السيارات المخزنة ثقافة الشريطية

في انتظار مشاركة الجميع :)

اي والله حتى انا البارح شفت اسعار خورافيه مثال كامري فل 2006 ماشي 80 الف وطالبين 58 وكامري 2001 ماشي 150 وطالبين عليه 48 حسسوني انها سيارات تراث

شرهتي على الي يشتريها بهاذي الاسعار
وهاذي لعبة الشريطيه 
خلها تصدي 
مثل راعي الكرسيدا 95 مخزنه طالب 115 الف سلامااااات وXL بعد

حياكم الله جميعا وفيه شريطي ماهو عاجبه الموضوع:)

ودي اجلس مع اللي يشتري بهذي الاسعار واشوف ايش المرض اللي يخليه يحط هالمبلغ في سيارة زي كذا

الان فيه سيارات تباع بسعر اعلى من سعرها وهي جديده ،،

ثقافة الشراء عندنا سيئه المفترض تركها عشان تجبرهم على السعر اللي انت تبغاه عزيزي المشتري حتى وان كانت موديل هذي السنه نقدر نجبر الوكيل و الشريطيه بتخفيض السعر والا ماراح يبع ابداً،،

ابو محارب يبيلك سنتين على ماتقعد مع كل الشعب هههههههههههههههههه

صدقت  فيه ناس ماتفهم  ،،  تشتري  مديلات قديمه  ويقول مخزن ،،  
،  لاكن  بعض المديلات تكون  مرغوبه كثر من لجديده   
عندك لافلوون 2012 مرغوبه وشكلها افضل من الجديده اللي تقول كورلا
لاكن الكامري بالعكس الجديده احلى والدخليه جميله جدا  وفيه ناس تشتري 2011 باسعار غاليه جدا ،

عندك الهايلكس ناس تشتري 2005 بسعر خرافي وشي صار قدامي بيعت بسعر غالي 
يعني ياخذ مديلا جديد  وشكل جديد  واكبر حجم  واريح ايضا  ،،،،،  
من 2005    اللي تقول سيزوووو   شركات

شكراً على طرح الموضوع ، أنا ما عندي مشكلة يكون سعر المخزن الجديد مرتفع قليلا لكن ليس من المعقول وصوله إلى مستويات الجديد و ربما يتجاوزه

يارجال خلها تصدي رحت قبل اسبوع لمعارض خميس مشيط وعندهم الكرسيدا اللي يقول عنها اخوي الرفاعي قيمتها 115 و XL كمان والاقي 2 كرسيدا الاولی 83 والثانية 77 واقول للمصري ما بعتوها لسا قالي لا هذي غير الاولی واطقها ضحكه بوجهه واقوله يارجل شوف كيف السيارات متكدسة ما فيه ولا زبون كل اللي بالمعارض شريطية وازيدك من الشعر بيت عندهم سوبربان لؤلؤي ماشي 100 الف موديل 2009 يبي فيه 160 الف وحد نهائي !!!!!!!!!!!!!!!!!!

افالون 2011 بمعارض الشفاء امريكية اصفار xl  طالب فيها راعي المعرض 127 :)

المثل يقول ( رزق الهبل على المجانين )

فيه سيارات كثيرة الموديل القديم افضل من الحديث لكن مايعطيني الحق اني ادفع فيها اكثر من قيمتها الافلون 2012 و2011 في صالات امريكية مامشت شي 20 الف ميل اخت الجديدة ومواصفات تخيس باللي عندنا تشغيل عن بعد وارباقات وكل شي

وسعرها مايتعدا 90 الف قل بدفع فيها 100 الف عادي بس اني طالع موتر افضل مواصفات واستخدم استخدام ومواضب على زيوته وكل شي

احسن لي من ذا المزرعة اللي واقفة

ولو فكرت فيها فيها فرق 30 الف هذي والله ماتحطها في موتر ولا بعد 5 سنوات

من قوي الخبال لاقي معرض عارض افلون 2012 عوديه اظاهر ليمتد ب 154 الف وحاطها في الوجه

هاه وش تقول ؟؟؟

مانقول الا حسبي الله عليهم 

شريت افالون 2011 امريكي ب 78 xl