أضف سؤال أو موضوع جديد          

صووووت مزعج والحل يابلاااش

up 18 down 6
الرفاعي33 13914
قبل 6 سنه و 5 شهر



السلام عليكم ورحمة الله وبركاته
اهلا وسهلا باعضاء منتدى حراج الجميل
اليوم جايبلكم موضوع مهم جدا وقصة حصلتلي في موتري ومع سباكين الورش
طبعا كلكم عارفين موتري الكامري الامريكي 2009 6 سلندر
قطعها نفس الاوريون ولا واجهة اي صعوبه في القطع
اي قطعه احتاجها اطلب قطع اوريون وتركب بدون اي مشاكل
موتري من يووم طلعته فيه صوت في الخلف شي يطقطق في بعضة
يعني زي ماتقول حديدة تطق في حديدة 
جننتني هالمشكلة حاولت اكتشف يمين يسار
ومن ورشة الى ورشه ومن سباك الى سباك ومن نجار الى نجار هههههههههه
المهم اني رحت لواحد في الطايف فلسطيني
وجرب الموتر قال ههههههههه ياخي بسيطه 
ومابي منك الا 50 ريال ودعواتك قلت معقولة بس 50 ريال
يرحملي والديك ظبطها بس قولي وش المشكلة
قال المشكلة مسمار الكليبر فيه فضاوة وبركبلة شطرطون سباكه وتروح الفضاوة ويضبط
قلت يالله يبيض وجهك اظبطها
 فك وركب شطرطون  وشرط علية اذا ماظبطت يرجع ال50 وهو مايشوف الدرب
جربت الموتر والا والله الصوووت موجود ماراح 
وارجعله قلت حبيبي الصووت موجود
قال خلني اجربها جربها وقال والله الصووت خف
قلت والله لاخف ولاهم يحزنوون
بس جيب ال50 ولا يكثر تطبب على كيفك في موتري
عطاني نظرة وطلع ال50 ومشيت
المهم واروح واحد ثاني قالي بسيطه المشكلة في الفحمات جيب فحمات جديدة واضبطها

قلت ههههههه وش دخل ام الفحمات في الصوووت
وامشي واتركه مثلله مثل الفلسطيني  يخمنووون ويفتون من المخيخ
والله يالنشامى واترك المشكلة حول شهر
ويزيد الصوت 
قلت يمكن داخل الشنطه
واكلم ولد عمي قلت سوق الموتر
وانا بركب في الشنطه وقفل علي وامسك خط
يمكن الصوت داخل الشنطه
وفعلا ركبت ومسك خط واسمع الصوت خارج الشنطه
الحين تاكدت ان الصووت خارجي ماهو حول الشنطه
المهم احاول منه ومنه 
واروووووح لواحد تركي عندنا في الباحه
ودي اغير فحمات امامي وخلفي
فك الفحمات الاماميه والخلفية 
وعلمته قلت عندي صوووت مجنني تكفى اذا عرفت من وين الصووت علمني
لما فك الفحماات الخلفية
ناداني قال حبيبي اكتشفت الصوووت
قلت بشر من وين هالصووت
قالي الفحمات يجي عليها حدايد زي الصاجه
تمسكها من فوق وتحت هاذا ماهي موجودة عندك مفكوكه
والصوووت 100 في 100 منها لان مسببه فضاوة وترقل وتطلع هالصووت
قلت متاكد قالي المحل لك لو ماطلع منها
قلت طيب والحل قال الحل تشتري هالحدايد وتجيبها
قلت ابشر رحت لقطع غياار المعجب موزع معتمد 
طلبتها قال ماتجي الا مع الموتر من بلدها
مامعك الا تدور في التشليح
رحت لتشاليح الباحه 
مالقيت اوريون بس حصلت كامري 2008
وسئلت راعي التشليح ضنك بتركب
قالي فحمات الاوريون والكامري سيم سيم كلها وحدة
قلت يارجال قول خير معلومه جديدة هاذي تشكر عليها اذا طلع صحيح
خذيت الحدايد ب30 ريال الجهتين
رحت للتركي وركبها وطلعت نفسها تمام
وهاذي معلومه الى اصحاب الاوريون فحماتها نفس الكامري
المهم بعد ماركب وجربنا والله الصوووت طار ودع نهائيا
يعني بالله تخيلوو صوت مزعجني كل هالايام وفي الاخير طلع من شي ماكنت حاسب حسابة
حبيت افيدكم للي عندة صووت حول الهوبات تاكد من هالصاجه
وانتبهووووا وانبهكم اذا جيت تغير الفحمات 
انتبة للميكانيكي ينسى هالحدايد
لانها مهمه وتطلع صووووت مزعج يقلقك 
وهاذي صوور توضح هالحدايد وفيها مع الاطراف مساكات تمسك الفحمات
هاذا مالدي اليوووم اسئل الله ان يوفقكم ويسعدكم
والمعذرة على الاطاله
اخووكم
الرفاعي33









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا كان مجنني صوت مثلك لاكثر من سنة وغيرت جلد توازن وبهذله 
المهم جيت قبل اسبوع عند ميكانكي اغير فحمات ويقول حصلت القماش طايح بين الهوب والصاجة قديم 
ومحكك الهوب 
طبعا الخطا مني لاني اغير فحمات بدون ما افك الهوب واخرطة :)
لاني متعود اخلي الفحمات تخرط الهوب فكيت الهوب وطلعته وخرطت الهوب 


up 0 down 0
منوعات2014 187
قبل 6 سنه و 5 شهر



الله يعطيك العافية هذي لو سالتني بلغتك فيها ترقل كثير قروشة
احينن ماتطلع بعد هذي مشكلة الى يغير فحمات وهو راقد بيتهم
 او واقف فوقه بس مايركز علية وش الى خليتها الصاجة المشكلة مالك الا التشليح 
دايم يسون الحركة العمال الى يغير الفحمات احينن تحسبة المساعدات مفقوعه 


up 1 down 0
ماجد هزاع
قبل 6 سنه و 5 شهر