أضف سؤال أو موضوع جديد          

سؤال يا إخوان أتمنى الإفادة

up 1 down 1
سلطان_28 269
قبل 10 سنه



السلام عليكم
مسيتو بالخير
يا إخوان عندي سؤال معي كامري2008 أحس الموتر حرارته مرتفعه ولا طبيعيه بنزل صوره. . وثانياً لآ وقفت جنب الموتر احسه فورد مو كامري حراره مو طبيعيه بالموتر لاطلعت يدي مع القزاره حراره ببطن الموتر وع الكبوت
وهل الحراره طبيعيه بالصوره . .
وثانياً لا كنت مسرع حول 150 وهديت فجاه يرج بقوه الموتر مدري شالسبب وتختفي فجاهه. .
ثالثا عندي المكيف دفعه ضعيف عادي اشيل فلتر المكيف مايضر..
لأن سعره غالي والياباني سعره 30 ومتردد اركبه..







إبلاغ إبلاغ



الردود


عيت تنزل الصوره الحراره تحت النص بشرطة وربع ..
يعني باقي شرطه وربع وتصير حرارتها نص واحيان تكون 4 شرطات اتمنی فهمتوني



up 0 down 0
سلطان_28 269
قبل 10 سنه



غير فلتر المكيف 


up 1 down 0
ألو مرحبا 1895
قبل 10 سنه



طيب عادي اركب ياباني مايضر
لأن الأصلي وكاله ب210


up 0 down 0
سلطان_28 269
قبل 10 سنه



يمشي الحال

قد ركبت ياباني للهوندا اكورد وما حسيت فرق

المهم لا تخليه من دون فلتر لان الغبار بيخرب عليك مروحه دفع المكيف


up 1 down 0
ألو مرحبا 1895
قبل 10 سنه



غيرته قبل شهر كامري 2009 ب160 ريال وكالة
غيرة ياباني اهم شي مثل ماقال اخوي الو مرحبا لاتخليه بدون فلتر


up 1 down 0
الرفاعي33 13918
قبل 10 سنه



الله يسعدك بهاليوم الفضيل ويوفقكك بما يحب ويرضى. .
انتظر باقي الإخوان بخصوص الحراره


up 0 down 0
سلطان_28 269
قبل 10 سنه



طيب الرفاعي الحراره الطبيعيه علی كم؟ ؟ عندي تحت النص بشرطة وربع


up 0 down 0
سلطان_28 269
قبل 10 سنه



الكامري الطبيعيه اذا ضغطت على الموتر ومسرع ودرجه الحراره الجو 48   طبيعي تجي الحراره تحت االنص بضبط 

 بنسبه للمكيف ركب حق هايلوكس اصلي سعره 140  ثلج بيجي المكيف ويركب على طول  فلتر الي بدرج طبعن ليه تفكه خله  

 لنه يحمي الثلاجه من الغبار 


up 1 down 0
سكودر 14929
قبل 10 سنه



ملاحضه حق الهايلوكس فتحاته سمكيه افضل من حق الكامري انا مركبه على سيارتي  الاريون وماشاء الله مكيف صار افضل من اول يبرد  وارخص من حق الوكاله   وسعره 140 اصلي تويوتا رقم 1


up 0 down 0
سكودر 14929
قبل 10 سنه



اخوي سلطن
موتري امريكي يختلف عن موترك 6 سلندر
والحرارة ثابته على النص لاتزيد ولا تنقص



up 1 down 1
الرفاعي33 13918
قبل 10 سنه



سكودر يعني اركب حق هايلكس أي موديل يركب ولا يضر شي ..
طيب الغريب عندي لآ وقفت عند الكامري كنك واقف عند فورد حراره تطلع من الموتر والجو بالليل هذا اللي شككني. .
والله يسعدكم انت واخ الرفاعي بهاليوم الفضيل


up 1 down 0
سلطان_28 269
قبل 10 سنه



هايلوكس 2011 وفوق عادي يركب اي موديل هايلوكس بس اهم شي الشكل الجديد من من 2006 وفوق الى 2014 كلها نفس الشي 

حراره  عاد انت شيك على سياره  سوي لرديتر تصيخ  نظف رديتر  سوي تنظيف لسلندر  غير مويه الى مويه تويوتا الاصليه  شيك على مراوح بس دام عداد الحراره ماوصل  فوق النص او الاتش فاسياره طبيعي مافيها شي 

 ولا تنسى الحين الاجواء حاره  انا سيارتي  اول ماشغلها تحس بحراره وهي بارده مابعد احتمت  وشوف درجه الحراره بسياره توصل الى 48 درجه  او الى 50 درجه  الجو حار حنا وقت صيف ولهب   ههههه الله يخارجناا بسس 


up 0 down 0
سكودر 14929
قبل 10 سنه



اللهم آمين والله يسعدك اللهم امين وكل الإخوان


up 0 down 0
سلطان_28 269
قبل 10 سنه



سبحان الله عندي نفس المشاكل اللي عندك معناته كل الكوامري كذا هههههههههه لاتخاف ماتعتبر مشاكل ..

الرجه اذا كنت مسرع وكبست فرمله ترج الطاره اما من سرعة 100 وتحت ماتدرج وطبيعيه في الكوامري .

الحراره ربع اذا كان المكيف شغال او فوقه بشرطه عشان المراوح شغاله على طول 

اما اذا المكيف طافي المراوح ماتشتغل اللى اذا قربت على النص وبعدين تنزل .

والمكيف دفعه ضعيف لاكن غير فلتر اصلي ونظفه كل تغييرت زيت ويضبط 


up 1 down 0
alsharif 515 169
قبل 10 سنه



افادوك الاخوان شيك عالمويه اهم شئ الحراره الي تشوفها سببها والله اعلم اذا كان عندك نقص بالمويه تكون المراوح شغاله فترة اطول 
عشان تنزل حراره المكينه لان في نقص بسائل التبريد الي هو الماء فعشان كذا تحس حراره حوالين الموتر لان الحراره تجي من المكينه 
لتحت باب السواق والراكب وهذا طبيعي بس شيك عالمويه ونظف الرديتر لو انه مترب او مسدود سويله تنظيف سلندر او دوره
70ريال ويمكن اقل وحط مويه اصليه ولو مقطر ولو مويه مكيف اهم شئ التقرب موية البزبوز 
وفلتر المكيف تقدر تركب التجاري او الاصلي الي عندك ياتغسله غسل كامل بالبيت ياتنظفه بالهواء ياتركب الياباني 
انا اعطيك الحلول بالدرجات حاس بوضعك لاني
بالتوفيق ياغلاهم


up 1 down 0
احمد شريف 3174
قبل 10 سنه



الشريف انا الحراره المكيف شغال تقرب للنص وشويات وتنزل وهي علی الشرطه الرابعه أو فوق شوي
والحين ناوي اغير البلف. .لأن البلف من 5 سنين مآ غيرته
والله توني وصلت القصيم وسعرت الفلتر حصلت فلتر المكيف حق الوكاله 145 حق كامري
وحق الهايلكس ب110 وودي اركبه بس والله متردد مدري يسبب مشاكل ولا لا
لأن دفع المكيف ضعيف وودي اجرب فلتر الهايلكس


up 0 down 0
سلطان_28 269
قبل 10 سنه



الله يعطيكم العافية جميعاً والله يوفقكم لما يحب ويرضى


up 0 down 0
سلطان_28 269
قبل 10 سنه



الفلتر ركب ياباني ولا تخليها بدون فلتر لانك بتخرب الثلاجة والمروحة

الحرارة شف الرديتر مهب ناقص ولا مويته وسخه غيرها ، وترى تعتبر طبيعية جدا لاتنسى درجة الحرارة توصل الخميسن الحين وكل السيارات كذا تطلع حرارة من تحت

الرجة مدري لكن اغلب الكوامري كذا



up 1 down 1
a.ibrahem 3168
قبل 10 سنه