يعطيكم العافية. ايش نصايحكم بمبالغ بسيطة ابغى اشغلها في السي

يعطيكم العافية نسيت شغلة
افكر كمان اجيب سواق يشتغل على التوصيل فإيش نصايحكم

شغله السيارات متعبه جدا جدا
من اجرات وفحص ونقل وتامين
اذا كنت تشتغل شخص واحد فقط من معرض
مكاسبها حسب السياره والزبون ممكن توصل 1000 او 10000 مكسب
فكرتك الثانيه افضل منها
تشتري فان وتاجرها علي افغاني او باكستاني وكل شهر يعطيك 3000 وانت بالبيت
لكن اعمل حسابك الصيانه عليك والبنزين عليه

لازم تكون نصاب
تخفي العيوب
وتلمع السياره 
وتنقص العداد
وتقول هذي استخدام دكتور بريطاني الاصل لكن امه اسبانيه وابوه مكسيكي
ومافيها طقة شاكوش
وتحط زيت ستب اذا المكينه تدخن 
وتمارس انواع الغش عشان تكسب بالكثير

الشغله متعبه وان قلت الحقيقه من عيوب محد بيشتري منك
وان ذكرت العيوب محد شرى منك
ماعندك الا غش وتدليس 

فيه غيرك شريطيه متحاشرين فالسوق لهم خبرته وعارفين بعض وامسكين السوق
وانت توك جديد بتخش بينهم مابتقدر تسوي شي

شوفلك مشروع ثاني

لا أتخيل يوم اني اعرض سيارة للبيع وماذكر عيوبها 
اقسم بالله مدري كيف يعتبر نفسه مسلم اللي يبيع السيارة ويخفي عيوبها 
الإسلام ماهو صلاة بس وبعد الصلاة تغش وتدلس على خلق الله 

وصاحب الموضوع أسأل الله ان يرزقك من واسع فضله

فعلاً لازم تكون نصاب
انا حاولت اتكسب مرة من المرات  لكن كنت صريح وبعت بخسارة ههههههه

إذا كنت شريطي نصاب تكون انت الظالم للمشتري 

وإن كنت واحد يبي الرزق الحلال  تصير انت المظلوم 

بس ملاحظة بسيطة ,,,

مو كل من لمع سيارته صارت علامة من علامات النصب 

مرة من المرات وانا امشي مع خويي في الحراج لقينا سيارة ملمعة ماشاء الله تبارك مراية

بعدنا ماقلبنا ولافحصنا إلا خويي يقول ابعد عنها، قلت له ليه؟؟

قال ملمعها واضح انه نصاب هههههههه

قلت له ياخوي مو كل من لمع سيارته نصاب 

إذا واحد سيارته نظيفة مافيها شي يلمعها بالعكس هذي السيارة اللي تستاهل التلميع

لكن يجيك الشريطي النصاب  بسيارة مدمورة ورايحة فيها ويلمعها هذا النصب 

وكيف تعرف انها مهلوكة ؟ سوقها وقلبها مايبيلها ذكاء ، بعدين سكت

فلانعتمد على المظاهر عشان نحكم على هذا نصاب او لا


بس نصيحة لك ياراعي الموضوع ابعد عن هالشغلة مافيها خير ودور لك شغلة ثانية

الله يرزقك ويرزق كل مسلم نيته صافية  بهالأيام المباركة

اخوي انا اشتغل بالسيارات والحمد لله مو لازم تكون نصاب اهم شي تشتري شي نظيف حتى اذا جاك الي يشتري بين له كل شي

اما العداد انا ابيع سيارات ماشيه 300 الف او اكثر بس تكون نظيفه الشغله فيها رزق لكن مبلغ 2000 و3000 حلال ابرك من 10 الاف حرام

اشتري من شركات التأجير ونزلها المعارض و بعها هنا بالموقع
بتحصل فيها مكسب حلو، حتى لو تبيعها على شريطيه
شف شركات التأجير المعروفه فقط ابعد عن المكاتب التاجير سيارات مهلوكة بتضطر تكذب فيها او تبلش بحلقك لانه غالبيتها مكروفه ومصدمة لين قالت بس

انااشتغلت فيها وتركتها مستحيل المستعمل مافيه عيوب وبالعربي اذا ذكرت كل عيوبها وهذالمفروض ماراح تبيع والمستخدم مهما كنت شاطرفيه لازم تنخم يوم وتبيع بخساره امالي ذمته وسيعه ماراح يبيع بخساره 
تبغى شغل السيارات في الجديد لاتحتاج تحلف ولاشي سياراتك جديده بس عشان تشتغل غي الجديد لازم اقل شي عندك مليون ريال تترس المعرض سيارات جديده

عندي لك اقتراح حلو شف لك ورشه تتعامل معها واشتر من السيارات المصدومه وصلحها وبعها 

اشتغل في التشليح احسن لك اشتر سيارات تشليح وبع قطعها حلاااااال

اشكركم ما قصرتو
كم المدة المتوسطة الين تنباع السيارة مثلا شهر معقولة كمتوسط تقلل شوي او اكثر شوي؟
هل بلاقي صعوبة في اني القى سيارة نظرا للمنافسة مع الشريطية ولا عادي يمديني القى واتربح منها كمان؟
لانو فكرتي بأشتري من نفس موقع حراج ماني نازل السوق فإيش رايكم؟