استفسار بخصوص اف جي تويوتا

60 وتبي افجي نظيف ماتحصل حتى لو تحصل يالله تجيب 2007 

خلاص 8 سنوات تكرف في البر وش ترجي منها 

دور لك موديل حدث وكل السيارات تطيح سعرها لكن القديم تصلح الخربات مقابل طيحت السعر

شركات التأجير ما تقسط لك أقل من موديل 2010

يقسطون آخر 5 موديلات

60 تحصل موديل 2007

فيه شيء منهم ما قد نزل البر خصوصا عندنا بجدة كثير جيوب ما قد نزلت البر ولا اشتغل الدبل فيها

ماخذينها فقط استخدام داخل المدينه ونظيفه 

لكن بالشرقية والرياض والقصيم وحايل بالغالب تكون نزلت البر كثير

فيه خيار ممتاز عندك الباجيرو سياحي تحصله بالمعارض ب80000ريال جديد اصفار
اما تبي تاخذ مستعمل واقصاد ما انصحك

اسألك بالله الحين ماهمتك راحة الركوب والرساوة والقيادة وعملية الموتر

تفكر في كم الف بعد خمس سنوات ، اسمح لي تفكيرك عقيم !!

يعني هل باعتقادك ان اف جي 2007 مكروف على وجهه في البران 8 الى 9 سنوات بيصبر معك وبيكرف مثل الجديد

قيمة القطع الاستهلاكية اللي بتدفعها فيها حقت تغيير زيوت لموتر جديد سنة ونص قدام


فكر بعقل شوي الفلوس تروح وتجي اهم شي اشتري اللي يعجبني ويريحني ، وش يضمنك هالاف جي يقعد معك خمس سنوات يمكن لاقدر الله يروح تالف ولا تشليح وش بتستفيد لنتاب اللي متعت عمرك ولا استفدت من فلوسك

راجع حساباتك

بالتوفيق

يعني ياجماعة ماتنصحوني اجيب مستعمل اقساط .. واجيب اي سيارة جديدة اقصاد حتى لو تطلع القيمة الاجمالية كبيرة ؟

اوكي تاخذ مستعمل اقساط وتكمل قصده اذا كان مناسب لك بس مهب معناها تحطها في اف جي مكروف وبعدين وين بتلقى 2007 لين الحين يقصد تلقى راعيه خلصه وكرفه والحين يبي الفكه الا من رحم ربي

اذا كان يمديك تاخذ لك قرض شخصي من البنك فائدته قليلة وبقيمته تاخذ مويتر يحبه قلبك جديد ولا اخو الجديد واستخدم وعش الحياة والله يلحقنا خير عقب خمس سنوات ماتدري الظروف وش تصير لاتفكر في البيع وتجبر نفسك على موتر ماتبيه ولا يستاهل

انا بعظمة لسانك تقول انك بتدفع دم قلبك يعني معناتها تبي موتر يريحك ما تدفع فيه الا شي بسيط زيوت وغيره

لكن السؤال الاهم هو انت كيف استخدامك هل انت عايلة متزوج تحتاج موتر كبير عشان ندلك لكن اف جي 2007 شله من بالك انا اقول لك اياها من الحين ، اتحداك تطلع لي اف جي 2007 نظيف وصفطه وراعيه مهب حاده بغالي

انتظر ردك بالتوفيق