أضف سؤال أو موضوع جديد          

غير جلد المساحات بنفسك

up 20 down 7
الرفاعي33 13911
قبل 5 سنه و 10 شهر



السلام عليكم ورحمة الله وبركاته
اسعد الله اوقاتكم بكل خير 
كيف الاعضاء وش اخباركم ان شاءالله انكم مبسوطين ومرتاحين
أسأل الله العلي القدير أن
يبلغكم رمضان وأنتم في أحسن حال ويعينكم على صيامه وقيامه

اليوم يالنشامى جايبلكم موضوع مهم جدا
الموضوع عبارة عن مساحات القزاز الامامية
امس وقبل امس علينا امطار بمنطقة الباحه واليوم بعد الله يجعلها امطار خير وبركه
المهم ان جلد المساحات منتفه ولا عاد تؤدي العمل المطلوب منها 
قلت لازم وضروري اغيرها 
المهم مشيت طوالي على قطع غيار المعجب موزع معتمد لتويوتا
ولا عندة تجاري مايجيب الا اصلي وكالة
طبعا جيت عند الموظف طلبت مساحات كامري 2009
من هنا ومن هنا 300 ريال بعد الخصم 250 ريال اصلي
قلت سلاماات وش الي 250 ريال
قالي اصلي ياباشة قلتله ولو اصلي ياخي وش هالاسعار
المهم شافني شديت معه اشوي
قالي طيب بسئلك هل قاعدة المساحات الي تركب فيها الجلد سليمه
قلت نعم سليمه
قالي خلاص ليش تاخذ مساحات كاملة خذ جلد اصلي وركبها في القاعدة
قلت طيب مو مشكلة بكم الجلد حسبها ب70 ريال اصلي
اخذتها وتوكلت على الله
رحت للكهربائي بكم التركيب قالي 50 ريال قلت اعطيك 20 ريال تراها بسيطه
قالي معليش 50 ولا شوف غيري
قلت لاوالله ماعاد بجيك ولا بروح لغيرك
قلت ياحبيبي 50 انا اولابها ومنها نتعلم نفك ونركب ونكسب خبرة
اتجهت على بيتنا وقفت الموتر في الحوش
واخذتلي كوب شاهي منعنش
وبسم الله وبديت وصراحة ماتوقعتها بكل هاذي السهولة 
يعني الشغلة ماخذت مني 20 دقيقة
وبعطيكم بالتفصيل من شان يستفيد الجميع
وعلى فكرة الشغلة ماتحتاج اي عدة
وبامكانك تغيرها في اي وقت وفي اي مكان
بسم الله نبدأ
الصورة رقم 1/ هاذي صورة الجلد القديمه بعد الفك منتفه ورايحه فيها
الصورة رقم 2/هاذي صورة الجلد الجديدة اصلي رقم 1 وكالة
الصورة رقم 3و4/هاذي هاذي المسكة الي تمسك قاعدة المساحات ترفعها على فوق وتنزل المساحات على اسفل وتطلع معك
الصورة رقم 5/هاذي حدايد جاية بالطول 2 وهي الي تثبت الجلد من يسار ويمين وكل ماعليك تسحبها من الجلد القديمه بعد ماتسحبها تسحب بعدها الجلد 
الصورة رقم6/ هاذي صورة الحدايد بعد ماسحبتها
الصورة رقم 7/هاذي عبارة عن مسكات عددها 5 في نفس القاعدة وضيفتها تثبت الجلد 
الصورة رقم 8/بعد تثبيت الجلد في المسكات والتاكد من تثبيتها داخل المسكات الخمس نقوم بادخال الحدايد بشكل الصحيح من يمين ومن يسار
الصورة رقم 9/هنا انتهينا من تركيب الجلد الجديدة
الصورة رقم 10/هنا نقوم بتنضيف الحديدة التي تركب فيها القاعدة
صورة رقم 11/هنا انتهينا من تركيب الجلد وتركيب القاعدة في السيارة
الشغلة ياحبايب بسيطه
والحمدلله ماخذت مني وقت كثير 

وانصح الي يبي يغير مساحات يتاكد ان القاعدة سليمه وياخذ جلد فقط سعرها 70 ريال ويوفر الباقي
ويركبها في البيت ويكسب خبرة
هاذا مالدي اليوم وكل عام وانتم بالف صحه وسلامه
تحياتي للجميع
اخوكم الرفاعي 33


















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعافيك  اخونا الرفاعي ،، وتسلم  يدك   ما اجمل ان الشخص يعمل بيده ليتعلم   يارجل  العماله يأتوننا  لايعلمون ولايفقهون شي  وشكرا على الموضوع المهم المفيد


up 1 down 1
خالد الاسكندر -39
قبل 5 سنه و 10 شهر



مبارك عليكم الشهر يالرفاعي وتقبل الله منا ومنكم 

والله الشغلة سهلة وما تحتاج منك أي جهد ، الشغلة تحتاج تشغيل عقلك .

لكن سؤالي لك ما عد نويت على سيارة بعد الأفالون الي بعتها ؟ وهل اليوكن إلي في الحوش يخصك ؟ 


up 1 down 0
رعد 4 3254
قبل 5 سنه و 10 شهر



يعطيك العافية اخوي الرفاعي وموضوع مميز كعادتك وان ااؤيد تركيب المساحات الانور الاسطبات الواحد من نفسه وحرام تدفع في شغلات بسيطة زي هذي والحمد لله النت واليوتيوب ما خلی شي خذلك لفه وبعدها كوب شاي منعنش ههههههه مثل ما قلت وتوكل علی الله


up 0 down 0
ابوخلوودي1 5069
قبل 5 سنه و 10 شهر



وكل عام وانتم بالف خير 


up 1 down 0
ابوخلوودي1 5069
قبل 5 سنه و 10 شهر



واقول وش فيها بني سار منوره اليوم و ممطره اثاريك عديت منها،،

وانا اليوم توي واصل الباحه واجواء تحسدون عليها للامانه،،

بالفعل الجلد تباع لحالها سبق وغيرتها منفصله والاصلي ماشاءالله تبارك الله تعمر اكثر من مساحات acdelco.


up 1 down 0
panamira 1905
قبل 5 سنه و 10 شهر



والله المساحات كاملة حق الالنترا والسيراتو يمكن تاخذ الحبتين أصلي بـ 70 ريال

ويقلك تويوتا قطع رخيصة ههههههههه

الله يعين بس ومشكور وجزاك الله خير اخوي الرفاعي ..

ـــــــــــــــــــــــــــــــــــــــــ

اقلكم محد سمع شيء عن اخونا ابو خليل من زمان ما شفته .. اللي يعرف عنه شيء يطمننا 


up 6 down 1
ابو ياسر ammar 322
قبل 5 سنه و 10 شهر



المساحات سهله وفيه اسهل منها اللي هي مساعدات الكبوت 

لها كلبسات تفكها وانتهت الشغله حاجات بسيطه بس احنا نصعب الشي ..


up 1 down 0
alsharif 515 169
قبل 5 سنه و 10 شهر



الله يحييكم جميعا واسف على التاخير اخواني
اشكر جميع من شارك
والشغلة مثل ماقلت بسيطه جدا
فية اشياء والله ماتستاهل نروح للكهربائي او الورشه
مثل لمبات الابواب ولمبات السقف ولمبات الاصتبات الامامي والخلفي
والبواجي وموية الرديتر
وفلتر المكيف وفلتر الهواء
وحساس قربة الهواء
والبطاريه واشياء كثيرة سهلة جدا
اشكر الجميع على المشاركات
اخوي رعد نعم هاذا اليوكن طلعته قبل سنه وشهرين بطاقه
والافالون بطلعها بعد العيد اذا الله احيانا 
الله يعافيكم جميعا لاهنتم
ابو ياسر بالنسبة لابو خليل والله قدلة فترة عن المنتدى 
اتوقع والله اعلم انه مسافر خارج السعودية


up 0 down 0
الرفاعي33 13911
قبل 5 سنه و 10 شهر



موضوع ممتاز ولكن الجلدة ب 70 سلامات غالية جدا ايام الشبح الجلد ب 50 اصلي وكالة وهي مرسيدس والناس تذم بقطعها 


up 2 down 1
benz lover -77
قبل 5 سنه و 10 شهر



الله يجزيك الخير يا الرفاعي ...موضوع جميل وأحب أضيف نقطة مهمة ...إن سيارة أخونا الرفاعي كامري 2009 أمريكي فل الفل ....
هالمرة نسيت تقولها ....ههههههه ...تقبل مروري
كل عام والجميع بالف خير


up 1 down 1
abd allah 136
قبل 5 سنه و 10 شهر



اخوي بينز هلابك مايحتاج نتكلم في اسعار قطع تويوتا مولعه 


abd allah   هلابك اهم حاجه فل الفل  ههههههههههه والله من زمان ماقلتها
الله يسعدكم اخوي بنز والي تحته ماعليكم من الي عطاكم ديسلايك عوضتكم على مواضيعكم وردكم هنا
ولجميع المشاركات لايك نستاهلوون      


up 0 down 0
الرفاعي33 13911
قبل 5 سنه و 10 شهر



والله اشياء كثير المفروض صاحب السياره هو الي يغيرها بنفسه  مثل تغيير الزيت
والسيفون وتغيير جلد المساحات واستبدال الفيوزات التالفه واشياء كثيره بسيطه 
لاكن حنا اعوذ بالله معتمدين على ها العماله بكل شي ياخي والله فيه ناس حتى مايعرف يفك الكفر هذا مفروض اصلا مايعطى رخصه


up 1 down 1
خالد ___الرياص 1331
قبل 5 سنه و 10 شهر



حياك اخوي خالد
مثل مافلت هاذي مشكلتنا الاعتماد على العمالة
لو كل واحد منا يحاول يشغل مخه
مثل هاذي الشغلة كنت مستصعبها في البداية
بس لما شغلت مخي مافية ابسط منها
والحمدلله عندي خبرة في بعض الاشياء الميكانيكيه والكهربائيه
وعندي عدة كاملة في البيت
شكرا على المشاركة اخوي خالد


up 0 down 0
الرفاعي33 13911
قبل 5 سنه و 10 شهر



تستاهل اللايك والموضوع بيستفيد منه اي شخص يكتب بقوقل تغيير جلد المساحات , شئ طيب عملك بيدك


up 1 down 0
منخشق 674
قبل 5 سنه و 10 شهر



هلابك يابعدي
تسلم على المشاركة
ولايك لعيونك الله يسعدك 


up 1 down 0
الرفاعي33 13911
قبل 5 سنه و 10 شهر



جزاك الله خير 
فعلا البعض يشري مساحات كامله
عشان الجلده فقط معدومه
مشكور اخوي على الموضوع المميز...


up 2 down 0
جبل ثور 100 87
قبل 5 سنه و 10 شهر