أضف سؤال أو موضوع جديد          

نصب الورش كيف تأخذ حقك تجربه مرت علي

up 41 down 3
ftfr999 270
قبل 4 سنه و 5 شهر



السلام عليكم أخواني بعرض لكم تجربتي مع نصب الورش والطريقه الي استطعت
اخذ فيها حقي كامل والكامل وجه الله 
كان معاي برادو ديزل تماتيك تيربوا حبيت أحوله الى عايدي رحت لصناعيه الثانية 
بالرياض واجي عند سوري قال 4 ألاف يال يركب لي قير عايدي 5 سرعات مع تزبيط الكلتش 
الدعاسه وياخذ قيري وقيري مافيه شي بس مجر تغيير من تماتيك الى عايدي 

المهم أتفقنا وجيت اخذت الموتر وطلبت فاتورهـ ويسجل عليها ضمان عطاني 15 يوم
مرت 5 أيام فقط قام الترس الرابع يفلت رحت له وهو جالس يشرب معسل وكلمته 
وهو والله ماهو معبرني وبطيب جيته قال أصلحه لك قلت لا خذ قيرك ورجع قيري 
متفق معاه إن حصل شي وقت سريان الضمان يرجع قيري قال مالك قير عندي

وتصليح ماني مصلح الحقيقه يأخوان إني حكمت عقلي لو ضربته يبي يستغل الفرصه
قلت طيب تبي تشوف العلم إن شاء الله 

رحت لشرطه وعطوني ورقه لشيخ الصناعيه ورحت له وفحص وسجل تقريرهـ
القير يأخوان مجمعه تجميع وحق هيلكس دبل وسبحان الله 15 يوم الضمان وهو توقع 
أنه يخرب بعد ماينتهي الضمان لكن ضرب قبل لاينتهي الضمان 10 ايام

عطوني أستدعاء أسلمه له رحت له ولمن شاف الموضوع جد تغير في التعامل 
قال ياعمي خلاص اجيب قيرك اصلح وملام جميل قلت مافيه جيتك بالطيب 
ونت فوت الفرصه الوعد بالشرطه حضر للقسم مع كفيلة ولم يتم الصلح لاني مصر \
أنه يرجع حقي حولونا للمحكمه وعقدة جلسه وحكم الشيخ انه يرجع لي 3000 ريال
وأخذ قيرهـ لانه قال لشيخ أنه باع قيري 
رحت التشليثح وشريت لي واحد سعودي وركبته 3000 مع الرجيع 
والحمدالله 
الزبدهـ يأخوان لابد أن تطلب الفاتورهـ لمن تصلح سيارتك في أي ورشه 
الفاتورهـ تحفظ حقك البعض يستهين ويضيع حقه 
هذا والسلام عليكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الفاتورة الفاتورة الفاتورة الفاااااااااااااااااااااااااااااااتورة
والختم

لو تشتري سلك شاحن مستعمل ومقطوع
اطلب فاتورة  ..

تعجبني انك حكمت عقلك ولا ضربته  


up 23 down 1
معرض بن نبات 44
قبل 4 سنه و 5 شهر



عمال كلاب ومايخافون الله
يهايط واذا شكيته يتمسكن 
لو من البدايه عطيتني حقي ماشكيتك ولا تعبت عمري وعمرك
لكن هم طايحين بناس ضعوف ويحسبونك مثلهم


up 6 down 3
ابو كاس 137
قبل 4 سنه و 5 شهر



ابو كاس الله يسامحك لا تعمم على الجميع ترى فيهم الزين وفيهم الشين
والميكانيكيين لازم تفتح مخك معاهم بمعنى اذا انت شاكك في شغله ومصداقية كلامه خلك على راسه داوم عنده 
وبالنسبه لصاحب الموضوع المفروض تاخذ اقل شي شهرين ضمان ما تاخذ اسبوعين
ومو من حقه يبيع القير تبعك لانه بينكم اتفاق اذا فيه شي يرجعه لك وتعطيه تبعه
انا لو منك اعترض على الحكم بتعويضك فقط ٣٠٠٠ الاف ريال
المفروض تاخذه جديد للنه الطرف الثاني اخل بوعده وباع القير من قبل ما ينتهي الضمان
والله اعلم بكم باعه


up 8 down 2
t o m a h a w k 756
قبل 4 سنه و 5 شهر



والله انك بطل +1 لايك للجميع


up 1 down 1
Abu-Nawaf 339
قبل 4 سنه و 5 شهر



جزاك الله خير         


up 1 down 1
توسان 2011 1932
قبل 4 سنه و 5 شهر



وانا اخوك انا شايف ان هذا اللي صلح الموتر ماهو جيد 
وانت حكمت على الجميع من شخص واحد 
ابك يا رجال في ميكانيكي سوري في صناعية شبك المطار 
الدور عليه سيرا ومعروف تصليحه افضل حتى من الوكالة 
قسما بالله مرة بغيت اشتري موتر ورحت علشان يفحصه لي 
ماعنده فحص كمبيوتر وخرابيط رجال فاهم شغله 
قال دق سلف - وبعدها قال ادعش شوي بانزين 
ولا فحص ولا شي قالي لا تاخذ الموتر فيه مشاكل وعدد المشاكل كلها وهو ما قرب الموتر 

والله اني ما صدقت في البداية كلامه ورحت محل ثاني لاني شايف الموتر نظيف وفحصته كمبيوتر ب350 ريال 
وكل كلمة قالها الرجال السوري صحيحة 
واني انصدمت مرة ان كيف هذا كذه 
ومن يومها اي شي في الموتر او اي احد ارسله لمه 

انت طحت بواحد نصاب وضحك عليك 
ولازم عارف وين تودي موترك حتى لو اغلى شويتين من السوق ولكن خذه عند واحد صح 
ما تودي لمصلحين اي كلام 


up 8 down 2
ابو راكان - 51
قبل 4 سنه و 5 شهر



يا رجل لو ببلاش ماصلحت عنده دامه سوري ، السواريا والمصاريا قلما تجد عندهم ضمير صاحي ، لم اعمم على الكل ولكن قلما ، ابعد عن الشر وغنيله ،


up 10 down 7
wooow.r 157
قبل 4 سنه و 5 شهر



الله يعطيكم العافيه ع الردود اخواني 
الحقيقه لازم الواحد يسأل عن الورشه الي لها سمعه زينه 
وياخذ فاتوره مختومه تحفظ حقه 
اخوي توماهوك بنسبه لضمان رفض يعطيني شهر 
قال 15 يوم شهر اذا وضبت لك القير

اخويوعبدالقادر 


up 1 down 0
ftfr999 270
قبل 4 سنه و 5 شهر



الله يعطيكم العافيه ع الردود اخواني 
الحقيقه لازم الواحد يسأل عن الورشه الي لها سمعه زينه 
وياخذ فاتوره مختومه تحفظ حقه 
اخوي توماهوك بنسبه لضمان رفض يعطيني شهر 
قال 15 يوم شهر اذا وضبت لك القير

اخويوعبدالقادر 


up 0 down 0
ftfr999 270
قبل 4 سنه و 5 شهر



اخوي عبدالقادر بعد 3 شهور اخذت حقي ماتهمني المده الي يهمني 
اني اخذت حقي منه بالقانون وبتحكيم العقل لوضربته واخذت حقي بيدي 
كان صرت المتهم ولا حصلت شي منه ابي الفكه منه ويتنازل عني 


up 1 down 0
ftfr999 270
قبل 4 سنه و 5 شهر



صحيح يابوراكان ماهم سوى العمال فيهم الفاهم لشغله والامين 
وفيهم النصاب والي مايعرف يشتغل 
لكن الافضل الواحد يشووف الورشه الي سمعتها زينه وضمانها ممتاز 
وعمالها شاطرين في شغلهم 


up 1 down 1
ftfr999 270
قبل 4 سنه و 5 شهر



قير مكينه دورلك افلبيني ناس شغلها شغل وكاله 
اما أخواننا العرب مالهم بالسيارات لامن قريب ولابعيد
الهندي على حسب مو كلهم تحصل الشاطر الفنان وتحصل الكمخه ههههههه

والله تصرفك يدل على وعيك ومعرفتك بالامور
مو بعض الناس من اول مايعصب مد يده ومع مدت يده ضاع حقه عليه 
والفاتوره مهمه بالحيل خصوصآ الاشياء المكلفه مكينه قير دفرنس


up 3 down 2
المنطق يقول 724
قبل 4 سنه و 5 شهر



هو الحين مستفيد من هذا الحكم 
اخذ منك 5000 
وقيرسيارتك الجديد وباعه وشوف بكم 
وعطاك قير مضروب و3000 




الشيخ ماتوفق في الحكم ناهيك عن الفتره اللي جلست تطالب فيها



up 2 down 3
pt 2011 1389
قبل 4 سنه و 4 شهر



لو اني مثلك بعد ما اخلص اجيه اضربه اعلمه ان الله حق وغط لوحه السياره


up 0 down 2
ابونايف... 211
قبل 4 سنه و 4 شهر



الله يعطيكم العافيه ع المرور والتفاعل مع الموضوع اخواني 

المنطق يقول / صحيح الفلبيني شغله عدل بس جيب له بيبسي واقعد تفرج بشغله 

pt 2011 / دام اني وصلت للمحكمه فأنا وخصمي بذمت الشيخ ونا أقتنعت 
والحمدالله عوضني ربي واعتبر الي حصل درس لي تعلمت منه الشي الكثير 

ابونايف / هههه يارجال خله ربي يحاسبه وتحاكمنا ونتهينا لو ضربته 
ولاقدر الله مات ولا صابته عاهه ماراح يفيد الندم وقتها 
الشديد من يملك نفسه عند الغضب هذي وصية الرسول صل الله علية وسلم 



up 3 down 1
ftfr999 270
قبل 4 سنه و 4 شهر



الشديد من يملك نفسه عند الغضب ،، هذي وصية الرسول صلى الله عليه وسلم ___ الله عليك ياوحش كلام سليم والله ليسسس الشديد بالصرعه ابدا



up 3 down 0
morphine-coffee -48
قبل 4 سنه و 4 شهر



كم من شديد ع قولتكم اكل هوى وجاب العيد بالقتل الخطا وقام يتبكبك بعدها يدور الديه اللي تفك رقبته




up 1 down 0
morphine-coffee -48
قبل 4 سنه و 4 شهر