أضف سؤال أو موضوع جديد          

ممشى السياره

up 4 down 2
tke-tke 47
قبل 7 سنه و شهر



سلام عليكم ورحمه الله وبركاته
انا بشتري موتر مستعمل كامري من 7 الى 10 لاكن عندي سؤال وهو 

هل فيه فرق بين لما اشتري موتر ماشي 200 والثاني 400 وش بيكون الفرق 

يعني عمر السياره مثل الكامري حوالي 550 الف كيلو وتبدا الخرابات تجي او كيف لاني اشوف انها ماتفرق 200 عن 00 او 500 او 100







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل ماكينه ولها عمر معين ، وكل ما قل الممشى كل ما عمرها بيكون أطول
وبصراحه الطامه مو بالممشى ، المشكلة براعيها الأول
اذا كان بزر ما آخذ منه الموتر وأدورلي شايب لأن سواقتهم أهدى
يعني ممكن تحصل المكينه ماشية 200 وصاحبها بزر وراعي زرزره ، ومكينه ثانيه ماشيه 400 بس شايب وسواقته على قده
أكيد بتحصل الـ 400 انظف
فهي حسب الممشى وراعيها الأول وسواقته ...



up 3 down 1
Abu-Saad-212 387
قبل 7 سنه و شهر



الفيصل في الموضوع هو كيف الاستخدام والصيانه

في مواتر ماشيه على ٨٠ و ١٠٠ تلاقيها معدومه و فيه مواتر على ٣٠٠ تلاقيها نظيفه و مشدوده بسبب العنايه والصيانه ورجل واحده عليها ،، وهذيك من يد في يد .

عموما افحص واكشف على السياره زين وابعد عن سيارات الايجار تلاقي مشيها قليل واذا بتشيك على عدد الملاك للسياره فيه رقم للمرور ترسل له رساله يحددهم لك ،،،


up 1 down 1
panamira 1906
قبل 7 سنه و شهر



يعني الممشى يهمني في المكينه

طيب الفحص يحدد قوه المكينه مثلا 70 80  ووش القوه المناسبه عشان اشتري 


up 1 down 0
tke-tke 47
قبل 7 سنه و شهر



سيارةً مستعملةً ماتعرف صاحبة
لكً اللهً
انتً وحظك 
وانتً افحص الموتر فحص شامل


up 2 down 0
باترول 2020 2623
قبل 7 سنه و شهر



سيارات ماشية فوق 250 توقع باي لحظة تؤضب قير او مكينة 

وش حادك على سيارات مكروفة 


up 2 down 0
albroker99 743
قبل 7 سنه و شهر



الكوامري غالبيتها ممشاها كثير و قبل سنه و نص كنت خاط عيني عليها موديل 2010 او 2011 و انصدمت من المشي و لقيت ممشى متوسط و لكن اسعار فلكيه و لا اي نقطة فخامه و مكينه عاديه و حتى مقاعد جلد مافي و سماعات ضعيفه و مشلحه يعني لو تشوف الكامري الامريكي تعوف السعودي و الحمدلله غيرت اختياري و حامد ربي ليومك هذا 
لذلك انصحك اذا مره مصمم على كامري خذ اصفار او موديل 2014 
و ابعد عن القديم تشوف الخير لان اغلب اللي يشترون الكامري على بالهم انها للانتقام و التكسير و لا تخرب بينما العكس 


up 1 down 1
rraammooss 965
قبل 7 سنه و شهر