أضف سؤال أو موضوع جديد          

لقيت حل حوادث السياره في البيع والشراء بالتعاون مع المرور

up 4 down 2
فـهـــــد الفهد 449
قبل 6 سنه و 6 شهر



تحيه طيبه اخواني الكرام 
عندي فكره تراودني من فترة طويله والسبب الى خلاني افكر بهالفكره احد اعز اصحابي انضحك عليه واشترا سياره
بشقه عمره وطلعت مصدومه وصاحبها يحلف انها مهي مصدومه ولا جاها حادث وللاسف ورشه الفحص طلعو
متفقين مع صاحب السياره وخوي على نياته راح مع صاحب السياره لمكان الفحص وقله هذا تمام وفحص وانغش

الفكره يا اخوان باختصار 

مثلا لو صار حادث على احد ضروري يروح المرور ياخذ ورقه اصلاح والمرور بدورة يعطيه ورقه اصلاح 
وهذاك يروح يصلح ولا من شاف ولا من درى 

لا يا اخوان المرور لازم يتعاون مع المواطن اقولكم كيف 

لو احد صار عليه حادث يروح المرور فدور المرور يطلب صورة من الحادث ويدخلها بالسستم وبعد ذلك يتم
صرف ورقه اصلاح وكل ما اسوي حادث يتم تصوير الحادث وادخال الصور بالسستم 
وانا بدوري لو اشتريت السياره اروح المرور اشيك بالاستمارة واشوف بالسستم صور الحادث 
واعرف كم مرة تم صرف ورقه اصلاح وكم مرة انصدمت السياره ومحد يحلف بالكذب ويضحك علي 
ويقول ما انصدمت .. لا في سستم ونظام بالمرور هذا المفروض يكون ويكون المرور متعاون مع المشتري 
ويعطيه برنت كامل عن عدد الحوادث والصدمات مع الصور الكامله 

اتمنى اخواني وضحت الصورة وهذا الحل بيد المرور واتمنى التعاون معاهم 
ولو تعاون المرور مع هذي الفكرة 

لو البائع يحلف من هنا لبكرة ان ما صار لها حادث الفاصل بينا ( برنت المرور والصور المدخله بالنظام ) 

هذا وصلى الله وبارك 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الورش موكلهم يطلبون ورقة اصلاح 
للاسف بلاد الحرمين وهي اكبر دوله فيها فساد خربوا سمعة الدين 

الكفار الحين صار امين البيوت مفتوحه ومافيه حراميه اما عندنا تقفل كل شي وحراميه وغشاشين 

لاحد يقول العطاله الرجال الشريف والي يخاف ربه لو يموت جوع مايمد يده في حرام 


up 9 down 4
ابو ابراهيم2021 352
قبل 6 سنه و 6 شهر



ماينفع ذا الاقتراح رشيت موتري كامل لا ورقة ولا شي


up 1 down 0
benz lover -78
قبل 6 سنه و 6 شهر



^الحل رح يكون سليم اذا تم التشديد على الورش من ناحية ورقة الاصلاح اما غير كذا انا مصلح سيارة طايره واجهتها كاملة بدون ورقة ولا احد طلبني الورقة اصلا


up 0 down 0
shadowz33 1098
قبل 6 سنه و 6 شهر



الحل سلمك الله تعطي الورش مكافأة قدرها 10 آلاف ريال إذا بلغوا على واحد ما معه ورقة إصلاح
يصير نفس الورشة تنكب اللي جاي بدونها وطبعا اللي يدفع الغرامة اللي ما معه الورقة


up 0 down 1
بياع حراجات 870
قبل 6 سنه و 6 شهر



وعشان لا يستغل نفس الشخص اللي سيارته مصدومة يصير ياخذ سند من الورشة بأنهم استلموا ورقة الإصلاح
والغرامة 100 ألف ريال على الورشة لو خالفت ومشت الشخص


up 1 down 0
بياع حراجات 870
قبل 6 سنه و 6 شهر



الله يكفينا شر الحوادث ويبعدنا منها ان شاءالله


up 1 down 0
عاش بو علي 500
قبل 6 سنه و 6 شهر



.
المرور حائر في كيفية معالجة الحوادث ... لذلك استعانوا بشركه نجم 
أولا لان السواقة فن و ذوق
و حنا شعب صراحه ما عندنا لا فن ولا ذوق
ثانيا السواقة أخلاق
و حنا شعب بلا أخلاق اتكلم فقط بالقياده من البيت تبدأ العنصرية و حب الذات و عدم احترام الآخر و النتيجة فوضى مرورية و قيادة لا أخلاقية و فوضى فوضى فوضى خاصه عند الاشارات والمواقف
ثالثا السواقة تحتاج إنسانية و الإنسانية لدينا معدومة في تخطيط الطرق و الارصفة و مواقف السيارات و مناطق عبور المشاة و و و و كل ما يخص سلامة السياره 
فمسار المشاة غير مقيد فتجدهم يمرحون بحرية من الرصيف الى الطريق فان صدم فتلك مصيبة.
جهاز المرور يبي له نفض كامل واعادة تأهيل من جديد
المرور لايعمل كما يجب والتهاون واضح ولايقارن بالمرور لدى الدول الاخرى هنا وهناك بدون تحديد
يفترض ان يستمع المرور للمجتمع ويأخذ مقترحاته بعين الاعتبار وهناك الكثير من المواطنيين كتب واقترح بخصوص الحوادث ولكن الوضع لم يتغير بالشكل المطلوب
 المرور يعمل ولاكن ليس لخدمه الناس ولاكن لخدمه ميزانيه المرورفقط من قسايم وساهر وجني ارباح عاليه 
.
ولاهمها الحوادث او الطرقات 


up 7 down 2
ماجد mot 10851
قبل 6 سنه و 6 شهر



واللي يصدم ويهرب ! واللي يصدم صبة ولا جدار ولا عامود ويمشي يصلح بدون ورقة اصلاح !! 



up 0 down 1
underground2 106
قبل 6 سنه و 6 شهر



فيه شريطي اشترا سيارة معدومة قالو له انت خسران
رد عليهم قال لهم يجي مفتح العيون وقلبه اعمئ ويشتريها

حسبي الله عليهم شريطية كيف يوكلون عيالهم حرام باالغش والتدليس
المهم اذا جيت تشتري سيارة 
لايروح معك صاحبه خلك بروح وافحصها علا الراحة
وباالتوفبق


up 1 down 0
باترول 2020 2624
قبل 6 سنه و 6 شهر



لسلام عليكم ورحمه الله وبركاته 
انتمنى  من شركه نجم يكون عندها هذا النظام بمجرد ما تتدخل رقم السياره تظهر لك كم ورقه اصلاح خرجت السياره حتى وكانت برسوم 
المهم تقليل الغش 
اما بنسبه للي ذمته وسيعه يبي يغش باي طريقه 
عندنا مراكز الفحص التي حول المعارض بحكم تجربتي معهم اذا جبت سياره من احد المعارض يطلعونها سليمه او فيها عيب استهلاكي بسيط ويفحص عليها بسرعه ويقولك خلاص توكل على الله والملاحظات التي انت طلعتا قبل الفحص مايطلعها اذا انك غشيم تروح فيها 
واذا جاي من خارج المعارض اول شي يرفع السعر ومن ثم يطلع عيوب في السياره ليست فيها ونفر المشتري منها 
انا مره حصلت سياره في احدى المناطق موديل حديث وعجبتني وعجبني سعرها منا سب جدا وبويه بلدها مافيها رش لا الصدام الامامي وستغربت كيف بهذا النظافه وسعرها نازل وفي معرض ؟
فا طلبت اني اجربها وفحص عليها وطلع معي واحد من المعرض اول شي رفظ اني اسوق السياره بحجه يخاف من ساهر اويصير حادث حاولت معه واقنعته فوافق وسقت السياره ماشاء الله ممتازه وقلت في بالي خلاص اشتريت ولتطمن اكثر قلت خليني افحص على محركاتها عند احد مراكز الفحص واول مارفعها شفت الهوايل السياره ماخذه رصيف وكل شي مطعج من تحت باين ضربه الرصيف ويقولي حق الفص لا هذا بسط مايثر 
فمن اراد يفحص يفحص في الورش بعيد عن المعارض حتى لودفع زياده ولا يخسر قيمه سياره 
واسف على الاطاله 



up 1 down 0
شعيلان 3
قبل 6 سنه و 6 شهر



الحل ببساطه هو استنساخ للتجربة الامريكية 
شركة تستثمر في هالمجال وتقدم خدمة الاستفسار عن تاريخ السيارة 

تتعامل مع الوكالات وشركات التأمين والمرور 

وصلى الله وبارك 

ما يحتاج المرور يسوي شي كل ماعليه هو يفتحها مناقصة ويريحونا ويفكونا من خثرقتهم
كل ما حطوا يديهم في شي خرب زياده


up 0 down 0
naac 2 2722
قبل 6 سنه و 6 شهر



االسلام عليكم ورحمة الله وبركاته

الحمد لله تم تطبيق النظام الخاص بمعلومات الحوادث منذ سنة ٢٠٠٧ عندنا بدولة الامارات

من خلال ادخال رقم الشاصي لدي نظام المرور واستخراج ارقام تقارير الحوادث ومراجعة موقع شركة ساعد (شبيهة بشركة نجم ) 

تتم معرفة عدد الحوادث ان وجدت مع وجود صور الحادث وحتي الاطراف في كل حادث

والسلام عليكم ورحمة الله وبركاته


up 1 down 0
abudhbi 98
قبل 6 سنه و 6 شهر



ياشيخ حقين المرور مهم فالحين غير بالقسايم
حتى( بعضهم )لو يشوف ابوه ملبق غلط صكه قسيمه النظام نظام يابوي
هههههههههههه
..................................................... .......................
وكلامك ذا لو يطبقونه بتخف الشكاوي والمشاكل بسبب الغش
لكن بلاك من الشريطي اللي عنه ورشة له ويشتري مصدمات ويسويها بدون ورقه
ويبيعها لك بسعر اللي ماجاها حوادث ويحلف ماجاها صدمات 


up 0 down 0
وائل ..... 303
قبل 6 سنه و 6 شهر



السستم عطلاااان 
هههههههههه...


up 0 down 0
ولد العرب 175
قبل 6 سنه و 6 شهر