كامري 2002

السلام عليكم ورحمة الله وبركاته
ي اخواني عندي كامري 2002 عادي 4 سلندر و فيها مشكلة انها تنقص زيت على 2500 كم بمقدار ربع علبة المهم اني كملت الزيت و سافرت جدة و لم وصلت خليت السيارة تريح و بعدها شيكت على الزيت الا هو ناقص اكثر من ربع علبة و كنت مشغل المكيف و ماشي 140 الزيت هو توتال الذهبي ... الصراحة شيء يحير وش الحل برايكم ي جماعة تكفون و ان شاء الله ما رح انساه من الدعاء ... انا اتوقع سببه المكيف لانه ضعيف و الموية اللي تنزل فيها اثر من الزيت و جزاكم الله خير

إبلاغ

الردود

طبيعي اخوي لا توسوس ربع علبه بسيطة واغلب الكامريات تنقص لا تروح ورش ولا خرابيط ولا احد يلعب عليك بالعكس موترك مافيه الا العافيه ونقصانه طبيعي انا كان معي فكتوريا 97 اخذتها من اخوي بعد ما كرفها وكانت تنقص في ال1000كيلو علبة كامله يعني تبويش وكرفت معي اكثر من سنة ونص وبعتها وهي باقي تكرف مع ان النقصان فيها كان كثير مره نصيحتي لك خلها على وضعها ولا تصلح شيء بس شيك على الزيت وامورك طيبة اغلب الكامريات تنقص خفيف مثل موترك.

..1987م 3453
قبل 10 سنه

جرب تغير الزيت
انا كنت احط لسيارتي زيت سوبر موبيل والسيارة كانت كل 3 ايام تنقص علبة كاملة !!!
كل مارحت لورشة يقول توضيب او راس مكينة
تعرف كيف نصب الورش
كلامهم مادخل راسي
دخلت هنا على الموقع واحد قال غير الزيت لزيت افضل

غيرت الزيت ل سوبر جيتي
ماشاء الله اداء المكينة صار افضل وصرت امشي عليها فوق 3000
والزيت ماينقص حتى خط

7ssom 421
قبل 10 سنه

عليكم السلام تأكد من عدم وجود تهريبات بمكينة السيارة النقصان هذا غير طبيعي
ايضا غير الزيت الى التر 7 20w50

بريك الفهد 147
قبل 10 سنه

لا والله ماهو طبيعي ابدا

عندي سيارتي كامري 2001 مانتقص شي ماشاء الله وقبل فترة صارت تنقص وطلعت الصوفة وغيرتها

ورجعت تمام .. لان المويل هذا بالذات الى 2002 ماتهرب ابد الي تهرب من 2003 وفوق ..

شوف يمكن عندك الصوفة تهرب او وجه الكرتير او عندك مشكلة في بلف تبخير الزيت

az-99 892
قبل 10 سنه

غير الزيت ،، زيت توتال خفيف حيل وينقص بسرعه انا جربته :))

ابو-سعود 148
قبل 10 سنه

والكامري من 2002 واقدم اذا نظيفه مستحيل تنقص ،، عيب التنقيص من موديلات 2003 واحدث

ابو-سعود 148
قبل 10 سنه

النقص مو طبيعي
شوف ممكن يكون عندك تهريب في الكرتير او في تهريب فوق عند البوابه حق الهو اقصد جلد غطاء بلوف وتاكد كمان وقت تغير الزيت من العيار هل هو على الخط عند التعبيه بالضبط وشيك كل ثلاث ايام
الموديلات هذه ماتنقص ابد وكذلك الزيت له دور
عندك حلك للمشكله ياليت تبلغنا

ابو سامر1400 20
قبل 10 سنه