افحص سيارتك قبل الحر...

ولا زالت الجراثيم تمارس هوايتها بإعطاء دسلايك *_^

اشكرك اخوي على هذا الموضوع الجميل و الي جا في وقته و عندي كذا نقطه اعقب عليها :
في النقطة 1/ الزيوت تقدر تمشي عليها 5000 كلم بشرط: عدم ترك السيارة شغاله وقت طويله اكثر من 5 دقايق و ما تدعس كثير و ما تسرع كثير فوق 120 .
في النقطة 3/ اذا كانت سيارتك على يدك وكاله تغير المويه كل 3 سنوات مع بلف حرارة و غطاء اصلي من الوكالهز
تسييخ الرديتر انتشر من سنوات و عرف انه الحل لمشكله الحرارة في الرديتر لكن انا ابين لكم خطورته ، فتحات الرديتر مفلطحه ()()()()()() و اذا سويت لها تسييخ تتحول الى OOOO و اذا صارت بالشكل الدائري قلت نسبه الهواء الي يمر بين الفتحات و يسبب حرارة نسبيه .
س/متى تحتاج تنظيف لدوره التبريد (تسييخ - غسيل ) ؟ 
اذا اضفت مويه غير مقطره كثيره او لمده طويله - تغير لون المويه الى البني او البرتقالي ( صدا).
س/متى اغير الخراطيش ؟
اذا كانت قاسيه مره (تشقق ) او لينه مره (تنسفط بسبب قوه سحب الطرمبة فا تقل كميه المويه الى تمر داخله ).
في النقطه 6/ غسيل السيارة في الظلال و هي بارد لتجنب التاثير على البويه ( بسبب حرارة السيارة او اشعه الشمس المباشرة) و معادن السيارة ( بسبب حرارتها ).
في النقطه 8/ لا تخاف و عبي فل و لكن اذا قفلت الطرمبه حقت المحطه لا تزيد ( بعض الناس يقول ما اخليه يسرقني بنص ريال ). في السيارات نظام تهويه و حساسات و صمامات تهويه و تسحب الغازات المتطايره من البنزين و تجمعها و وقت تشغيل السيارة ترسلها لتحترق فلا تخاف من الضغط المشكله فقط في الزياده عن قفله الطرمبه .
في النقطه 9/ لكل سيارة لها مقاس كفرات و تحمل و سرعه و ضغط معين ،مثال : الضغط الموصى للكفر البارد 32 و طيب اشتريت كفر صيني او رديء خليه 30 اذا كان الموصى 30 لا تغييره . زياده نفخ الكفر تسبب انفجاره بسبب زياده ضغط الهواءبسبب الحرارة و نقص ضغط الكفر يسبب انسلاخه بسبب ان الالياف المعدنيه المكونه للكفر تحتر. و يجب معايره الكفر في الصباح او بعد 5 ساعات من وقوف السيارة و اذا بتروح لبنشري حاول ما تسرع و تكون المسافه خلال 1.6 كلم   
في النقطة 10/ تغيير الزيت مع الفلتر مهم جدا كل 40-50 الف و تركيب مبرد قير جوده ممتازه اذا كان المبرد داخل رديتر المكينه .

-احسن الزيوت: شل هيلكس و بترومين .
-افضل عيار زيت مناسب للمكينه حسب الكتالوج و ابتعدوا عن تغيير الزيوت في الوكالات و السيارات من فوق موديل 2000 ما تستخدم زيت 20-50 اما في حاله استخدامه لفتره طويله استمر عليه ولكن للسيارات الجديده يضرب الطرمبه و تاكل و حرارة نسبيه.
-المويه الاصليه لوحدها تسبب حرارة المقطره لوحدها تسبب حرارة افضل انواع المويه ( ميتسوبيشي - بريستون - بنز ) و خلصها بنسبه 50% مع مويه مقطره .
- تركيب المراوح لازم معها كتاوت اصلي و اسلاك متينه و مسافه امنه بينها و بين رديتر المكيف و يفضل ان يكون لها فاصل من الداخل تشغله وقت الحاجه .
- في حاله تغيير مويه الرديتر لازم تنسم الهواء 100% و لا راح ترتفع الحرارة .
- اذا نويت تغير سير او جنزير المكينه يفضل لمصلحتك تغيير طرمبه مويه اصليه و فحص البكرات اذا سليمه و فك كرتير زيت المكينه و تنظيف شخال طرمبه الزيت . 
 
 و اي ملاحظه او استفسار لا تبخلوا علي