سؤال يا إخوان أتمنى الإفادة

عيت تنزل الصوره الحراره تحت النص بشرطة وربع ..
يعني باقي شرطه وربع وتصير حرارتها نص واحيان تكون 4 شرطات اتمنی فهمتوني

غير فلتر المكيف 

طيب عادي اركب ياباني مايضر
لأن الأصلي وكاله ب210

يمشي الحال

قد ركبت ياباني للهوندا اكورد وما حسيت فرق

المهم لا تخليه من دون فلتر لان الغبار بيخرب عليك مروحه دفع المكيف

غيرته قبل شهر كامري 2009 ب160 ريال وكالة
غيرة ياباني اهم شي مثل ماقال اخوي الو مرحبا لاتخليه بدون فلتر

الله يسعدك بهاليوم الفضيل ويوفقكك بما يحب ويرضى. .
انتظر باقي الإخوان بخصوص الحراره

طيب الرفاعي الحراره الطبيعيه علی كم؟ ؟ عندي تحت النص بشرطة وربع

الكامري الطبيعيه اذا ضغطت على الموتر ومسرع ودرجه الحراره الجو 48   طبيعي تجي الحراره تحت االنص بضبط 

 بنسبه للمكيف ركب حق هايلوكس اصلي سعره 140  ثلج بيجي المكيف ويركب على طول  فلتر الي بدرج طبعن ليه تفكه خله  

 لنه يحمي الثلاجه من الغبار 

ملاحضه حق الهايلوكس فتحاته سمكيه افضل من حق الكامري انا مركبه على سيارتي  الاريون وماشاء الله مكيف صار افضل من اول يبرد  وارخص من حق الوكاله   وسعره 140 اصلي تويوتا رقم 1

اخوي سلطن
موتري امريكي يختلف عن موترك 6 سلندر
والحرارة ثابته على النص لاتزيد ولا تنقص

سكودر يعني اركب حق هايلكس أي موديل يركب ولا يضر شي ..
طيب الغريب عندي لآ وقفت عند الكامري كنك واقف عند فورد حراره تطلع من الموتر والجو بالليل هذا اللي شككني. .
والله يسعدكم انت واخ الرفاعي بهاليوم الفضيل

هايلوكس 2011 وفوق عادي يركب اي موديل هايلوكس بس اهم شي الشكل الجديد من من 2006 وفوق الى 2014 كلها نفس الشي 

حراره  عاد انت شيك على سياره  سوي لرديتر تصيخ  نظف رديتر  سوي تنظيف لسلندر  غير مويه الى مويه تويوتا الاصليه  شيك على مراوح بس دام عداد الحراره ماوصل  فوق النص او الاتش فاسياره طبيعي مافيها شي 

 ولا تنسى الحين الاجواء حاره  انا سيارتي  اول ماشغلها تحس بحراره وهي بارده مابعد احتمت  وشوف درجه الحراره بسياره توصل الى 48 درجه  او الى 50 درجه  الجو حار حنا وقت صيف ولهب   ههههه الله يخارجناا بسس 

اللهم آمين والله يسعدك اللهم امين وكل الإخوان

سبحان الله عندي نفس المشاكل اللي عندك معناته كل الكوامري كذا هههههههههه لاتخاف ماتعتبر مشاكل ..

الرجه اذا كنت مسرع وكبست فرمله ترج الطاره اما من سرعة 100 وتحت ماتدرج وطبيعيه في الكوامري .

الحراره ربع اذا كان المكيف شغال او فوقه بشرطه عشان المراوح شغاله على طول 

اما اذا المكيف طافي المراوح ماتشتغل اللى اذا قربت على النص وبعدين تنزل .

والمكيف دفعه ضعيف لاكن غير فلتر اصلي ونظفه كل تغييرت زيت ويضبط 

افادوك الاخوان شيك عالمويه اهم شئ الحراره الي تشوفها سببها والله اعلم اذا كان عندك نقص بالمويه تكون المراوح شغاله فترة اطول 
عشان تنزل حراره المكينه لان في نقص بسائل التبريد الي هو الماء فعشان كذا تحس حراره حوالين الموتر لان الحراره تجي من المكينه 
لتحت باب السواق والراكب وهذا طبيعي بس شيك عالمويه ونظف الرديتر لو انه مترب او مسدود سويله تنظيف سلندر او دوره
70ريال ويمكن اقل وحط مويه اصليه ولو مقطر ولو مويه مكيف اهم شئ التقرب موية البزبوز 
وفلتر المكيف تقدر تركب التجاري او الاصلي الي عندك ياتغسله غسل كامل بالبيت ياتنظفه بالهواء ياتركب الياباني 
انا اعطيك الحلول بالدرجات حاس بوضعك لاني
بالتوفيق ياغلاهم

الشريف انا الحراره المكيف شغال تقرب للنص وشويات وتنزل وهي علی الشرطه الرابعه أو فوق شوي
والحين ناوي اغير البلف. .لأن البلف من 5 سنين مآ غيرته
والله توني وصلت القصيم وسعرت الفلتر حصلت فلتر المكيف حق الوكاله 145 حق كامري
وحق الهايلكس ب110 وودي اركبه بس والله متردد مدري يسبب مشاكل ولا لا
لأن دفع المكيف ضعيف وودي اجرب فلتر الهايلكس

الله يعطيكم العافية جميعاً والله يوفقكم لما يحب ويرضى

الفلتر ركب ياباني ولا تخليها بدون فلتر لانك بتخرب الثلاجة والمروحة

الحرارة شف الرديتر مهب ناقص ولا مويته وسخه غيرها ، وترى تعتبر طبيعية جدا لاتنسى درجة الحرارة توصل الخميسن الحين وكل السيارات كذا تطلع حرارة من تحت

الرجة مدري لكن اغلب الكوامري كذا