العروض الرمضانية بين الفرص والاوهام واخرها عرض البازعي

العاقل ماتلدغه الافعى مرتين 
وانا من تجربتي قبل 8 سنين اخذت سياره فارهه مستعمل بسعر سياره عاديه ولكن قطع الغيار والصيانه اكلت جيبي

ف انت قارن السعر والجوده وقطع الغيار 

ومن وجهة نظري بين الاختيارات اللي انت حاطها خذلك تاهو 2015 
والسبب 1-تعتمد عليه بعد الله ولا ماكان هو اختيار الشباب والعوائل في المدينه والسفر
2-رفاهيه وراحه وعزل وخدمات عاليه المقاييس
3-يعطيك 10 سنين بالراحه واذا تبي تبيعه حقه فيه
4- قطع غيار ارخص من السيارات الباقيه 

والعدو الوحيد له الجكسار فل كامل ولا الاستنادر ولا يتقارن فيه ابداً

ولا تنسى انه 8 سلندر ويقلب 4 سلندر مع المشي الخفيف

  ،،   ان شاء الله  تكون العروض حلووووه  

   ولاكن  الوكالات  ،  لابد ان ياكلك ،،،  

وشكرااااااااااا

عروض جميل حلوه بس ياليت يسونن عروض ع الاقساط بسعى الكاش ذبحتنا الفوائد


لك لايك ع موضوعك 1+

ديسلايك ليس تعصبا لكن لأن عرض البازعي اصدق من عنوانك
العرض اذا كان وهم مثلا يقولك ب ١٥٢٠٠٠ ريال واذا رحت
تشتريه يردم عليك من المصاريف لين يوصله ١٦٠٠٠٠ ريال هاك الوقت
تقول العرض وهم لكن كون تشوف السيارة ماتستحق قيمتها نحترم رايك
لكن كيف اقول العرض وهم 
وانا بصراحة اشوف اللاند اطلق واحد فيهم 
صح فيه بعضهن يتفوق عليه ببعض الشي لكن مجملا اللاند افضلهم
ويامرحبا بالديس هههههههه

شف يا غالي

اقسم بجلال الله , لو شوارعنا نظيفه , لا حفر , لا مطبات , لا حفريات , حتى الحفريات لا خلصوا منها , يسكتونا بشويه تراب وان كانوا كفو زفلتوها مش حالك , وبعد فتره سار معوج وداخل على جوا

سيارتنا وهي يابانيه تتحمل , يطلع فيها مشاكل واصوات وتحتاج تشيك على البطن باستمرار من جلد مقصات وبودي ومساعدات ومقصات , وهي خاليه من التكنولجيا والاشياء الكهربائيه ويطلع مشاكل فيها

فما بالك بالسيارات الفارهه هذي

انا والكل يشهد بجودتها وفخامتها ورساوتها وعزلها , تحس نفسك في غرفة نوم وانت ماشي 200 ما شاء الله وراحه في الخط

وفعلا تحس ان معك موتر يعتمد على الله ثم عليه في كل شيء , من ناحيه الامان فالالماني معروف ما يحتاج , في حاله الانزلاق , في حالة انفقع كفر

الالماني هو المتصدر والتاريخ يشهد له

لكن تجي وتعيد النظر

بالله عليك كيف شوارعنا , ما يتقطع قلبك قطع وانت معك سياره رخيصه قيمتها 30 الف او 50 الف , من شوارعنا !!

من الشخص اللي ما يدعي باليوم اقل شيء دعوه على الشوارع الزفت ؟

تخيل معك الماني في الشوارع هذي ؟ تتوقع بيعيش معك

والله ليخرب عليك لانه مهيء على الاستعمال في الشوارع النظيفه عشان تنطرب معه ولا يقول اح ويكرف معك وتسير مثل كل العالم في اوربا يمدحون الالماني

لكن هنا ماهو مهيء لان السعوديه تعتبر ( اماكن وعره ) فما تنفع هالسيارات معها 

ولا ودي وود الكثير اننا نمتكلها لكن الكثير يشتكي من قطع غيارها ومشاكلها 

طيب ليه !! هل هو لان مرسديس سيارته دايم تخرب ؟

انا اقولك  لا , مرسديس و فلكس واجن والالماني عامه , مواتر اعتماديه من الدرجه الاولى 

وسبب مشاكلها هنا يعود على شوارعنا 

يعني مافيها مشاكل لكن شوارعنا ما ترحم هالسيارات

اللي يعيش عندنا ودايم تلقاه الهايلكس ؟ طيب ليه ؟ يعني هو افضل من الالماني بالله !!!

لا , لكن لانه مافيه الا مكينه وقير ودركسون فقط , لا تكنلوجيا , لا كهرباء , حتى الدرايش هندل , حتى ارباقات مافيها 

بكذا يقدر يتحمل الاماكن الوعره اللي هو السعوديه 

لانه اصلا ما فيه شيء يخرب

بالله قولي وش بيخرب فيه !!

هذي وجهه نظري وانا من محبي الالماني لكن السعوديه ما تحمس اني اشتري الماني 

الا ان كانت مشواري بسيطه جدا جدا بحيث في السنه كامله ما امشي عليه الا 12 الف كيلو

كذا ممكن يعيش مع السعوديه و حفرها ومطباتها بدون مشاكل

موفق

هذولا زي ما قالوا الاخوان يدسوا السم في العسل تلقى الاعلان جذاب والاسعار حلوة بس تروح عندهم يردموا لك مصاريف
وبتصير نفس قيمتها الاصلية

ماتشوف عروض السيارات دايم مسوين زحمة بالشوارع واخر شي نجمة صغيرة لاترى بالعين المجردة تقول جرثومة مكتوب فيها تطبق الشروط والاحكام عاد وش الشروط ياحبيبي يعطونك ورقة تقول صك ملكية ارض واخر شي وقع الله لايهينك 

انا مااقدر الا التاهو واللاند بس 

التاهو سعره حلو على الفخامه 
اللاند يعيبه سعره والسنه الجايه يتغير 200 الف اخذ باترول ولا تاهو فل اصرف منه 

التاهو و بعده ... اللاند كروزر .... وبس (عشان ماتندم)

كلام ابو يزيد عين العقل واضيف على كلامه الاجواء تفرق في صلاحية السيارة
السيارات اليابانية الوحيدة الي تتحمل اجوائنا
وباقي السيارات ممتازة لكن ما تصلح لاجوائنا وشوارعنا
وانتبه تاخذ جيب بورش والله راح تندم اشد الندم
ساماكو قطع غيارها نااار على جمر واغلب القطع طلبية
اعرف شباب عندهم جيوب بورش والله العظيم يشتروا قطعها من دبي لانها ارخص من ساماكو
غير كذا ماحد يغامر ويصلح سيارتك خارج الوكاله الا شخص كان شغال عندهم وخرج وعمل مشروعه الخاص 
فانتبه وانا اخوك لا يغرك السعر 
فكر ثم فكر قبل لا تشتري سيارة
فكر انها راح تخدمك وما تطلب قطع وتتحمل شوارعنا واجوائنا
ما قلتلك خذ لاند كروزر ولا هايلوكس لا
السوق مليان سيارات ممتازة وتتحمل اجوائنا 

خذ الاندكروزر يخدم معك وان بغيت تبيعه زبونه جاهز وان بغيت قطع غيار 
تشتري من اي مكان بس حط في بالك ترى قطع غياره ماهو رخيص مثل مايتصور اغلب الناس
والراحه لك عليها مقارنه بالتاهو الجيوب الاخرى الي انت ذكرتها

الطوراق سيارة بر وسفر ورساوه ودلع وألماني الناس تطورت الاند سيارة أهل اليمن لأن مناطقهم جبليه والتاهو سواق
ياشيخ الطوارق تمشي 200 تحس أنك تمشي 120 من الرساوه والمتعه في القياده

يا تاهو ويفضل اذا كنت عايش بالرياض جدة الشرقية 
ومنت راعي بر يعني طلعاتك خفيفة 
يا اللاند موتر اعتمادي من الدرجة الأولى ويفضل اذا 
كنت تعيش شمال أو جنوب مملكتنا الحبيبة عشان 
لا بغيت تطلع بر تجهز عزبتك وتطلع متى مابغيت 
وللمعلوميه اثنينهم يكدوا كد الحمير 
واسعار قطعهم قريبة 
أسعارهم وقت البيع طيبة افضل من باقي المواتر 
صيانتها سهلة واغلب الورش تفهم فيها 
حط ببالك الفئة g و gx من اللاندكروزر ب ارباقين فوق 
والتاهو تراكشن و 6 ايرباق أساسي لجميع فئاته 
ابعد عن وارد ألمانيا ماوراه غير الخساير والهم والغم 
صح بتاخذ شاشة ومساج وهدوء وراحة لكن ما راح 
ترتاح من الناحية المادية او بمعنى اقرب بترتاح 
راحة معنوية بس ما بترتاح راحة مادية 
وحاب أضيف على خياراتك 
ممكن بميزانيتك تأخذ اكسبديشن أو باترول الشكل 
القديم فل ولو أني أفضل الهدد ال g