أضف سؤال أو موضوع جديد          

تجربتي للافادة عن كيفية شراء سيارة مستعملة

up 14 down 2
abdoahmed 133
قبل 6 سنه و 8 شهر



السلام عليكم 
انقل لكم تجربتي في البحث عن سيارة مستعملة وبعض الارشادات لنستفيد جميعا ان شاء الله
اولا حدد هدفك............. ماذا تريد ..الماركة.. الموديل.. الحالة ..السعر في حدود كم ..  المواصفات ..الخ ولا تشتت نفسك ومجهودك
ثانيا ابعد عن الاعلانات غير مكتملة التفاصيل لانه في الغالب راعي السيارة يخفي شيئا اما عن عمد او غيرقصد المهم انها غالبا ما راح تناسبك وتخسر وقتك ومجهودك
ثالثا لازم يستوفي الاعلان حالة الجير والماكينة والبودي والمكيف والفحص والاستمارة والممشي والعيوب وكم تتكلف  ..الخ وان لم يذكر يجب الاستفسار قبل الذهاب
ولا تذهب ابدا لسيارة لم يتم رفع صور كافية لها ودعك ممن يقولون ما قدرت ارفع الصور قد يكونوا صادقين ولكن - في الغالب وعن تجربة -  السيارة بها مشاكل شكلية بسبب سوء الاستعمال او حوداث الله يسلمكم جميعا
رابعا مهما كانت ثقتك في البائع ..افحص السيارة عند متخصص وامين ..لان الفحص يكشف ما لا يعرفه البائع والمشتري ..ويوفر عليك متاهات بعد الشراء انت في غني عنها.
خامسا ..ضع في حسابك خدمات وكيل السيارة وتوفر قطع الغيار بسعر معقول قبل الشراء ..اسال عن افضل الوكلاء - وهم معرفون -  وعن قطع الغيار وسهولة الصيانة.
سادسا ..لا تستعجل وعليك باستخارة الله عز و جل ومشاورة اهل الخبرة من الاخوان الامناء.
هذا ما يحضرني الان واتمني ان اكون افدتكم ..وكل الترحيب باضافاتكم الكريمة من خلال التعليقات لتعم الفائدة..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزيك خير ويكثر من امثالك


up 1 down 0
the sea 555 23
قبل 6 سنه و 8 شهر



اكثر اللي بالموقع طماعين او كذابين وانا لي اكثر من شهر ادور موتر عائلي وكلمت اكثر من 10 اشخاص ولقيت اكثر السيارات مصدمه وفيها بلاوي لليل وواحد واعدته اشوف الموتر واعطاني النية وكل شوي مرسلي رساله ويقول انسام باكثر وارفع لرغبتي بالموتر لموديله ومشيه القليل وحتی وصله بسعر خيالي لا وكل يوم يواعدني ويكذب لكن حسبي الله عليه اشغلني واخذ من وقتي وفي الاخير الحمد لله شريت من معارض الرياض اطلق من موتره وباقي ضمان الوكالة الی 2018
يعني حدث ولا حرج العينات النصابة واجد بالموقع 


up 2 down 0
ابوخلوودي1 5070
قبل 6 سنه و 8 شهر



فيه مشاكل فالسياره مستحيل يطلعها الفحص وعن تجربه

ولد عمي شرى فورد 2010 من واحد صديق له ومدح السياره له وعن ثقه كانت معاه 3 سنوات
بعد ما فحص وشرى
راح يغير البواجي
جلعت 6 مسمامير من مسامير البواجي اللي فالثلاجه بايزه مكسره اسنانها ماتطلع ابد
ماكان عنده حل الا انه يفك الثلاجه كامله وانكسرت مع احد المسامير وفالاخير غيرها

هذا العيب مستحيل احد يطلعه
من بعدها صار الواحد يقول يازين الجديد لو كان غالي


up 1 down 6
شويخ من أرض مكناس 2823
قبل 6 سنه و 8 شهر



السوق ذا يعرض السيارات والسلع للبيع بالفيديو
Www.sooqtube.com
تقدر تاخذ نظرة شاملة حول السلعة قبل لاتشتري
وايضاء تتاكد ان السلعة موجودة وشغاله
وتقدر تتحكم بالعلن بحيث تطلب منه تصوير الاشياء الي تريد تشوفها


up 1 down 2
sooq4433 -1
قبل 6 سنه و 8 شهر



بيض الله وجهك ما قصرت اخوي عبدو

فيه نقطه مهمه احب الاشارة اليها ادرس مصروفات الموتر المناسب لميزانيتك 
ولا تهتم للمناظر او كلام الاخرين نعم اسألهم واستفد من خبراتهم لكن القرار لك  

كما يقول منطق الحكمه على قد لحاف مد رجليك اغلب الشباب تاخذه المناظر الكشخات 






up 2 down 0
فهد الهميمي-ينبع 91
قبل 6 سنه و 8 شهر



الي يبي سيارة مستعملة اهم لايشتري من موقع حراج وغيره من المواقع ..
صحيح يدخل هنا يعرف متوسط الاسعار ويستفيد من المواصفات وغيرها 
ويكون فكرة وبعدها على المعارض .. 
لكن هنا اغلبهم شريطية نصابين .. او شريطي متعاون الي يقول : انا مجرد معلن 
الا من رحم الله وهم قلة .. بس النحشة من الموقع هذا طيبة جدا" 


up 0 down 0
faisal_fahd -66
قبل 6 سنه و 8 شهر



جدا جدا جدا
 نصابين حراميه مايخافون الله عبدت ريال ثلاث ارباع الموقع شريطيه
ومسوين فاهمين 
معليش يعني مجموعه حقارا
يااخي كرسيدا 84 يقولك مسيومه 20الف 
المسئله وصلت استخفاف عقول الناس 


up 0 down 1
تهاااااويل 41
قبل 6 سنه و 8 شهر



انا والله شريت كم مره عن طريق هالموقع من أروع مايكون لكن كل شي في الطيب وفيه الفاسد


up 1 down 0
ابو ابراهيم2021 352
قبل 6 سنه و 8 شهر



انا مره عرضت سيارتي  كامري 2006 نضيفة  واكثر الي سام شريطية وقف سومهم على 12 الف ويقولون بالردود بع يارجال تراها جابت قيمة وحذفت اعلاني على طول بعدها 


up 0 down 0
تركي رشيد -32
قبل 6 سنه و 8 شهر



مع احترامي اغلب اعلانات السيارت في موقع حراج نصب قبل سنتين و زود بالتحديد شهر 9 عام 2012 كنت ناوي على افالون من 2008 الى 2010 فلوسي معي نزلت المعارض لقيت امريكي بكثرة طبعا ايامها التخلف فيني بسبب كلام الناس الجاهله عن الاستخدام الامريكي علما انه مافي اي فرق بين الافالون السعودي و الامريكي الا المرايات و الكشافات تطفي مع العالي فقط 
المهم قلت خلني اشوف موقع حراج و اسجل شفت 3 افالونات ثنتين 2010 و وحده 2009 كلهم مرمطوني و واحد منهم ما اسامحه لو يعطيني مال الدنيا ابو 2009 كلمته عصر و وعدني بعدها بكره قالي تعال عند ردسي مول و دق انا اجيك هناك و مشيت من مكة و انتو عارفين قد ايش زحمه و المحل بعيد و اجلت اشغال و اخذت معي واحد كبير يفهم في السيارات و الله و اوصل هناك و ادق ادق ارسل رسايل ياهوو محد حولك حسبي الله و انتظرته حول الساعه و نص و وادق على 2010 قالي تعال المعارض يقول معي شغله مع واحد هناك و دزيت و اوصل هناك و لطعني ساعه وربي و ادق يقول فيه واحد يفحص ياهوو وين وعدك و اعطيتني كلمه يقول اذا ما شرى بقابلك و عطاني سيفوووووون و الثالث 2010 وعدني عند محطة الرحيلي صبح يوم احد اذكره و جاء الوقت و سيفون و رسلي واتس قال عندي حالة وفاة و مشيت الرياض و يومين ارجع و نتقابل قلت عظم الله اجرك و سحب علي و نسيته و ادخل الواتس والله فجأة اشوف صورة العرض عنده متصور على بحر و يتميلح الله وين الوفاة قبل امي اللي طلعت لها الرياض لها الدرجة تفاول على نفسك عشان منت جاد في اعلانك و ابو 2009 اقسم بالله بعدها بيوم حدث الاعلان عالم ما تخاف الله
المهم بعدها بكم يوم كلمني خوي لي في الرياض و قالي فيه افالون 11 نظيف و ممشى قليل بس هو في الاحساء و الله و ادز بعد ما كلمت صاحبها وصلت و اكرمنا و عاينت الموتر و اتفقنا فحصت و بايعت و ايضا بعد مده صارت لي ظروف و اعلن عنها هنا لمدة شهر يدقون يوعودنك و سيفون محد يجي و اللي يجي يشوف و يترجى في السعر مع اني وقتها كنت حاط سعر اقل من السوق عشان كنت مضطر المهم طلعت الطايف عشان شغله لي هناك و امر المعارض و وقفني ولد شباب مع اخوه الكبير و تبيع قلت ايه و اتفقنا و قلب و فحص و شرى هههههه شوفو الفرق 
اغلب اعلانات اللي هنا ما يرد و جوال و لا خاص و لا عام يحسسك ان سلعته مقطوعه من الحرب العالميه الاولى سلامات غير الاسعار الفلكية و المبالغ فيها و بعيده عن الواقع 
و شريطية المخزن ماشيه 120 الف موديل 2007 و مخزن هههههه فاهمين التخزين غلط المخزن هو اللي مر عليه سنين و اصفار 
و سالفة فل كامل عدى الفتحة ههههههه
و اهم شي بودي بلد الا الصدامات و الكبوت و الرفارف و تعديل كبير اليد و رشه خارجية ههههههه

تشوف العجب هنا . سامحونا ع الاطالة و لكن من شي يفقع الكبد


up 3 down 0
rraammooss 965
قبل 6 سنه و 8 شهر



موقع حراج شريت وبعت فيه 
لاكن في الااونة الااخيرة دخلو فيه ناس مالهم مذهب
وماتدري وش يخربط مثال واحد معلن عن سيارة
وحاط حد لموترة بخمسين الف ويجيك مطفي النور
ويزود خمسة الاف طيب الرجال حاد موترة بخمسين الف
ومايقهرني الااللي يسال عن اشيا والمعلن كاتب كل
شي في الااعلان
احيانا اشك ان فيه مشاركين وهميين 

وسلامتكم


up 0 down 0
باترول 2020 2623
قبل 6 سنه و 8 شهر



مضان الماضي عرضت كورولا  2005 ستندارد للبيع على الموقع  
لقيت ناس ساموها على الموقع ب5  وواحد كلمني يمكن فوق الساعة يبغاها بخمسة  وبعدين زاد ل 6  
اقوله انت جاي تسوم 2005 بسعر كورولا 97 ؟؟ 
يقولي سيارتك تبغى شغل  قلت حتى لو تبغى شغل موديل 2005 تسومه ب 6 ؟؟؟؟؟؟

ولما شريت سيارتي الثانية  شريت من احد المواقع اللي مافيه تعليقات كلمت الرجال ورحت شفت السيارة واتفقنا على السعر 
وشريت الحمدلله 
احيانا الناس تخدعك بالتعليقات سواء تبيع ولا تشتري  
ناس تدخل تبخس وناس تدخل تسوم باسعار خيالية 


up 0 down 0
mohammad 13 523
قبل 6 سنه و 8 شهر



فيه واحد معلن عن شمعات افالون مستخدمه موديل 2008 
عارضها ب 600 و ادق ما يرد و لا ع الخاص يرد
و دخلت عليه واتس قلت كم نهايتك قال ابي 900

ههههههههههههههههههههههههههههههههههه


up 0 down 0
rraammooss 965
قبل 6 سنه و 8 شهر



قبل شوي واحد عارض ازيرا 2008 مصدومه من كل محل و مخبطه المكينة رسلت له خاص قلت تبيع الشاشه قال لا والله بعدها بشوي رسل بالنص كذا * تدري كم تدفع فيها * 
رسلت له قول كم تبي و نظافتها كيف رد لي 3000 هههههههههه 
والله لا اراديا رسلت له ( اخوي انا اقصد الشاشه مو السيارة ) ههههههههههههههه
خلاص عني اقتنعت بحق و حقيقة عن الموقع ذا لكن المنتدى غير استفدت منه كثير و اعضاء و لا اروع 
اسف رسلت كذا رد لكن وربس من اللي شفته و يشهد الله كل اللي قلته حصل معي و ما زدت بحرف واحد


up 0 down 0
rraammooss 965
قبل 6 سنه و 8 شهر



       وربي****


up 0 down 0
rraammooss 965
قبل 6 سنه و 8 شهر