أضف سؤال أو موضوع جديد          

اشتريناها وبعد يووومين بعناها

up 56 down 12
الرفاعي33 13914
قبل 6 سنه و 6 شهر



السلام عليكم ورحمة الله وبركاته 
حي الله الشباب اعضاء وزوار منتدى حراج
اسعد الله اوقاتكم بكل خير
اول شي احب اشكر جميع الاعضاء على مايقدمونه
من افادات ونصايح وخبرات واراء وافكار وابداعات
فجزاكم الله كل خير ورحم الله والديكم
موضوعي اليوم تخبرون طلعنا الافالون 2009 بطاقه جمركيه الاسببوع الي فات
بمبلغ 63 الف شامل التامين واصدار اللوحات 
اول ماطلعتها على طول على الميكانيكي متعامل معه من زمان
غيرتلها فلتر قير وزيت 
وزيت مكينه وفلتر
ومسكتبها خط من جدة الى الباحه في نفس اليوم
الموتر ماشاءالله تبارك الله مايلحقه كلام
رساوة عزم ثابت تطووف تريلة زي ماهو مايروح لايمين ولا يسار

وصلت الديرة واليوم الثاني نزلت للمخواة والغرض زيارة احد الاصدقاء 

اليوم الثالث داومت وطبعا فية ناس من زملائي في العمل مهتمين في السيارات
الي باركلي والي جرب الموتر والي يمدح والي يسأل من اي معرض شريته 
والي يقول ابي مثلة يعني تخبرون اذا الواحد شرى موتر
تكثر الاسألة

عندنا واحد من الشباب مسمينه المصفووق هههههههه كلامه سريع ومشيته تحس انه يجري مايمشي سريعه مشيته
بس كفووو ومطنوخ وما تمل منه ومن سواليفه

والله باركلي في الموتر عاد قالي هاه الموتر للبيع 
قلت للبيع هات عربونك افكرة يمزح لان دايم هو يمزح معاي
قال كم كلفك قلت 63 قال راح ب70

قلت ههههههه الله يرجك امزح معك ماهو للبيع
قال بجيك بعد العصر في البيت ابيك بموضوع
قلت حياك في اي وقت

ولا جاء الساعه 5 العصر والا يقول اطلعلي ابيك
طلعتلة والا يطلعلي من جيبة 5000 
قلت سلاماات حقت ايش 5000
قال عربون في الموتر والباقي بكرة 65 الف
قلت اقولك يالمصفووق وربي انك مصفووق
الموتر توني شاريه مالي يومين

قال شوف الموتر دخل قلبي 
ويعلم الله لي فترة ادور موتر مالقيت نضيف

قلت اجل دخل قلبك افالون بكبرها كيف بتدخل قلبك هههه
قالي لا جد حبيتها ودخلت قلبي 
تبي ازودك فوق 70 حاجه بسيطه ابشر

قلت ياخي مو حكاية تزودني باقي ماتهنيت في الموتر
قال يارجال يعوضك الله بافضل منه 
تكفى يابن العم بعني الموتر
قلت لاحووول ولا قوة
لاوالله الا النشبه 

يحصل خير ان شاءالله طف موترك وانزل نقهويك
تقهوينا وقمنا بالواجب 
وقلتلة شوف عطني الى بكرة واعطيك خبر
قال تكفى لاتتاخر علي 
قلت طيب طيب بيننا اتصال وخل عربونك معك
والله واحلها واملها ابيع مابيع مكسب 7000 والله طيبه
كلمت اخ لي دايما اسمع كلامه واستشيرة
وعطيته الموضووع من الى

قالي اقولك دامه خويك ومكسب 7000 ونفسة في الموتر
ترى البيعه طيبه بيع واتوكل
وزود على افلوسها وخذ افالون 2011 افضل في الشكل
قلت شورك وهداية الله 

اتصلت علية وقلت الله يعطيك خيرة ويكفيك شرة
انبسط الرجاال وتقابلنا اليوم الثاني وكملي 70 الف صافي
والله يكفية شر الحديد ويعطيه خير الموتر
ورزقه مووتر صلاتي على النبي نظيف بما تعنية كلمة نظيف
وخيرة والخيرة فيما اختارة الله والحمدلله على كل حال

الحين اخوكم رجع على حبيبة قلبة كامري امريكي 2009 فل الفل 6 سلندر XLE ههههههههههه 
ياذا الجملة جابت لبعض العرب الضغط 

ان شاءالله وباذن الله
ناوي على افالون 2011 امريكي جمرك بعد رمضان 
هاذا ماحصل معي الاسبوع الي فات 

واول موتر اشترية ويجلس معي يومين
بس اشهد انه موتر 

الفرق بينه وبين الكامري الافالون افضل من الكامري من جميع النواحي
الا حاجه وحدة لاحضتها الكامري فزتها اقوى واخف في القومه تطير
واتوقع السبب خفة البودي لان بودي الافالون ماشاءالله ثقيل

عاد ان شالله اول مايكتمل مبلغ الافالون 2011 او 2012 كلها وحدة
بنزل موضوع استشارة في اللون والمواصفات
وما بتقصرون يالنشاما
تحياتي لاعضاء منتدى حراج كبيرهم وصغيرهم
اخوكم ومحبكم الرفاعي33



















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


هذا رزقك وتستاهل كل خير


up 0 down 1
-ابو حسن- 68
قبل 6 سنه و 5 شهر



ممتاز اخوي الرفاعي ،ربي يوفقك ويرزقك من حيث لا تحتسب.


up 0 down 0
ابو معاوية الشريف 37
قبل 6 سنه و 2 شهر