أضف سؤال أو موضوع جديد          

لاحظت كثرة اعلانات تنازل السيارات وهي جديده

up 9 down 6
امير الاصيل 1672
قبل 3 سنه و 4 شهر



السلام عليكم ورحمة الله وبركاته
اهلا وسهلا اخواني الغالين
  ،،  لاحظت كثرة اعلانات التنازل السيارات  ، 
والكثير منها لسى جديده يعني شهر  شهرين  او اقل من سنه
والبعض ايام فقط

وتجد  سبب التنازل  عدم القدره على سداد الاقساط
تجد القسط  اكثر من 2000 ريال
والبعض تجد الدفعه الاخيره 50 الف  للجيوب 

السؤال  ، هل مافكر اللي يبي ياخذ سياره تأجير مدة 4  او 5 سنوات 
عن قدرته لسداد
ام  انه اخذها  للمظاهر فقط لاغيرررررررر ولم يفكر  بقدرته الماليه ،
   والمصيبه الكبرى  والعظمى  
وحصلت  اعلانات كثيره  تجده ماخذها من شركه  صافقته فائده  دبل ونصف 
وقسط  قوي  وتجده دافع مقدم  ودفعه اخيره قويه
وعندما تسأله  يقول ماذا افعل لم 
،،،،،،،،،،،،
احد الاصدقاء 
قالي عندي سياره اعرضها لتنازل  وعرضتها قبل سنه ونصف
ولم نجد حتى الان من يرغبها 
السبب  القسط 2000 ريال  والفائده  40  الف  وسعر السياره 90 الف  
   ،،،،،،،،،،،،،،،،،،،،،،،،،،،،،،،،،،،،،











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي طبيعي انا يجيني بعض الاوقات اصير كاش بعض الاوقات قيمة البنزين ماهي عندي 

انا نظامي اشتري سيارات تمسك سعرها لاني السياره ماتجلس اكثر من سنه بعضها 6 شهور وابيعها اكن اغير ولا ادخل مشروع ولا محتاجها 


up 2 down 2
شيخ المعارض 2012 349
قبل 3 سنه و 4 شهر



البعض يفتقر لادارة نفسه ماديا بشكل سليم فتجد بعضهم المصروفات لديه اكثر من الايراد  وهذا سبب عدم القدرة على الالتزام


up 11 down 0
sabal 297
قبل 3 سنه و 4 شهر



سيارة صارت غاية ولا ليست وسيلة 
الحين اول مايتوظف الواحد من اول يوم في الدوام يطلع البنك وياخذ سيارة قسطها 2000 وراتبه 5000 سلامات 



up 4 down 1
عبدالله 1020 462
قبل 3 سنه و 4 شهر



العروض مغرية وتبين وكان السيارة مجانية وليس عليها اقساط ودين وفترة التزام



up 0 down 0
hazemnabil 71
قبل 3 سنه و 4 شهر



السبب ذكره لكم sabal 
هي رغبه جامحه تجيه عالسياره الجديده بدون مايحسب كم راتبه وكم يصفى له وكم النسبه

وعزائي للي اخذو سيارات فائدتها توصل 40 الف
محد راح يتقبلها منه لو اراد التنازل



الدين عماه عين والله يبعدنا عن الديون والاقصاد واهم شي سياره مستوره تودي وتجيب والرازق هو الله


up 3 down 2
عاش بو علي 497
قبل 3 سنه و 4 شهر



احس التاجير المنتهي بالتمليك نكبة 
والله ماعرفت احد مدح فيه والحمد لله الي صرفني عنه 


up 1 down 1
ابو عطيه 409
قبل 3 سنه و 4 شهر



انا اخذ اكسنت ب10 الاف ولا اخذ موتر بالتقسيط ياخي راحة نفسية تحس الموتر لك لك 


up 7 down 2
ahamd9477 121
قبل 3 سنه و 4 شهر



جربت الاقساط مره وبعدها حرمت وتبت ماعد اخذت سياره اقساط حمدلله 
كل سياراتي مستعمله وتمشي الحال 
مو لازم الواحد يركب سياره جديده بالاقساط وعنده البدائل كثيره بالحياه 
الفشخرة والمظاهر الكذابه هي اللي اعمت البشر ولو على حساب فقرهم وتراكم الديون على ظهورهم


up 5 down 0
eng.mob 126
قبل 3 سنه و 4 شهر



انا عن نفسي  ولا افكر  ولا راح افكر في شي  اسمه  الاقساط  ايا كانة السلعة  
معي  2000 ريال  ادور سيارة بهل المبلغ 
مجنون يلي  يركب على حاله فوائد  وديون  
فيه ناس وقت يسحب سيارة اقساط   يلاقي نفسه في الاخر  مسدد قيمة سيارتين  


up 0 down 0
abd_alrhmn 2336
قبل 3 سنه و 4 شهر



العن الشركات اللي تغرقك غصب يقولون لك 6 شهور ندفع عنك الواحد يتحمس بعدين تجي العلوم الشينة 


up 0 down 1
benz lover -82
قبل 3 سنه و 4 شهر



الشركات مفروض ماتعطي من هب ودب بعض الشباب سفيه لايولى مالآ وهذا اللي مكسب البنوك والشركات

وش  رايك بواحد توظف وظيفه ممتازه وراتب جيد وعند اهله 2سياراتين جيده ماهي قديمه ولاجديده  وقالوا جمع من راتبك
وبع وحدة منهن واشترى سياره
رفض الافندي انه يأخذ اي منها وراح لأحد البنوك اللي تخاف على المواطن وعطوه سياره حول130 وبعد ماخلص اقساطها5سنوات
السياره راحت ماهي مثل اول ولاتجيب نص قيمتها بالله هذا يمسك وظيفه بالله هذا يعطى قرض؟؟ مخ مضروب
و90%من الشعب مخه مضروب  

نرجع بالزمن قليلآ كانت اكثر الرواتب 3و4الاف وعايشين بخير والسيارات من جميع الموديلات قديم وجديد وتوفر القطع للقديم
الان الراتب7الاالف وانت طالع  والسيارات القديمه انقرضت والقطع اصبحت نادره وارتفع كل شيء بسبب دلاخه المواطن 
وجشع البنوك وشركات التقسيط اصبحت السياره اهم شيء في حياتنا 


up 4 down 0
المنطق يقول 679
قبل 3 سنه و 4 شهر



والله ياشباب تبغو الصراحه حنا يالشعب السعودي نحب المظاهر في السياره في الاكل في الملبس
حنا ماذبحنا غير هالشيء هذا ولد فلان جاب سياره انا بطق قرض واجيب احسن منه وهذا الي دمرنا المظاهر وشكرا


up 3 down 1
توويوتا الشمال1
قبل 3 سنه و 4 شهر



السبب يجي واحد معه 20 الف بدال مايدور موتر يشيل رجله لين يتيسر حاله احيان ناس
تعميه ادفعه دفعه وشهريا قسد 1400 هي رايحه رايحه وسيارة تبقى معك ثم يروح للشركات
ويعطيه من الكلام المعسول وبكل ورقه توقيع ابتسامة جميله ويعطيك شاهي وانت مستانس
مآ تدري انه بداية هم لك. .
السياره سواء جديدة ولا مستعمله شهر وبتمل منها صح الجديد يغنيك بس مد رجولك علی قد لحافك. . وهذا اللي نكب الناس وصارو يمشون وری العروض والاقساد لين هدت حيلهم
بعض الناس يتساهلها يقول قسط 1400 بس 1400 مده 5 سنوات مو شهرين ولا سنه..
والله ييسر لكل شخص عليه دين ويسهل له


up 1 down 0
سلطان_28 266
قبل 3 سنه و 4 شهر



لمن تنحد للتقسيط احسبها الف مرة
شوف كم دخلك لاشهري
احسب ايجار بيتك ومصروفك والتزامتك واحسب كحد ادنى 800 ريال وافر بعدها شوف كم يصفى من راتبك وخذ على قده بحيث ما تتوهق فيه
انا انحديت للقسط وواخذت اقل قسط 900 ريال بحيث لو اضطريت للتنازل يكون بدون مقابل وسيارة مرغوبة
الله يغنينا ويبعدنا عن الاقساط


up 0 down 0
sniper_sa82 307
قبل 3 سنه و 4 شهر



حال اغلب الشباب يتوظف وعلى طول يطلع من البنك سيارة شبابية وشوي يتزوج ويتورط يقول يبغالي سيارة عائلية
احيانا الانسان يحتاج استشارة وناس تنصحه ولا يقدم على شي الا وهو حاسب له الف حساب خصوصا الميزانية
 


up 1 down 0
متعب2300 574
قبل 3 سنه و 4 شهر



والله اعرف شخص منذ تعين في قطاع التعليم حتى تقاعد بعد خدمة 26 سنه وهو يقسط يخلص قرض وياخذ قرض بس انه مجنون صاحي لحوايجه ماشاءالله عمل منزل قليل من عمل مثله والان تقاعد وبقي عليه مدة 3 سنوات والقسط 5800 بس في اجراءات التقاعد غير من بنه الاول الى البنك العربي وناوي يعطيهم في السنه 50 الف فقط واكيد حيوافقون
الدين هم في الليل وذل في النهار نصيحه للشباب لاتفكر اخذ قرض الا في حالتين فقط الزواج والعمران فقط


up 0 down 0
محب السنه 222
قبل 3 سنه و 4 شهر