطيك العافيه اخوي احمد ال الشيخ وانا كلمت المرور رد علي واحد قال بالكثير يأخذ منك ٤٠٠ ريال وانا مدري خوفي ادفعها ويحطون الخطأ ٧٥ عليه و٢٥ عليه وانا اتحملها ولا الطرف الثاني يتحمل حق السطحه اللي شالت سيارتي وانا أتحمل حق السطحه اللي شالت سيارته ؟؟

الله يعطيك العافيه اخوي wifi انا اليوم ان شاء الله بروح لهم وأعطيه العين الحمراء لانه وش ذنبي ماشي بخطي ويجي يصدمني وانا أتحمل ؟

الله يسلمك اخوي عبادي وخذ راحتك ابد الموضوع موضوعك وان شاء الله تلقى من يعطيك العلم وحياك ياغالي

اذا سيارتك اخوك مصدومه بالباب الايمن الامامي الخطا على اخوك

اذا الصدمه بالباب الخلفي على الرجال

لاتقول غريبه هذا نظام مرورنا

الخطاء على الطرف الثاني

الأولوية لليسار دائما انا مرا واحد صدمني من اليسار الي اليمين وحطو الغلط علي 100 %
العسكري قالي الغلط عليك 100 % قلتلة كاسر علي وبدون اشارة وماشي بدون انوار في الليل قالي حتى لو ماشي 200
الغلط عليك في النهايه طلع العسكري من نفس قبيلة الي صدمني حسب الله ونعم الوكيل
مع اني ما ني سال مامن شامل
الصدمة زاويه الصدام الايسر فقط
سيارتي وقتها كان جيب تويوتا 2012 وكنت مركب دعامات بمحل زينة كلة انعفط كلها على الارض البدي ما حصلها غير حكات طفيفة
اما الي صدمني معاه كامري 2008 راح عليه جنب الايمن كامل من الصدام للصدام دخل على دعامات الجيب
بعد ساعه من الحادث رحنا للمرور العسكري قالي ادفعله 5000 ريال بدون ما يسعرها حتى 
قلتلة ماني دافع شي انا مامن شامل وكالة اصلح سيارتة وسيارتي عالتأمين قالي طيب عطة 1000 ريال
قلت ولا ريال عالتأمين اذا الغلط على اتحمل 700 ريال وبس انا مامن شامل للطرفين
في النهايه تعقدو مني وتنازل الرجال ببلاش ورحت صلحتها الدعامة في ورشه 50 ريال لحام وبس