مطلوب رايكم للاهمية

افضل الباترول صراحه افخم واقوى وتحسه اكبر لكن مخلينه انعم ماتحس انه سيارت اف رود اصلا سياره بالقيمه ذي ماراح تهابد فيها يمكن تطلع به طعوس تتمشى

وشوف المقارنه هذي للاستاذ حسن كتبي بين السيارتين https://www.youtube.com/watch?v=adm2b8aGD-o

الباترول خيار افضل 

اللاندكروزر على وشك ان يتغير ،،، كلا السيارتين لهم ثقلهم بالسوق ،،

يبقى الخيار لگ اخوي

فالگ الخير إن شاء الله ،، 

وش استخداماتك

فيه كثير من الناس يشتري جيب تويوتا او نيسان ولا هو راعي بر

لو تبيه استخدام عائلي ولا انت راعي بر الا قليل لا تاخذ لا هذا ولا هذا

شوف لك جراند شيروكي او دورانجو او تاهو جديد افضل منهم 

انا ارشح لك اللاند

اتوقع الفرق بالراحه لصالح الباترول 
لو انت ما تفكر تبيع بيوم من الايام خذ الباترول وعيش جوك

الباترول افضل الا في حاجه وحده
صرفية البنزين
مكينه ال5.6 هي نفسها مكينة الارمادا معروفه بالصرفيه مع قير 5 نمر

اما اللاند مكينته نفس مكينه LS حجم 4.6 قوة و صرفيه مناسبه
مع ان اللاند قيره ست نمر و استغربت من واحد ركبت معه
نمشي 160 و في هوا شغل المثبت رد نمره للخامس و ما قبل يريح بالسادس
و اذا طفى المثبت عادي يمشي 160 بالسادس
يعني النمره السادسه مالها داعي
مشكله اللاند الداخليه و المراتب ما هي مريحه و جلنط الكورولا
لكن يمسك سعره عكس الباترول

و انا من رأيي 215 او 220 الف حرام تروح على سيارة وحده
اشتر جيب للبر و السفر حجم متوسط و موتر صغير مشاوير قريبه

اهم شي لاتستعجل في الشراء عشان ماتندم  

العزم والراحه والعزل والفخامه بالباترول واعرف اثنين راعيين معارض معاهم بلاتينيوم وعندهم عشرة جكسارات بالمعرض

اليوم نزل عرض بالعيسى نصيحه الحق عليه خصومات تصل الى 30000
7745371  هذا رقم الاعلان عشان تشوف الاسعار 
بلاتينيوم 2015  248
2014 233 بلاتينيوم

والله كل شي من ناحية المواصفات لصالح الباترول ولاكن لو مكانك اخذت لانكروزر
اول شي منتشر وكلن يعرف له وقطع غيار متوفر وابيع

ششوف اذا استخدامك 5 سنين خذلك نيسان اما تبيع بعد فتره الاند مايطول ومرغوب

سافرت على باترول الجديد مسافة من الشرق الى الغرب يتميز بالرحابة والداخلية فخامة خاصة اللون الهلوز لكن مشكلته من وجهة نظري الثقل كأنك تسوق جمس مشابه لنفس الصوت يعني الموتر ماهوب خفيف .. يتميز اللاند بالخفة حتى 8 سرندل ...
داخلية اللاند مافيها فخامة ولاتقارن بالباترول ... وانا شفت ان اللاند اهدى بالسرعات العالية من الباترول ... في البر اللاند يعتبر نوعا ما اسهل لخفته وقساوة الهيكل....
كل السيارتين لها عيوب ولها مميزات وتعود عند استخدامك اذا انت راعي بر وردميات وطلعات اللاند طيب واذا اغلب وقتك مدينة وخطوط وعائلة كثيره الباترول خيار جيد ... اللاند 2015 صيانة مجانية وهذه ترى نقطة في صالح اللاند ومهمة جدا .... الباترول نوعا ما اغلى في القطع بس ماهي كلها ... اللاند يتفوق بانارة افضل من الباترول وكلها ترى ماسكه سعرها حتى الباترول واذا نزل شيء بسيط نفس اللاند..... عموما فيه باليوتويب مقاطع مقارنة بينهم اطلع عليها.. بالتوفيق

الباترووووول


اللاند معنا واحد وربي سيء جدا بالخط

ينطنط بك ويخضخضك 

وماهو مريح ابدا