انا يا معالم التقنية يشهد الله منيب حاط في مخباي ريال واحد شروا امريكي شروا كوري شروا ياباني

لكن المثل يقول من استنصحك دخل في ذمتك ، وانا ما احب اللي يفتي من دماغه ولا من سيارة وحدة يحكم على شركة كاملة مستحيل


لو بنصير على هالمبدأ كان داومنا بسياكل

للأسف البعض مهوب مستعوب ان كل سيارة في موديل ومرحلة معينة اتفقت في عيب مصنعي واحد وتم تلافيه في الموديل الحديث


يعني مثلن السوناتا 2012 ويمكن دفعة بسيطة من 2013 صار فيها عيب مصنعي الكمبريسر وكذا

لكن مهب معناها من اول سوناتا في 2011 حتى 2016 كلها نفس الخراب وكلها مخيسة لا مهب كذا تقاس


يعني لما تروح للالتيما مثلن في نيسان ويجي واحد يطلبهم النصيحة منها يقول لك تراهم تلافوا المشاكل في الموديلات الجديدة وهو مايدري بس شاف واحد طلعها ولين الحين ماخربت ويقول تلافوها

وتجي للكابرس يقول لك من 2009 تلافوا عيوبه يعني هذا اكبر دليل ان كل سيارة مرررة في هالمرحلة في موديلات معينة وتلافوها في المستقبل


لكن لما تقول هونداي وكيا يحط لك السيارات كلها كراتين

ترى تصنيع الجينسس والكادينزا والازيرا يختلف عن السوناتا والالنترا ، هذولي مصنعة بدقة عالية جداً وقليل في العيوب المصنعية لا نجلس نلعب على بعض

يعني مهب طلع عيب مصنعي في السوناتا اقول لا تشترون الازيرا طيب هذي مالها دخل


الكامري في دفعة من موديلاتها فيها عيوب واخو خوينا خربت عليه طنجرة القير والموتر ما كمل 30 الف وصلحوها له الوكالة


هل لو جاء واحد وقال ابشتري افلون 2012 بقول له لا التويوتا كله مهب زين


لا تسأل الا مجرب للسيارة من نفس الفئة او يعرف مستخدمين قراب حيل


انا والله منيب ضد اي سيارة لكني احسبها صح يعني 80 الف مثلن بدال ما اشتري كامري ولا كورلا فل ولا سوناتا اخذ كادينزا اخذ ازيرا نص فل وهكذا ، ابحث عن الافضل لنفسي وايضا تكون السيارة ذات جودة اعلى وفي الغالب تكون اقل عيوب ومشاكل من السيارات اللي تصنع بكثرة


وبعدين السوناتا في كل شارع تلقى 15 وحدة يعني عادي يطلعون 3 من الف في السعودية عندهم عيب مصنعي لكن الاخوان يفسرونها غلط


لأنهم لين الحين على طمام المرحوم

اسف على الاطالة اتمنى تتمعنون في كلامي هذا بعقل


تحياتي للجميع

^جاك العلم طلعت الشمعة ب 3400
ماخذ معلوماتك من واحد يسوق لسلعته والله ماهو حب في هونداي والحمدلله املك كرايسلر لاكن من يوم ما شفت الصوره شكيت في مصداقية المعلن