الفرق بين السيارات الامريكيه والخليجيه

انت ذكرت بعض مواصفات وارد السيارات الامريكية ولم تذكر الفروق بينها وبين السيارات الخليجية.

معي كامري امريكية 94 سته سلندر فيها ارباقين ومثبت سرعة ومكيف لمس وتشغيل الأنوار مجرد ما تشتغل السيارة بالليل وتطفي مجرد ما تطفي السيارة وكل هذا موديلها 94 !!! 


الوالد معه كامري 96 سعودي لا يوجد ارباقات ولا يوجد مثبت سرعة ما غير مكينه وقير ومكيف !! 

لاحظ الفرق 

و عليكم السلام و رحمة الله و بركاته

انت تقارن سوق يهتم بالجوهر ويجبر تجاره على ذلك بسوق ما يهمه الا المظهر؟؟؟؟؟؟

صدقت يا أخوي معالم التقنية ولك أحلا لايك

كلها كامري سوناتا اكورد الامريكية تجي بمواصفات امان عاليه واكسسوارات كثيره


ممكن الوكيل مايضيف المواصفات هذي حتى ما تتجاوز سعرها المعقول

خذ مثال على السوناتا الجديدة زادت مواصفاتها وصارت الفل ب108 الف وقبل كانت ب94 الف

عندك الافالون عند عبداللطيف جميل ب140 وعند البازعي تزيد برادار وتشغيل عن بعد نفس الخليجيه والامريكيه وسعرها ب155 الف

فهذا ممكن احد الاسباب الي يجعل بعض الوكالات زي تويوتا تجيب بعض السيارات بمواصفات اقل

كانت معي موستنق 2011 ايام امريكا وكان مكتوب على غطاء الرديتر بالعربي تنبيه ......
وهذا يعني ان شركة فورد تسوي نسخه وحده للشرق الاوسط وامريكا وهذا احترام من الشركه والوكيل للعميل

شكراً شركة فورد

غير صحيح يالجهني

الفيكتوريا والماركير السعودي ايرباقين فقط

الامريكي فيه ايرباقات جانبيه

كانت معي كامري امريكيه LE اربع سلندر فل كامل
جنوط+جناح+مراتب جلد+مثبت سرعة+مسجل كبير CD
و القير في زر للباور مهو مثل المواصفات اللي عندنا
اشتريتها مستعمله ب30 الف ثاني مستخدم
راعيها الاول مشتريها من قطر جديدة ب56 الف
و الوكالة عندنا كانت تبيع نفس الموديلGLI
 قزاز اوتو و قير عادي ب58 الف اذكر في طالب اخوه الكبير اشتراها بدا السعر

اخوي معروف هالشيء ان السيارات الامريكية والخليجية تختلف

لان في امريكا فيه ناس لها ذمة وضمير وليس تفكيرها مادي بحت فقط

يعني يطلبون من تويوتا او اي شركة سيارات مواصفات دني وهالمواصفات الدنيا اللي عندهم هي الفل عندنا وحدث ولا حرج

ولاتنسى ان المستهلك الخليجي والسعودي تحديداً لا يعلم ماله وماعليه لان اغلب من يشتري السياراتات هنا للاسف مايهمة المواصفات بقدر مايهمة اللامة

يعني مثلا محبين الربع والشاضص والهايلوكس اهم شيء يكون معه هايلوكس فيه ايرباق مافيه مايهمة ولا يسأل حتى

فبالطبع بالمقابل فيه وكلاء استغلو هالشيء

ودام محد يشتكي فيستمرون

السبب في كثرة مواصفات الامان

في السيارات الي تباع بامريكا مقارنة بالخليج

هو وجود انظمة ومواصفات مشددة عندهم على

هالموضوع ، غير كذا رفع الدعوة القضائية في امريكا

حتى لو بسبب شي تافه من اسهل الامور والشركات

تخاف من هالموضوع ودايما تحسب له الف حساب لان دعوة

قضائية وحدة يمكن يخسر الشركة ملايين الدولارات

وكلنا نذكر كيف طلع رئيس شركة تويوتا وبكى قدام الناس

والتلفزيون 

السيارات اللي مواصفاتها خليجيه زي البيت اللي بدون اثاث مافيها غير انها تمشي

ويقولون اكثر الحوادث المميته في السعوديه ليش طيب بلاه من ه السيارات اللي تجيبونها

مشلحه ولا وسائل سلامه ولاشي ولا يحطولك ارباقين وتصدم وتنقلب عشرين مره ولايطلع 

والله عندنا غش بشكل رهيب  اتوقع اكثر بلد فيه حوادث والغشامه عندهم فل روسيا طيب ليش

مايقولون الحوادث المميته عندهم لان ياحبيبي سياراتهم ملغمه ايرباقات ووسائل سلامه مانعرفها حنا 

احنا شعب مانحب نطالب بحقوقنا او انه مسحوب علينا مادري في اشياء غريبه واسئله تدور في راسي مالقيتلها جواب !!!!!!!