أضف سؤال أو موضوع جديد          

مشكله ميكانيكيه عجزنا نحلها

up 4 down 2
mt3b bn man8or 437
قبل 6 سنه و 12 شهر



السلام عليكم ورحمة الله وبركاته. اخوي عنده كورولا 2015 صار حادث لها من الرفرف اليمين والكفر وسمكرنا السياره تمام  بس باقي مشكله الكفر الامامي اليمين فيه فضاوه وديناها مكيانيكي قال رمان وغيرناه وضبط ويومين ورجع يخرب ورجعنا له قال اكيد فلنجه وغيرنا مره ثانيه رمان مع فلنجة اصلي ويوم واحد ورجع يخرب مره ثانيه ولا احنا عارفين وش المشكله يقولون احتمال عكس لاكن العكس سعره غالي 1600 ريال ومانبي نخسر مره ثانيه يكون مو منه اذا احد يعرف بالرياض مدورشه تمام جزاه الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


2015 باقي على الضمان في الوكالة .. مر على الوكالة وقل عندي العكوس خربت .. امس مريتهم وغيرت المساعدات على الضمان... المساعدات العكوس والبطاريه كلها تشملها الضمان بس على حسب مزاجية المهندس..


up 1 down 1
الفراعنه 315
قبل 6 سنه و 12 شهر



مر الوكالة ماراح تخسر اذا ماغيروا لك القطعة على الضمان بتستفيد انك حددت القطعة اللي تحتاج تغيير احسن من الورش اللي يتعلمون في سيارات الناس


up 0 down 1
hyh634 5
قبل 6 سنه و 12 شهر



ماتوقع يشملها ضمان وجايها صدمه


up 3 down 0
mt3b bn man8or 437
قبل 6 سنه و 12 شهر



قل لراعي الورشه ( السباك ) مع احترامي الشديد له

ان كنت ماتعرف المشكله لا تخسرني

قل ما اعرف وخلاص وكفا الله المؤمنين شر القتال

وودها عند واحد ثاني وثالث من الخبراء وان شاء الله يحدد المشكله 100% مو ( يمكن ) عكس ولا يمكن ..... الخ

لا , يحدد لك المشكله 100%

واشرط عليه مثل العالم ( لا تخلي حقك يروح ) اعرف حقك يا غالي واشرط عليه

لو ما صلحت ( تدفع لي اللي خسرته )

يعني ان كنت تبي تجرب وتتعلم على سيارتي و انا اللي اكلها خساير ومصاريف 

لا شكرا قولي ما تعرف وخلني اوديها عند واحد كفو و يوافق على هالشرط

اما انت الكسبان كذا

كل شوي تقولي ممكن هذي وممكن هذيك وتاخذ حق شغل يدك

كلامي واضح

تعرف المشكله , ولا لا , اذا تعرفها توكل على الله وصلحها , لكن ان خربت بعد يومين ترجعلي كامل فلوسي لاني ماني بنك ولا ني قاعد اصرف عليكم وتجون تتعلمون على سيارتي

انا رجل عندي ضروفي وعندي مصاريفي و جدول , لا تحرجني ولا احرجك , وصل الله وبارك على سيدنا محمد


up 6 down 2
ابو يزيد 000 8712
قبل 6 سنه و 12 شهر



ابو يزيد ، كلامك من ذهب
اختصرت الاجابه


up 4 down 1
Abu-Saad-212 387
قبل 6 سنه و 12 شهر



أخي صاحب الاعلان انت اصلا ماحددت العطل ولاقادر تفهمنياه *** يعني كيف فضاوة بالكفر ** يعني يطقطق بالمطبات ولا مايمسك فرامل * ولا صوت جرشة اثناء المشي * ويسخن *
 واذا تركت الطارة هل يحذف يمين او يسار ** كلها لها مدلولات بالعطل **


up 1 down 1
hosam200 1742
قبل 6 سنه و 12 شهر



يالغالي انا من ناحيتي عندي تجارب سابقه بالرمان تشخيص الميكانيكي صحيح
الرمان والفلنجه لكن المشكله بالمخرطه هي اللي ماكبست الفلنجه على الرمان زين



up 0 down 0
أحمد-حائل 273
قبل 6 سنه و 12 شهر



لما ترفع الكفر وتحركه فيه فضاوه وفيه صوت ونه مع المشي ولما تمشي فيه صوت خرفشه خفيفه ومع الفرامل صوت طقطقه 


up 0 down 0
mt3b bn man8or 437
قبل 6 سنه و 12 شهر



ارفع السياره على العفريته من قدام وامش بالسياره ان طلع لك الصوت اللي تقول عليه راح يكون من الرمان واللي معه قير عادي يرفع السياره ويعشقها بالرابع ويمشي والجلنط مسحوب ويبين معك اذا هو رمان او لا 


up 0 down 0
ابو سعود629 4708
قبل 6 سنه و 12 شهر



عن نفسي صلحت رمانات مرتين امامي وفلنجه خلفي مره 

بس ماعمرها سببت فضاوه تجيب بس بدايت خرابها ونه خفيفه وخلال شهر تجيب هزه 

اما الفضاوه 
1 الاذرعه مع الصدمه 
2 مجموعه الدركسون احتمال انها تحركت من مكانها هاذي الي تسبب فضاوه 

وتاكد اكثر من مره عند مهندسين 


up 0 down 0
tttt35035 1061
قبل 6 سنه و 12 شهر



اما اللي يقول اشرط عليه اذا ماصلح يدفع اللي خسرته 
وين اللي بيقبل هالكلام فريت على كل الورش وقلت لهم هالكلام ورفضوا يشتغلوا فيها
خلونا نتكلم بعقل وش بتسوي بهالحالة ؟؟ الشكوى لله ورش كلها سباكين  
دور الورش اللي فيها سعوديين مايجي سعودي بورشة الا فاهم ولاتأخذ بكلام واحد مر اكثر من ثلاث اواربع ورش 



up 0 down 0
المنطق يقول 728
قبل 6 سنه و 12 شهر



المشكله عندك من العكس 100% والظمان ماراح يصلحونها للك لان السياره انصدمت على نفس الجهه الي يخرب فيها الرمان ماللك حق تطالبهم بشي عدم المؤخذه والي صاير عندك العكس فيه خلل بسبب الحادث ماهو موزون فيه اعوجاج وهذا الي يخرب الرمان اذا غيرت الفلنجه ماباقي الاالعكس مافي غيرهم الي يخرب الرمان الله يعينك على سعر العكس


up 0 down 1
سعمران افندي -82
قبل 6 سنه و 12 شهر