تورس 2015 او اوريون 2016

دام راتبك على قدك خذ اوريون رغم اني ماحبيت الشكل الاخير ولو تصرف نظر وتاخذ الكامري الجديد افضل

التورس كثير يذمونها وما تعيش
الاوريون طيبه والكامري الجديدة اطيب واطيب بس الوكيل اااااه منك يابو لطفي يبدع في الصيني فك ركب 
لاكن اذا تبي نصيحتي 
85 الف وروح للصالات الامريكي وخذلك افالون 2012 على يدك جمرك
كشخه رزة موتر كفووو ماشي افل من 50 الف ميل
ولا عمري شفت احد يذم هالموديل لك وللزمن
داخلية وسيعه ومواصفات روعه ووفر الباقي

خذ الجنسس افضل من الثنتين

شف حبيبي انا انسان اهرب من الامريكي من شفته مع اغلب عيال عمي كله خرابات
انصحك نصيحه اخويه الاكورد 15 معي ما شفت فيها اي عيب وقيمتها وكاله ستاندر 85 او خذ الاوريون مع اني انا ما عجبني شكلها احس الكامري افضل منها لاكن الله يعينك على الوكيل حقكم الاكورد عبدالله هاشم تعامل وكالته و ترتيبهم ورقيهم و عجبني ويمكن احد غيري عنده وجهة نظر تخالفني وبالتوفيق لك حبيبي

الاوريون غير مريح وضيق 

لو كنت بمكانك باخذ اوريون

وكل شخص له رايي 

سبب اني اخذ اوريون بدل التورس 
الاوريون اخف ( ما احب السيارات الثقيله) 
التورس معقد ومو كل واحد يعرف له عكس الاوريون 
وحجم السيارة التورس دفش عكس الاوريون 



الاوريون حلوه ومريحه وعزمها ممتاز 
وراسيه وقطعها بكل مكان ولا فيها تعقيد 

أنا سقت السيارتين
التوروس أريح من الأوريون وأهدأ وعزل أفظل
لكن الأوريون على ماأعتقد عملي أكثر من التوروس

ياتختار العملية ياتختار الراحة

اشتر اللي يناسبك مع اني لا توجد مقارنه بين الاوريون والتوروس 

التوروس تتقارن مع الافالون 

انصحك بأفالون استاندر افضل من الاوريون فل كامل

ربي يسلمكم مشكورين  ماقصرتم

اخوي ترا الاوريون اصغر من التورس والتورس سياره قيادتها صعبه نوعا ما وف التقاطعات صعبه وقطع البودي غاليه شوي زي اصطبات او صدامات وغيرها التويتا بشكل عام رخيص وقطعه ع قولتهم ف السوبر ماركت 

تسلم اخوي ابوحمدان على النصيحة

اخواني  انا سألت  عن الاوريون 2015 الاغلبية يقولون انها موتر يستاهل 

بس بصراحة  متخوف لانه كذا  شخص قال انه في كم موديل من الاوريون فيهم مشاكل في القير 

بقيمة الاوريون خذ افلون ستاندر احسن لك


انا استغرب من بعض الردود يقول لك الاوريون كلن يصلحها وترتاح في الصيانة ترى يا اخوان والله الشي هذا نفسي بعضهم لو بيغير فحمات قال اخاف الافلون مايعرفون يصلحونها

طيب انت لازم تصير جريء وتواجه انا اول سيارة سوناتا وشطحت شريت اوبريس 3.8 وكلن قال لي انتبه اخاف 3.8 مشاكلها واجد واخاف تبتلش مع الوكيل ولا تلقى قطع لموترك


والحين سنة ونص ولله الحمد واحمد ربي على هالجرأة والاقدام مني


والله مالقيت من الموتر الا كل خير ولله الحمد توفقت ولا قد صادفتني اي مشكلة ياربي لك الحمد ماشاء الله

واول سيارة شريتها سوناتا امريكية وعمري 17 ماكملت حتى 18 سنة وكلن قال الامريكية فيها وفيها والله اكتشفت كلها خرابيط ومخاوف على الخالي


التورس مافيها الا العافية لا تبالغون واللي يقول لي ماشفناها 2009 في الشوارع تراها مابرزت الا في 2010 وطالع بدت الناس ترغبها وتشتريها وهذا مايدل انه عيب في السيارة يدل على توجيه ربعك


من اول ما يعرفون الا تويوتا وامريكي والحين كثروا اللي يسبون الامريكي وكثروا مداحين الكوري


ترى كل سيارة وشركة يمر عليها جيل ويقوم عزها لكن مشكلة ربعنا يبي يتطور وهو على طمام المرحوم مهب قادر يتقدم اي خطوة قدام



انا بقول لك من واقع تجربتي للاوريون مع احترامي سيارة مافيها الا مكينة قوية ونشيطة عشان وزنها لكنها كامري في كل شي رساوتها كامري مركبها كامري ولا تستاهل ابد هالمبلغ


انا اضم صوتي للرفاعي 33 دامك بتمسك خط واكيد تبي موتر يريحك مركب وعزل وقيادة خذ لك افلون 2012 صالة ولا خذ الجديدة وكالة


هذي وجهة نظري بالتوفيق

الله يسلمك اخوي إبراهيم 

احترم رأيكم  ومشكور على النصيحة 

بس ميزانيتي ماتكفي اخذ افالون الجديدة  

انا ناوي اخذ اوريون 2016 تورنق اللي هي  اقل فئة  

بالنسبة  لافالون مستعمل 2012 موديل حلو بصراحة بس المستعمل ماينضمن بعد فترة مع الاستخدام تطلع  فيه بلاوي  وخرابات احنا في غنى عنها

ان شاء الله  اني شاري اوريون 2016 اقل فئة  وكالة بس كان استفساري عن القير هل صحيح  في مشاكل  في الموديلات الجديدة  ولا لا ؟؟؟

مشكلة القير كانت بالشكل القديم و مو كل السيارات بعد 
الشكل الجديد ما شاء الله القير مزبوط لكن انا ملاحظ فيها قساوة ان شاء الله عدلوها ب ١٦