الاف جي 2015 جدة

الفطيمي فيه خاصية نظام الزحف وماطور هواء مركب بالشنطة... يبي لك تمر على المعارض وراح تحصل كل الموردين البازعي يجي وكالة تشغيل عن بعد ويعتبر هو الاغلى بين الموردين كلهم ...

تلاقيه ب ١٢٠ و حولها 
لكن مع عروض رمضان مانب متاكد

الله يعطيكم العافيه 
حسب ماقريت حددت خياراتي 
سعودي او فطيم والكفه ترجح للفطيم بحكم سعره المناسب
بشوف المعارض اليومين هذي 
والله يكتب فيه الخير 

اخوي انصحك ب اف جي ٢٠١٥ سعودي من عبداللطيف نصيحه لك انا الان معي واحد ٢٠١٥ من عبداللطيف عليه عرض صيانه مجانا لحد ٧٠ الف يغيرون الزيت وكل شي فلاتر وزيوت على حساب الوكاله عرضهم جدا مغري وممتاز 
واللي يقولك اليحي واليسر يجي فيه نضام زحف بس مايجي فيه تحكم من الدركسون للمسجل يعني يحطون لك خاصيه ويسحبون خاصيه ويجي استاندر ويركبون لك نضام زحف وماطور هواء فالخلف وصاجه وقالك فل كامل 
انصحك لاتاخذ الا من عبداللطيف انا فريتهم كلهم اقتنعت بعد محاوره معهم ومع ناس حصلت عبداللطيف افضل مورد ومواصفات وضمان 

الله يعطيك العافيه ابو شاكر
العرض حلو صحيح لكن اعرف نفسي ماراح انتظم فيه
اشغل وامشي والزيت اغيره باقرب مركز
على كذا فكرت اشتري الفطيم واوفر 10 الاف بجيبي
استفيد منها في تضبيط السياره من تضليل واكسسوارات بسيطه

امس العصر لفيت معارض جدة الاسعار غاليه جدا 
السعودي 2015 فل كامل 149000 ريال
لقيت اف جي سعودي 2014 رقم واحد زيرو  132000 ريال
وارد الفطيم 2015 فل كامل 147000 ريال جاهز باسمك