احـتراق جيب لاندكروزر بسبب تعبئة السيارة بنزين فل

فيه كم واحد يراسلوني بالخاص من كم يوم وينك غايب وليش ما تشارك

لكثرة الاشاعات وكثرة الاطفال بالموقع 

يجيك الواحد يتفلسف له فترة بعدين فجأة ينزل موضوع عمري 17 و ابوي رافض يعلمني السواقه

سلامات 17 ولا تعرف تسوق حتى وتتفلسف نحسب عندك سالفة

والا يجيك واحد يقول ابي وظيفة فترة الصيف قبل ما يرجع للمدرسة 

واضح انهم صغار سن وهذا اللي خلاني ليش اتعب نفسي بردود او مواضيع بالنهاية

يجيك واحد ما يعرف يسوق حتى ويحاول يطلع اخطاء عليك او يستهبل

لذلك برجع لكن للانتقادات فقط مواضيع استفسارات ما برد عليها

بس اشوف ردود غلط بنتقدها واطقطق عليها
______________________________________________________


اولها اسمح لي صاحب الموضوع

من عرفنا السيارات وابائنا واجدادنا وهم يعبون فل ولا شفنا هالمشاكل

برغم ان الدنيا تطورت والمواد المستخدمة تطورت واصبحت اكثر امان

والله العظيم لو مافيه شركات تأمين ما كان تحصل سياره احترقت

لكن تحترق عمدا ويقولون بنزين فل

طيب كان احترقت عند المحطه اول ما طلع ماهو بعد ما يوصل البر مدري وين منطقه فاضية

ونقص شوي من التانكي تحترق سلامات

^^^ كلام ابراهيم صحيح +1 لايك مجاني يستاهل

يوم الجمعه الساعه 11 الظهر 

وطالع البر يعني متى عبى فل ورمضان والناس مقفله عشان صلاة الجمعة

ولا هو ناوي يصلي طالع مدري وين هههههههههههههه

بعدين يصور بأعصاب باردة وكأن المحترق له ريموت تلفزيون هههههههههههههههه

واضح حارقة عمد يبي التأمين الشامل يعوضه

يا شباب
ترى شركات السيارات عملين حسابهم على البنزين والفل
وبعدين انا اعبي سيارتي فل لا وازوووووووووووووووووووووود للاخير
وهالكلام من اول سيارة اشتريتها الى الان
ولا حصل شي والحمد لله
لا احد يحسدني هههههه
المهم الكلام هذا خاطيء واذا فعلا حصلت مشكلة حريق ممكن يكون خطأ مصنعي او بسبب فيوزات
اما عشان فل بنزين مستحييييييييييييييل

يا ابراهيم انا من عرفت نفسي وانا اعبي فل في كل مواتري السوناتا 3 سنوات وكنت اعبيها وانا جاي من الكلية موقفه في الشمس لها ساعتين بريك ومشوار الطريق

واوقف وامصعها بفل واجي اوقفها عند البيت ولا قد واجهتني اي من ذا المشاكل ولله الحمد والاوبريس كذلك


وبالنسبة للاندكروزر ليش على طول حطينا البلاء في تعبئة البنزين فل ليش ما نقول يمكن فيه شي مركب من عبداللطيف جميل صيني سبب التماس وقبع الموتر


انا شوف عيني ومحد قال لي العام الماضي في رمضان شارع المعارض في الشفاء لاندكروزر 2013 اخو الجديد عليه قراطيسه كان واقف مع واحد اظاهر بيشتري او مواعده لأن المعارض مقفلة وعلى الشارع ما وعى الا قبع الموتر من مرتبة السواق يقول طلع شرار وقبع واللي مو مصدق كلامي يدخل على حسابي في الانستقرام ويشوف وعندي الفديو كامل عنها
حسابي في الانستقرام AHMED_4570

تحياتي للجميع

Evap system هذا موجود بالسيارات و هو عبارة عن نظام فيه حساسات و صمامات للضغط و التمدد و التهويه فلا ما فيه سيارة تنفجر بسبب البنزين 

كلام غير صحيح  علميا واكثر من مره نفته شركة ارامكو 
يعني الخواجه الي يصنع السياره من 60سنه وهم يوردونها لنا توه مانتبهو للنقطه ذي  انو في خطوره اذافللت السياره
اول شي التانكي مايتفلل للاخير ويوجد ليات لتسريب الغازات وتنسيم الضغط
بعدين ماخذ على كلام واحد يعلق من راسه اذامااشوف تقرير من الدفاع المدني يثبت صحة الكلام ذا مااراح اقتنع من كل من هب ودب تصدقون كلامه

ملينا و حنا نقول اشاعات 
و اررامكو و الدفاع المدني نفو 
و باقي فيه ناس تنشر الاشاعات ذي 
من يوم عرفنا الحديد و حنا نعبي و وقوف شمس و لا جانا شي 
تونا عرفنا البايكات ههههههه الحمدلله و لحد يصدق هالكلام الفاضي

هذا المقطع انتشر ومعروف سببب احراقه 
اللي هو اتلاف السيارة عشان تتولاه شركة التامين

المشكله مش من التعبيه فل المشكله ان الهنود الوصخان 
اذا صارت السياره فل و باقي نص ريال يقوم يعبي زياده
لين يكمل رسال كامل .. يعني فوق الفل 

عشان كذا اذا التانكي فاضي اطلب منه يعبي 15 ريال 
وهو حدود الفل عشان ما يعبي زياده عن الفل 

^^^ مو من عبث بعضهم يسوون هوشة يقولون له انت حرامي سرقت نص ريال ! معاهم حق 

قبل اسبوع كنت مسافر على شاص جديد و عبيت التانكيين فل وزود ... بعد مشي 300 كيلو الساعه 3 عصر وقفت باصلي العصر وافتح التانكي الاحتياطي والله انه يطبخ واخليه شوي ونفس الحاله ... على اني كنت اقول مستحيل البنزين يطبخ من الحرارة ... قال عامل المحطة هذا علشانك معبي التانكي فوق طاقته يعني فوق الفل.. واتوقع كلامه سليم ... عبي فل فقط ولاتزود على الفل بعض العمال يزود علشان يكمل المبلغ....
واتوقع صاحب الجيب المحترق ممكن حصل التماس وهو معبي فوق الفل والاخطاء تحصل... لكن اجواء الظهر الحذر واجب لان حرارة السيارة عاليه جدا