شركه استفادت من اسمي سنتين

لاتقدر تاخخد حقك روح التامينات وارفع شكوى عليهم

ويعطونك حقك غصبن عنهم لو الدعوى فوضى 

كان كل شركه استغلت اسماء نااس على كيفها

روح التامينات وارفع شكوى عليهم وقلهم استغلو اسمي عندهم 

ولو عندك ورقة الاستقاله حقت الاسبوع يكون ازين وازين

طلع لك برنت من التامينات من بداية الفتره الى نهاية الفتره
وقدام شـكوى على الشراكه الى التامينات

ما عطوني ورقة استقاله ، مدير الشركه اثناء طلب استقالتي عطاني ورقه وقعت عليها ومشيت 

ادخل على موقع التأمينات وفيه قسم تقدم بشكواك
او انك تروح للشركه اللي اشتغلت فيها وتقولهم القصه وتحل المسأله بينكم بدفع كامل قيمة الاستفاده من تسجيل اسمك بالتأمينات
انا متأكد انهم بيعطونك حقوقك كامله وفوقها حبة خشم
لأن لو ثبت انهم مستغلين اسمك بالسعوده الوهميه عليهم غرامه ومخالفات

اذا ما عندك اخلاء طرف صعبه تثبت حقك

اخوي شف اذا تقدر تسوي برنت لي المبالغ الي نزلت على حسابك في ذيك الفتره خذه وقدم على وزرة العمل بي انهم استغلو اسمك

اخوي اذا معك ورقة اخلاء طرف من الشركة يعوضونك الشركة عن طريق شكوى الى التأمينات


. بس صدقني انا ودي من جاء عمري 18 اني سجلت بالتامينات عشان تحسبلك خدمة تستحق تقاعد مبر وانت عمرك 43
افضل من تسجل وانت عمرك 25 وتستحق تقاعد وانت عمرك 50 وانت انظر في امرك عسى يكون خيرة لك.

ماراح احد يفيدك الا مكتب العمل في هاالمشكلة
خل عنكً قالو قلنا ويمكن
اذا قالك مكتب العمل لك حق عندهم بتاخذه

طيب اذكر اسم الشركة عشان الناس تنتبه منهم

لا تتعب نفسك ما بيفيدك لا مكتب العمل ولا التأمينات

نظام مكتب العمل ما يحق لك تتقدم بأي شكوى مهما كانت اذا تعديت 12 شهر تماما من تاريخ تركك للعمل

و نظام الدوائر الحكومية ما تقدر تقدم اي شكوى على دائرة حكومية لو تعديت 5 سنوات من تاريخ المشكله

انت المفروض ما تسأل بالموقع هنا لأن كل واحد بيعطيك من رأسه وانت تتعب نفسك ولا تستفيد شيء

المفروض تستشير احد عنده خبرة لو مكتب محاماة بالشارع او بالتويتر او اي مكان

ولكن اختصرتها عليك وعطيتك العلم توك تصحصح من عام 2006 تارك العمل ولا تدري عن وضعك

استريح بس لا تتعب ولا تروح مكان هذا نظام الدولة ما جبت شيء من عندي

هذا شي اسمه استغلال ونصب واحتيال عارف تسجيلك في هذي الشركه من صالحهم من ناحيه النقاط والاستقدام والسعوده ولكن اخي الكريم اذا بتشتكي على يعينك على التسحيب والمرمطه وجلسات والله يعين