استشارة في كامري 2016

مبروك السيارة ويعطيك خيرها ويكفاك شرها 

إذا تبغى تلبيسة الأرضية تضبط تماماً فضروري من فك المراتب 

وتلبيس المقاعد إذا كانت التبلبيسة جاهزة لا يلزمك فكها وإذا تفصيل الأفضل فكها 

بالنسبة للدركسون وما فهمت من سؤالك إنشاء الله ما راح ينعدم من التبلبيسة ، والله أعلم . 

الله يبارك فيك ويجزاك خير 
والله انا اتخوف من فك المراتب نفسيا لأن اتوقع مو أي واحد يرجعها صح
أقصد الدركسون البسه أو لا

الله يعطيك خيرها ويكفيك شرها الف مبروك

الف مبروك الموتر والله يطعمك خيره ويصرف عنك شره
انصحك تلبس المراتب عند محل مرموق لأن المراتب كهرب
ويمكن ماكل واحد يرجعها لك مثل وكالتها 
مع اني ضد تلبيسة الارضية اجسها تضيع عليك رونق السيارة
ومن وجهة نظري اشوف الافضل تستمتع بالسيارة على شد المصنع
لأنك شاري السيارة بمبلغ وقدره فحرام تضيع متعتها ويجي اللي بعدك
وياخذها بنص القيمة وبستمتع فيها

الف مبروك الموتر والله يطعمك خيره ويصرف عنك شره
انصحك تلبس الارضية عند محل مرموق لأن المراتب كهرب
ويمكن ماكل واحد يرجعها لك مثل وكالتها 
مع اني ضد تلبيسة الارضية اجسها تضيع عليك رونق السيارة
ومن وجهة نظري اشوف الافضل تستمتع بالسيارة على شد المصنع
لأنك شاري السيارة بمبلغ وقدره فحرام تضيع متعتها ويجي اللي بعدك
وياخذها بنص القيمة وبستمتع فيها

الله يعطيك من خيرها ويكفيك من شرها
الف الف مبروك عالسيارة
اذا عندك اطفال لازم ولابد من التلبيسة :)
والطارة اشتري جلد طارة تحصله محلات الزينة من 15 ريال الى 100 ريال وركبه بنفسك
والله يطرحلك البركه فيها امين
موفق,, 

 

ماشاء الله يعطيك خيرها ويكفيك شرها لايكون انت الي على  طريق اسكان البحريه طريق الخرج قبل يومين   تمرن السياره لونها لؤلؤي ههههههههههههه 

مبروك والله يعطيك خيرها ويكفيك شرها اهم شي لاتنسانا عطنا تجربه عنهاوشكرآ

الله يبارك فيك كلكم خير وبركة الله يجزاكم خير 

ما انصحك بتلبيس الارضي /لانه لو انكب شي و دخل تحت الديكور راح تطلع لك روائح و تتبع منها و البلاستيك و غير كذا بيفكون الكراسي و السيارة جديده .
تلبيس الدعاسات / الدعاسه قطع استهلاكيه فايدتها تحافظ علی الفرشه الارضي للسيارة فا اذا لبستها فاالسوائل و الاتربه راح تتزحلق منها بسبب البلاستيك و تروح للفرش الارضي و كذا اعدمت الارضيه و حافظت علی الدعاسه لان فايدتها تمسك الاوصاخ عشان ما تروح للارضيه 
اما للدركسون فيه جلد ينباع يخيطونه علی الدركسون و اشوف انه الافضل و اذا ما يهمك الديكور مره من ناحيه الشكل ركب اللف الابيض علی الدركسون صح الشكل بايخ بس ما ياثر علی الدركسون و انتبه من الاغطيه الجاهزة لان بطانتها مع الشمس تذوب و تلصق بالدكسون 

لاتلبس شي استمتع بالسيارة زي ماهي 
استمتع بجلد الدركسون ومتعةة القيادة وملمس المراتب 

ونعومة الديكور 

لاتخرب سيارتك بقراطيس مالها داعي

واسمح لي جلد على الطبلون وجلد على الدركسون هذي للددسن والهايلكس

انت شاري كامري 2016 تقعد تبرببس فيها؟ 

وش الفايدة تشتري موتري وتحافظ عليه للشخص اللي بعدك وانت متعذب من خشخشة قراطيسك وجلد الذركسون اللي منمحلات الزينه 

لا جاء الطيين والامطار عرفت قيمه تلبسيه الارضية .
-----------------------------------------
والدركسون لبسه بسبب انه بعد ست شهور راح تجلد تجمع عرق اليدين مثل الشحم ع الدركسون .
لبسه تلبسيه وكل 6 غيرها .
---------------------------------------
وراس القير راح يتجمع عليه عرق اليد وبتحصل ترسبات لونها اسود بعد 6 شهور .وكذلك مفتاح النور .

يا عمي استمتع بموترك شاريه بسعر مو بسيط عشان تعرق من التلبيسات و ان لبست مخمل عدم عليك الجلد يتكرمش 
و الارضية لا تلبسها غالبا المراتب ترجع ترج هذا اذا ما طلعت لك لمبة الايرباق بسبب فصل الاسلاك 
و الدركسون اذا مره موسوس ركب تجليده ب 10 ما تخرب 
افضل من التجاري الجلد يبقى اثره ع الطاره 
و استمتع بموترك بالجلد او مخمل و شد بلده 
و بعد كم سنه ود السياره تلميع داخلي فقط يردها لك ورده اذا مافي تشققات 
شوفها معي 2008 و محافظ لا تلبيس و لا اي قطعة و الحمدلله نظيفة الديكورات و المقاعد مع اني اكل و اشرب فيها هههههه
كان قبلها معي افالون وقتها موديل السنة 11 و حافظت عليها سويت كل شيء لدرجة ما احركها كثير عشان العداد 
و في الاخير بعتها و استفاد المشتري الجديد بالجلد و الارضية و المكينة و كل شيء
عشان كذا فلللللللللللللللها

أنت شاري فل كامل بريميوم وتمتاز بالمواصفات الجميله الي تفرقها عن غيرها من الفئات .
ومثل ماقالوا الأخوان  أستمتع بديكوراتها المميزة ودركسونها جلد وارضيتها المتينه .
لا تركب قراطيس تضيع جمال ديكوراتها وفرشها والوانها .